FRV بعد 7000 كيلو متر من mezo2k

**mezo2k** · 22-12-2008 11:19 PM

السلام عليكم ورحمه الله وبركاته
يارب يكون كل الناس تمام معلش انا اسف غبت شويه عن المنتدي بس ظرو ف الشغل

نتكلم عنFRV
1- العربيه احسن عربيه في السعر ده حتي بعد ما غليت
2- اهم الملاحظات لهواه السرعه العربيه انا جبت بيها 205 في طريق السخنه اكتر من 10 مرات RM علي 5.25 والملفات علي 180 زي الفل تحكم خيالي وثبات فعلا ثبات الالماني
3- الماتور صوته عالي شويه بسيطه بس ده عادي
4- المساحات الاماميه في اول دفعتين من العربيه لو حاولت ترفعها بتحك في الكبوت وفعلا انا بعت للناس في البافاريه وفعلا اتعدلت وكمان وصلت مصر وكل عربيه فيها( العيب ده
العيب ده في سيارات الدفعه الاولي والثانيه فقط )هم لوحدهم هيغيروا المساحات مع اول صيانه ليها صيانه 2000 كم
5-صيانه 2000 كم تشمل تربيط عفشه وتغيير زيت وفلتر ومراجعه كل الزيوت وبتتكلف حولي 340 جم شامل زيت شل 10000كم وفلتر
6- في عيب تاني في العربيه عيب عبيط النور بتاع الارقام الخلفيه حصل في تعديل في الماده الخام البلاستكيه القطعه البلاستك الي متركب فيها المصباح الصغير ده كانت بتسيح فتم تغيرها في الصيانه برده بس عندي مكنتش باظت بس انا عرفت ان ده عيب اكتشافوه في الصين وبعتوا المصباح الخلفي ليتم تغيره في السيارات الدفعه الاولي والثانيه -- الي بعد كده متعدل اصلا
7- في عيب في علبه الدريكسون لو ماشي براحه وخت نفره كبيره وانت تسمع صوت حديد بيخبط في بعضه وبرده العيب ده تم تعديله في الدفعات من اول الدفعه الثالثه والي قبل كده التعديل الان في الطريق الي مصر وسيتم تركيبه برده مع اول صيانه دون اي رسوم
8- العربيه زي الفل يا جماعه وياريت محدش يستغل المعلومات الي انا بعتها ده في الشوشره علي سمعه السياره والصنيين مهتمين جدا باي ملحوظه ببعتها وارجوكم بلاش شوشره علي العربيه

التوكيل شويه كتير زحمه بس هم بيفتحوا فرع جديد في 6 اكتوبر هو فعلا موجود بس لسه مشتغلش للجمهور

اي حاجه انا تحت امركم

**Rafraf** · 22-12-2008 11:55 PM

يا باشا يا باشا يا باشا يا نقيب :)

الف مبروك و الحمدلله على كل حال

هى دى عيوب اصلا؟؟

امال السيريون و الجين و غيره يتقال فيهم ايه

انا مش بقلل منهم بس الجين تو اول ما تستلم لازم تتحسر

مفتاح بايظ انذار مش شغال الخ

طمنتنا يا معلم و انا حاجز من زمان بس والدى مسافر و كمان انا متردد

بس كدا انت طمتنتى

شكرا يا برنس

**أبو كنوز** · 23-12-2008 12:02 AM

الله يباركلك فيها أنا بجد عجباني أوي و شايف إن ثمنها جميل بس في مصر في عقده في الجديد اللي لسه ماتجربش و أنا اتوقع نجاح للعربيه دي.

**mezo2k** · 23-12-2008 12:27 AM

[QUOTE=mezo2k;559093]السلام عليكم ورحمه الله وبركاته
يارب يكون كل الناس تمام معلش انا اسف غبت شويه عن المنتدي بس ظرو ف الشغل

