عرض للطباعة
الساده اعضاء منتدي بيجو , كل سنه و انتوا طيبيين كنت عايز اسأل عن مدي توافر قطع غيار ال 505 الاصليه (اجزاء ميكانيكيه و اكسسوارات ) و هل اسعارهم في الرينج الطبيعي بتاع البيجو ولا لا , مع اعطاء امثله ان امكن لاني ناوي اشتري 505 و عايز آخد قرار صحيح عن تجربه حقيقيه للساده ممن يمتلكون هذا الاسد
كل سنه وحضرتك طيب واهلا وسهلا بيك ياباشا
بص ياباشا ال505 عربيه ممتازه وفيه منها موديلات واشكال كتير وثابته جدا ع الطريق وواسعه قوي وقطع غيارها كلها موجوده ومتوفره والموتور هوا هوا موتور ال 504 يعني موتور حديدي وقطع غياره ع الرصيف
اما اسعار قطع الغيار قطع الغيار هتلاقيها كتير وموجوده وفيه انواع صيني - ايطالي -فرنساوي
مثلا طرمبه المياه الصيني ب 150
الايطالي ب225
وفيه الاوروبي ب 280
والفرنساوي الاصليه ب550
وكله بيشتغل وكله بيمشي
خد بالك ان كل ماينطبق علي ال 505 ينطبق ع ال505
وفي قطع الغيارماينطبق علي ال 505 ينطبق ع ال504 ينطبق ع 132 ينطبق ع المرسيدس التمساحه ينطبق علي ال 131انك مش كل حاجه هتلاقيها جديده بس هتلاقيها استيراد ونضيفه (مثلا كرونه -فتيس )
مشكور استاذ اسلام بنا , بس انا حضرتك قرأت في هذا المنتدي عن بعض الساده اضطروا لبيع سياراتهم البيجو 504 لأن مثلا وش السلندر اتشرخ و ما لقيهوش استيراد و لا جديد او عايز يغير باب مثلا فوجده باسعار خياليه ده لو لقاه استيراد اساسا , و حيث ان حضرتك بتقول ان بعض الأجزاء الأساسيه مشتركه بين 505 و 504 زي الموتور و الفتيس و العفشه ايضا , اذا فما ينطبق من حيث الندره و غلو الاسعار علي 504 يسري علي 505 ؟ يا تري انا فهمت صح ؟؟ و شكرا مره ثانيه لحضرتك و كل سنه و انت طيب.اقتباس:
المشاركة الأصلية كتبت بواسطة islambana
بص ياباشا مشكله العربيات القديمه ان تواجد قطع غيارها نسبي من محافظه لمحافظه يعني الحمد لله عندنا في الصعيد مافيش صعوبه في قطع الغيار وكله موجود هوا ده اللي انا اقصده اما في حكايه اسعار قطع الغيار فحضرتك بتقول ان السعار غاليه بس انا مش شايف كده لآنك راكب بيجو ياباشا مش (128)فمتقارنش اسعار قطع الغيار ب اسعار قطع ال128 مثلا انت راكب عربيه فرنساوي والحاجه اللي بتغيرها مابتغيرهاش تانياقتباس:
المشاركة الأصلية كتبت بواسطة zozoderaz
واي استفسارات انا في الخدمه
لا الاسعار اللي حضرتك ذكرتها طبعا مش غاليه بالنسبه للبيجو انا اقصد ان ندرتها تضيف لها غلو اكثر بمعني ان هناك ( رينج) للاسعار قد يختلف بشكل طفيف من بائع لاخر او من محافظه لمحافظه , اما لو حدثت ندره اساسا لقطع غيار موديل معين( الجديده منها) و التجار بطلوا يتعاملوا فيه و ايضا اصبح نادرا من حيث القطع اللي بتيجي من استعمال الخارج فستكون مشكله عامه علي جميع المحافظات و تفتح بابا للاسعار المبالغ فيها , و هو ده اللي اقصده و هو الخوف من الندره و ليس من السعر اللي في المدي المعقول بتاعه لو كان متوافراقتباس:
