محتار بين مونديو 2009 و اوكتافيا A5

**ahmedkam** · 22-12-2008 03:49 PM

السلام عليكم ورحمه الله وبركاته
انا عضو جديد فى المنتدى وحابب اخد رايكم فى حاجه انا ان شاء الله نويت اشترى بس محتار بين المونديو 2009 واوكتافيا ياريت حد يفيدنى فى الموضوع ده وهل العيب اللى فى الفوكس ده موجود فى المونديو

**ASHAALAN** · 22-12-2008 10:03 PM

أنا عندى فورد مونديو 98 و هى فعلا عربية جامده جدا من ناحية أداء و عمر العربية عاملة KM 250,000 بس أنا غيرت الموتور من km30,000 نتيجة غلطة منى أنى مشيت و مافيش مية و ماخدتش بالى من الحرارة و عكس السمعة الى طلعة عليها قطع الغيار متوفرة و أسعارها معقولة. ومش ناوى أغيرها لحد ما العربية تتكهن.
بالنسبة للجديدة دى أنا مستنيها من السنة الى فاتت اما نزلت فى معرض أخبار اليوم بس كويس أنهم أتاخروا علشان يجيبوا الشكل الجديد.
المعلومات الى عندى:
- العربية تقفيل بلجيكى, الموتور صناعة أنجليزى و الفتيس فرنسى.
- هى نفس فئة الباسات و ال C180 و العربية رقم 1 فى انجلترا فى فئتها
- الموتور النازل فيها هو نفس بتاع الفوكس بس الفتيس مختلف علشان مانويل
- العربية من جوة أو برة تحفة, انا شايفها أحلى من الباسات

حرام انك تقارنها بال A5 علشان دى فئة أقل.
عيبها لو انت عايز أتوماتيك أو بتحب تغير عربيات كتير علشان رجب جاب سمعة فورد الأرض. بس لو عايز عربية تعيش فهيا بالنسبة ليا أختيارى الأول.

**KHALED AYMAN** · 22-12-2008 11:20 PM

شركه فورد شركه محترمه و عربياتها محترمه زيها بس مش واخده حقها فى مصر بسبب الوكيل الى للاسف بيمثل اسم فورد فى مصر عموما المونديو عربيه روعه و فيها اوبشن كتير و سعرها ب 200 و كسر اعتقد 203 الف و لذلك فمنافسها اعتقد انه فيكترا توب لاين او جيتا هاى لاين لان الاوكتافيا ب 190 مصرى (اخر سعر مكتوب فى الصحف هو 190 اليجانس)مشكله المونديو بيعها بمعنى ان بياعتها هتكون صعبه و كمان سعر قليل جدا نتيجه لانها مش منتشره و ان الناس خايفه من الوكيل +كمان ان مفيش منها اوتوماتيك .
انا رأيى الشخصى لو انت بتفكر فى سعر اعاده البيع او ناوى تغيرها يبقى بلاش مونديو و هات فيكترا او جيتا او اوكتافيا !!!!

**ahmedsrs** · 22-12-2008 11:30 PM

بلاش المونديو واحد صاحبلى معاه العربية وفبريكة وبيدلل عليها عشان تتباع

**crazylambada** · 22-12-2008 11:31 PM

المقارنة قصدك بين
الاوكتافيا الهاي لايناللي ب220 الف جنيهتقريبا
و المونديو
طبعا المونديو احسن رغم ان انا عنتدي اوكتافيا A5
بس ظروف السوق سعر اعادة البيع للاوكتافيا الهاي لاين حتخسر فيها جامد بس مش زي المونديو خسارتها اكبر بكتير
اوكتافيا A5
قطع غيارها متوفرة في كل مكان و باسعار رخيصة
عكس المونديو

**ahmedkam** · 22-12-2008 11:51 PM

شكرا يا جماعه على ردودكم
اصل انا بصراحه شوفت المونديو وعجبتنى جدا وحاسس فعلا كده ان هيه احسن من الاوكتافيا بس حاسسس كده ان انا هالبسها(من ناحيه سعر الاعاده) زى ملبست الصنى فبرده مش عايز اكون متسرع