نتكلم عنFRV
1- العربيه احسن عربيه في السعر ده حتي بعد ما غليت
2- اهم الملاحظات لهواه السرعه العربيه انا جبت بيها 205 في طريق السخنه اكتر من 10 مرات RM علي 5.25 والملفات علي 180 زي الفل تحكم خيالي وثبات فعلا ثبات الالماني
3- الماتور صوته عالي شويه بسيطه بس ده عادي
4- المساحات الاماميه في اول دفعتين من العربيه لو حاولت ترفعها بتحك في الكبوت وفعلا انا بعت للناس في البافاريه وفعلا اتعدلت وكمان وصلت مصر وكل عربيه فيها( العيب ده
العيب ده في سيارات الدفعه الاولي والثانيه فقط )هم لوحدهم هيغيروا المساحات مع اول صيانه ليها صيانه 2000 كم
5-صيانه 2000 كم تشمل تربيط عفشه وتغيير زيت وفلتر ومراجعه كل الزيوت وبتتكلف حولي 340 جم شامل زيت شل 10000كم وفلتر
6- في عيب تاني في العربيه عيب عبيط النور بتاع الارقام الخلفيه حصل في تعديل في الماده الخام البلاستكيه القطعه البلاستك الي متركب فيها المصباح الصغير ده كانت بتسيح فتم تغيرها في الصيانه برده بس عندي مكنتش باظت بس انا عرفت ان ده عيب اكتشافوه في الصين وبعتوا المصباح الخلفي ليتم تغيره في السيارات الدفعه الاولي والثانيه -- الي بعد كده متعدل اصلا
7- في عيب في علبه الدريكسون لو ماشي براحه وخت نفره كبيره وانت تسمع صوت حديد بيخبط في بعضه وبرده العيب ده تم تعديله في الدفعات من اول الدفعه الثالثه والي قبل كده التعديل الان في الطريق الي مصر وسيتم تركيبه برده مع اول صيانه دون اي رسوم
8- العربيه زي الفل يا جماعه وياريت محدش يستغل المعلومات الي انا بعتها ده في الشوشره علي سمعه السياره والصنيين مهتمين جدا باي ملحوظه ببعتها وارجوكم بلاش شوشره علي العربيه
9- الفرامل بتعتها كويسه جدا وهتسعفك في معظم المواقف باذن الله
10-في شكوي حستها شويه وسمعت انها متكرره في بعض السيارات ان عصا الفتيس بتعض سنه بسيطه وانت بتجيب الاول
11- حاجه كمان العربيه في الامام لما تفتح الكبوت بتلقي قنطره ربطه فردتين الشاسيه علي ما اظن ان يجب ان يكون في برده واحده تحت قنطره اماميه سفليه في frv مفيش كله تحت بلاستيك مقوي --

التوكيل شويه كتير زحمه بس هم بيفتحوا فرع جديد في 6 اكتوبر هو فعلا موجود بس لسه مشتغلش للجمهور

اي حاجه انا تحت امركم

**Mostafa Hessen** · 23-12-2008 12:37 AM

مبروووك يا باشا

بس معلش لو سمحت هو فى كام دفعة اتسلمت حتى الآن بجانب معندكش فكره حيسلموا امتى تانى

اصلى حاجز 5/11

ومبرووووووووووك

**sharmer** · 23-12-2008 01:40 AM

شكرا يا باشا على المعلومات القيمه دي !!
أهم حاجه انها عاجباك - أنا مستني الاستلام وربنا يسهل

**tata12001** · 23-12-2008 03:10 AM

Awalan Shokran 3ala el ma3lomat, wa Rabena yebareklak feha isA , wa yareet te2olena kol gadeda 3anha m3 kol seiana.
wa 3ayz a2olak wa la ay 7ad yeshtary el 3arabeia yarait lawo ay shakowa mn el 3arabeia yeb3atha lel sherka el asaseia fe el seen 3antare2 el email, awo fax awo ay tare2a 3alshan el nas de batehtam ba ay 3aib wa fe3lan 7aysala7o, 7ata lawo fe el dof3at el gadeda

**BaZzo0oKa** · 23-12-2008 01:52 PM

يا جماعه دى نمرة م/طارق مدير قسم المبيعات فالبفاريه للى عايز يستعلم عن الحجز يتصل
0106777477
وياريت تبلغونا دايما بالجديد

**hsemary** · 23-12-2008 02:03 PM

تمام ياباشا .. الله ينور والف مبروووك عليك ياباشا وربنا يباركلك فيها ان شاء الله

ياريت بس ياجماعه حد يقولى سعر نهائى للعربية FRV استلم فى وقتها ومن الاخر بقى عشان انا عمال اسمع ناس بتقول 75 وناس بتقول 80 وناس بتقول 77 ونص !!

ياريت التوضيح والف شكر