المشاركة الأصلية كتبت بواسطة islambana
و علي فكره احنا كان عندنا من 10 سنوات بيجو 504 و اودي موديل الثمانينات و كنت وقتها لسه صغير و داخل ثانوي و كانت المشكله ان والدي الله يرحمه كان لايستبدل قطع الغيار الا بمثيلتها الاصليه و كان ده طبعا يشكل عبئا ماديا و معنويا بمعني انه حصلت مره انه نزل يشغل العربيه ال 504 و لقاها مابدورش فجاب صنايعي يفحصها و قاله بالنص( العربيه دي يا باشا كانت حتنسرق امبارح و الحرامي كان عايز يعمل قفله علي المارش عشان يشغلها من تحت )! و طبعا اضطر يغير المارش اصلي و اذكر وقتها انه كان بمبلغ كبير جدا في اوائل التسعينات ده غير انه انتظر لما بعت جابه من القاهره لانه مكانش موجود عندنا في بحري , المره التانيه كانت في الاودي و دي كانت في طلمبه المياه و العربيه اتركنت 3 شهور علي ما يدور عليها و اخيرا واحد جابهاله من توكيل اتوموتيف بالصدفه و كانت ب 500 جنيه و ده كان في 1997 و لسه فاكر الواقعه دي, فمشكله ندره قطع الغيار فعلا مشكله مهلكه . و شكرا لمشاركتك و في انتظار المزيد.
مفيش حاجة فى البيجو نادرة وخصوصا ال 504 ده كل المواقف 504 أزاى ميلقوش قطع غيار موجوده زكتير جدا واللى مش لاقى العيب فيه لأنه مبيعرفش يدور
يا باشا حضرتك هتركب بيجو 505 يعني اسد البيجو الحقيقي و علي فكره نظام التعليق بتاعها مختلف عن ال 504 و الموتور تم تطويره
و الصالون هما كتبين 4 راكب لا ده 6 راكب هههههههههه و الشنطه واسعه جدا و و شكلها شيك توكل علي الله و ان شاء الله ربنا يرزقك بيها في الخير
الله ينور عليك ياباشا انا مارضيتش اقول كده عشان محدش يقول اني متحيز ليهااقتباس:
المشاركة الأصلية كتبت بواسطة the-hero
ما هو يا استاذ ( هيرو) البيجو اللي مالي المواقف ده شاسيه بس يعني الموتور متغير سولار تويوتا او اسوزو و ممكن الفتيس متغير و طبعا سيادتك مش هتلاقي و لا عداد شغال يعني من الآخر السواقين عايزيين عربيه تمشي و خلاص و شكلها كويس عشان المرور و القطعه اللي بتتلف يا بيجبها اي حاجه تمشيه يا اما لو ملاقهاش ( بيولف ) من ماركه ثانيه . و طبعا انا استحاله اعمل كده في عربيتي لان الاسترخاص في قطع الغيار الحساسه قد يؤدي الي نتائج غير مرغوبه و سيئه , امال ليه هما مشددين في قانون المرور الجديد علي موديلات الاجره بالذات ؟ هشان يقللوا من الاستهتار بارواح البشر , فهناك فرق كبير بين استعمال الملاكي و الاجره . و شكرا علي مشاركه حضرتكاقتباس:
المشاركة الأصلية كتبت بواسطة the-hero
باشا عشان ترتاح و الله سوق العربيه و جربها و هتحس ان كل ماليم اندفع في العربيه دي حلال
و يا باشا قطع الغيار موجوده و علي سبيل المثال العربيه دي لو ملهاش قطع غيار هيبقي سعرها في الارض
ياباشا الكلام اللي تقصده ده علي الانواع التانيه زي (فورد واجونيير -بلايموث- بيجو 404)اقتباس:
المشاركة الأصلية كتبت بواسطة zozoderaz
