محتار بين مونديو 2009 و اوكتافيا A5

السلام عليكم ورحمه الله وبركاته
انا عضو جديد فى المنتدى وحابب اخد رايكم فى حاجه انا ان شاء الله نويت اشترى بس محتار بين المونديو 2009 واوكتافيا ياريت حد يفيدنى فى الموضوع ده وهل العيب اللى فى الفوكس ده موجود فى المونديو

أنا عندى فورد مونديو 98 و هى فعلا عربية جامده جدا من ناحية أداء و عمر العربية عاملة KM 250,000 بس أنا غيرت الموتور من km30,000 نتيجة غلطة منى أنى مشيت و مافيش مية و ماخدتش بالى من الحرارة و عكس السمعة الى طلعة عليها قطع الغيار متوفرة و أسعارها معقولة. ومش ناوى أغيرها لحد ما العربية تتكهن.
بالنسبة للجديدة دى أنا مستنيها من السنة الى فاتت اما نزلت فى معرض أخبار اليوم بس كويس أنهم أتاخروا علشان يجيبوا الشكل الجديد.
المعلومات الى عندى:
- العربية تقفيل بلجيكى, الموتور صناعة أنجليزى و الفتيس فرنسى.
- هى نفس فئة الباسات و ال C180 و العربية رقم 1 فى انجلترا فى فئتها
- الموتور النازل فيها هو نفس بتاع الفوكس بس الفتيس مختلف علشان مانويل
- العربية من جوة أو برة تحفة, انا شايفها أحلى من الباسات

حرام انك تقارنها بال A5 علشان دى فئة أقل.
عيبها لو انت عايز أتوماتيك أو بتحب تغير عربيات كتير علشان رجب جاب سمعة فورد الأرض. بس لو عايز عربية تعيش فهيا بالنسبة ليا أختيارى الأول.

شركه فورد شركه محترمه و عربياتها محترمه زيها بس مش واخده حقها فى مصر بسبب الوكيل الى للاسف بيمثل اسم فورد فى مصر عموما المونديو عربيه روعه و فيها اوبشن كتير و سعرها ب 200 و كسر اعتقد 203 الف و لذلك فمنافسها اعتقد انه فيكترا توب لاين او جيتا هاى لاين لان الاوكتافيا ب 190 مصرى (اخر سعر مكتوب فى الصحف هو 190 اليجانس)مشكله المونديو بيعها بمعنى ان بياعتها هتكون صعبه و كمان سعر قليل جدا نتيجه لانها مش منتشره و ان الناس خايفه من الوكيل +كمان ان مفيش منها اوتوماتيك .
انا رأيى الشخصى لو انت بتفكر فى سعر اعاده البيع او ناوى تغيرها يبقى بلاش مونديو و هات فيكترا او جيتا او اوكتافيا !!!!

بلاش المونديو واحد صاحبلى معاه العربية وفبريكة وبيدلل عليها عشان تتباع

المقارنة قصدك بين
الاوكتافيا الهاي لايناللي ب220 الف جنيهتقريبا
و المونديو
طبعا المونديو احسن رغم ان انا عنتدي اوكتافيا A5
بس ظروف السوق سعر اعادة البيع للاوكتافيا الهاي لاين حتخسر فيها جامد بس مش زي المونديو خسارتها اكبر بكتير
اوكتافيا A5
قطع غيارها متوفرة في كل مكان و باسعار رخيصة
عكس المونديو

شكرا يا جماعه على ردودكم
اصل انا بصراحه شوفت المونديو وعجبتنى جدا وحاسس فعلا كده ان هيه احسن من الاوكتافيا بس حاسسس كده ان انا هالبسها(من ناحيه سعر الاعاده) زى ملبست الصنى فبرده مش عايز اكون متسرع

شوفتها انهارده و كانت سوده
عباره عن كائن فضائى
جميله جدا

ال a5 الى ب 220 اعتقد انها اتلغت لان التوكيل معدش بيكتب سعرها ولا بيجيب سيرتها +انها اساسا مكانتش متوفره و بتيجى بالحجز!!

انا اقصدى على الاوكتافيا اللى هيه ب195 الف جنيه ( الاليجانس)

مونديو طبعا :w6266d
ربنا يوفق

المونديو 2009 طبعا

شكرا يا جماعه بس ياريت اللى يقول مونديو2009 يقول ليه عشان انا عايز اعرف ايه مميزاتها وايه عيوبها لو حد يعرف ياريت يقولى

اولا مميزاتها انها مش موجودة فى الشارع نهائيا يعنى 100% من ناحية التميز , شعور رائع انك تبقى معاك عربية مميزة مش زى الاوكتافيا اللى مع كل الناس
2-الاوكتافيا اتغير و نزل منها شكل جديد مش حلو كموديل 2009 فحرام تشترى الشكل القديم , هتخسركتير.
3-العربية كبيرة و حلوة اوى و اوروبى و امكانياتها عالية .
4-اشيك 100 مرة من بره و جوه من العربيات اللى فى نفس سعرها.
عيوبها
اكيد سعر اعادة البيع ضايع خالص لان العربية مش موجودة نهائيا فى الشارع.
2- مفيش منها اوتوماتيك و دا عيب قاتل بالنسبالى
3-محدش جابها علشان يعرف مميزاتها و عيوبها بعكس الاوكتافيا اللى كل حتة فيها معروفة , كمان مش معروف قيها مشاكل كمبيوتر زى الفوكاس و لا لأ و العيوب الغريبة اللى فى العربيات زى الفرنساوى و الاوبل.
4-اعتقد التوكيل سئ لانه طالع عليه سمعة سيئة و ممكن تكون قطع غيارها غالية و مش متوفرة (تقدر تتاكد من اسعار قطع الغيار و توافرها قبل الشراء).
5-بعد سعر اليورو الجديد (7.7 بدل 8.4) لم ينخفض سعر العربية ربع جنيه و فى رايى متشتريش الا بتخفيض على الاقل 20 الف جنيه و دا يعوض شوية فرق الخسارة فى اعادة البيع.

الصراحة انا لو منك و ميفرقش معايا الاوتوماتيك و مش ناوى اغيرها ل4-5 سنين على الاقل اشتريها بعد 6-8 شهور لما تبقى الازمة المالية فى عزها و اخد تخفيض 20000 جنيه على الاقل.
لو التوكيل مش راضى ينزل فى تمنها يبقى خليهاله يشبع بيها.

الاوكتافيا افضل للاسباب الاتيه

1- اعاده بيع اسهل .
2- قطع غيار متوفره .

.

شكرا استاز som3aa
مش حرام عربيه زى المونديو ديه يبقى فيها العيوب ديه والله خساره والله انا كنت مشدود ليها جدا اول ما شوفتها بس لحد دلوقتى مسمعتش اللى يطمنى من ناحيتها من ناحيه الخساره الجامده وحاجات تانيه بس يالله اللى فيه الخير ربنا يعملو

طبعا مونديو افضل ميه مره
واخده تقيمات ممتازه فى المواقع الاجنبيه و مبيعاتها عاليه
بس انت تصبر شويه لحد ما موضوع الاسعار يتضح و بلمره تتفرج على ميجان 3 لما تنزل لانها هتكون تحفه هيا كمان وممكن تفاضل بينهم لو تحب

طبعا مونديو افضل ميه مره
واخده تقيمات ممتازه فى المواقع الاجنبيه و مبيعاتها عاليه
بس انت تصبر شويه لحد ما موضوع الاسعار يتضح و بلمره تتفرج على ميجان 3 لما تنزل لانها هتكون تحفه هيا كمان وممكن تفاضل بينهم لو تحب