ويرا تستحق ولا لأ

**Diablo** · 22-12-2008 09:58 PM

السلام عليكم ورحمة الله وبركاته
الموضوع انى مجربتش الويرا قبل كده ومعرفش سوقها عامل ايه
انا عندى عربية سوزوكى التو موديل 98 هى عربية حلوة وكل حاجة بس صغيرة وبناتى شوية فقررت انى ابيعها واجيب بروتون ويرا انا رحت شوفت العربية وسوقتها هى زى الفل فى الماتور بس الشنطة معكوكة شوية عشان كانت عاملة حادثة بس صاحبها سمكرها ورشها وعرضها على بــ 33.000 هى موديل 2000 جميع الكماليات 1300 سى سى هل هى بالسعر ده تستحق انى اجيبها ولا لا

**Diablo** · 23-12-2008 12:08 AM

فين الردود ياشباب؟

**MohabSaeed** · 23-12-2008 12:21 AM

الصبر طيب يا مستر ديابلو :-)

الويرا عربيه جميله جدا و ده عن تجربه ثبات ممتاز , صالون واسع جدا و مريح جدا جدا " اوسع بكتير من الفيرنا و الانوس " , استهلاك بنزين ممتاز , الموتور ال1300 سلس مش . قوى اوى لكن ممكن توصل 170 بيه و ده انجاز بالنسبه لانه 1300 سىسى 75 حصان .

بالنسبه للسعر انا مش حقدر افيدك لانى مشوفتش العربيه فعليا .... لكن لو الحادثه جامده و مأثره فى العربيه بلاش منها اساسا , لانك ممكن تجيب ويرا نفس الموديل و بحاله جيده ب 38 الف ... يبقى الافضل تزود ال5 الاف و تجيب عربيه سليمه .
ده رأيى و الاختيار ليك فى الاخر لانك انتا الى شوفت العربيه و جربتها و تحكم اذا كانت تستحق المبلغ ولا لا .

**amegoo75** · 23-12-2008 02:27 AM

راجع الخاص يا باشا

**tmz9111** · 23-12-2008 03:30 PM

اعتقد انها تستحق

**Diablo** · 23-12-2008 10:42 PM

عشان اريح بالى اتصلت بصديق لوالدى وهو تاجر سيارات قديم قالى كلام مصدقتوش قال ان العربية اساسا ملهاش سوق وعشان السوق فى النازل قالى اجيبله 25.000 وهو يحيبلى واحدة فابريقة فول اوبشن هل الكلام ده صحيح؟
حسيت انها عربية صينى من كلامه

**muhmado_furp** · 23-12-2008 10:50 PM

المشاركة الأصلية كتبت بواسطة Diablo

عشان اريح بالى اتصلت بصديق لوالدى وهو تاجر سيارات قديم قالى كلام مصدقتوش قال ان العربية اساسا ملهاش سوق وعشان السوق فى النازل قالى اجيبله 25.000 وهو يحيبلى واحدة فابريقة فول اوبشن

هل الكلام ده صحيح؟
حسيت انها عربية صينى من كلامه

اولا ياباشا هي العربيه الي انت بتتكلم عليها دي لونها بصلي وكانت معروضه ب33 الف ولا مش هيا
ثانيا بالنسبه لموضوع ال25 الف بتاعة صديق والد حضرتك بجد ياريت لو ينفع يجيبلي واحده انا كمان لان بجد مفيش الكلام ده في السوق

وبجد لو هو جاد ابعتلي رقمه علي الخاص وانا اكلمه واخليه يجيبلي واحده

**Diablo** · 24-12-2008 12:33 AM

فى مثل بيقول خليك ورا الكداب لحد باب الدار
فى ناس هتيجى تشترة عربيتى على يوم الجمعة وهجهزله الفلوس واشوف اذا كان فعلا كلامه صحيح ولا لا ولو صحيح هاديك رقم تليفونه

**MohabSaeed** · 24-12-2008 02:13 AM

مع كامل احترامى الراجل ده بيتكلم غلط .. الويرا عمرها ماتعمل 25 تحت اى ظرف ... الى لو عامله حادثه مدمره و اتصلحت غلط و مش نافعه تانى و برده مش حتبقى ب 25 ابدا ... , السعر ده " افتكاسه " كبيره جدا .
عموما لو قدامه عربيات ويرا بالتمن الى بيقول عليه ياريت تقولى علاشان اشترى منه ...لو فعلا جبهالى ب 25 الف جنيه بحاله كويسه ليه عندى 3000 جنيه عموله . " انا بتكلم جد على فكره " .