لكن حكايه تغيير المواتير بمواتير تويوتا دي عشان الفرق اللي كان بين سعر البنزين والسولار ولو نزلت دلوقتي هتلاقي معظم السواقين بيقلبوا تاني بنزين لكن الفتيس هوا هوا والكرونه هي هي وممكن لو حضرتك شاكك في كلامي تنزل اي موقف (موقف عبود)واسأل عن العربيه عامله ايه مع الناس وعن قطع غيارها ده حضرتك حتي لو سألت سواق ميكروباص معندوش بيجو او اي سواق تاكسي هتسمع قصائد شعر
متشكرين جدا يا باشا , بس انا عندي سؤال هو في موديلات من 505 تصنيع الارجنتين ؟ و لو في حضرتك تعرف تفرق بينها و بين الفرنساوي؟اقتباس:
المشاركة الأصلية كتبت بواسطة islambana
ماهي سعرها في النازل دلوقتي يا باشااقتباس:
المشاركة الأصلية كتبت بواسطة Nour_Peugeot
مهو سعرها في النازل لعده اسباب
1 الازمه الماليه
2 ضريبه ال 2000 سي سي
3 موديل ليس حديث جدا
ده انا عربيتي كنت جيبها ب 50 الف بيجو 405 دلوقتي ب 38 الف و يمكن اقل كمان
:k49:اقتباس:
المشاركة الأصلية كتبت بواسطة islambana
والله أقول مقريت ردك على مشركتى الاولة كنت هرد بنفس الكلام اللى انت قولته بجد بجد الله ينورك عليك ياباشا تمام كدا الدماغ وحده :majd(4):اقتباس:
المشاركة الأصلية كتبت بواسطة islambana
:satelite:
العربيه دى انا بعشقها والله العظيم ونفسى اجيب زيها !
على فكره دى البيجو 505 دى العربيه اللى انا اتعلمت عليها السواقه و من افضل العربيات اللى سقتها على مدار حياتى ..
يا ترى يا جماعه هيه سعرها يعمله متوسط كام حاليا ؟
وشكرا :)
متشكرين ياياشا وانا اتشرف بمعرفه معاليك وانا ان شاء الله مستني افضي شويه وهعمل موضوع عن ال 504 ازاي تشتريها ومميزاتها وعيوبها وقطع غيارها وكل حاجه عنها بس اخلص امتحانات ادعولي بقياقتباس:
المشاركة الأصلية كتبت بواسطة the-hero
معلش الرد متأخر شوية
والدي معاه بيجو 505 من الزيرو (1981 )و مش عاوز يسيبها علي الرغم من إلحاحي عليه ، أنا معايا صني كنت عاوزه يجيب واحدة هوه كمان بس رفض
و بصراحة معاه حق عربية محترمة محترمة عمرها ما قلت أصلها معانا لدرجة أني من كام شهر رحت بيها أسكندرية و لفيت كام يوم و رجعت القاهرة و العربية 2 بوجيه قاطعين و كنت ماشي 120 و كل اللي حاسس بيه أن العربية بتترج شوية
لو عاوز ميكانيكي للبيجو روح للحج عيد في أول شارع الظاهر من شارع بورسعيد و جنبه أخوه الحاج سمير لقطع الغيار لو أنت عاوز و لو وصلت للاستيراد روح الوكالة عند إيهاب
ال505 عربية جبارة وقطع غيارها عندنا هنا فى المنصورة ببلاش وبكرر ببلاش يعنى مثلا 4باب بمواتير الكربا بتاعة الازاز بالازاز بالمرايات بالفرش الداخلى ممكن يعمل 1000او 1100 جنية يعنى هبل ..وكمان مش هكلمك على السرعة والثبات والاتساع والاهم من دة كلة انك هتكون راكب عربية محترمة مهما عدا عليها الزمن ولو حد شد عليك على الطريق حضرتك بكل بساطة هتطر تستعرض عضلاتك وتستخدم الالفين سى سى وابقى اعملة باى باى من المراية ...وبالتوفيق