هل الاحسن دايو نوبيرا ولا اوبترا
ارجوا الافادة
عرض للطباعة
هل الاحسن دايو نوبيرا ولا اوبترا
ارجوا الافادة
احسن من ناحية ايه؟
يعنى المقارنة على اساس ايه؟
دى سعر و دى سعر تانى
اينعم الاوبترا تعتبر التطور بتاع النوبيرا
بس فى فرق بينهم
اقل حاجة الاوبترا قطع غيارها اغلى بسبب علامة شيفروليه اللى عليها
انا كنت محتار بين النوبيرا و الاوبترا ذيك كده لاكن لما جيت اقارن حطيت في الاعتبار الاتي:
1- سعر العربيه : النوبيرا ب 77 او 76 و الاوبترا ب 87 تقريبا
2- بالنسبه للوسع الداخلي و العرض الخارجي التنين قريبين من بعض ( بس دي اذواق بردو
3- قطع الغيار: و دي مشكله لان العربيه بتعيش معاك و الامر ميخلاش خبطه كده ولا كده لا قدر الله و ساعتها ممكن تتزنق في فلوس تصليح ( و ده موقف محبوش من عربيه انا راكبها) و طبعا كل واحد و امكاناته بس انا لسه ببتدي حياتي العمليه و محتاج حاجه علي قد فلوسي و ابقي مطمن انها مش هتكسفني
فمن رائي اركب نوبيرا موديل 2007 زيرو و ممكن اركبلها زينون و وحدات رفع و كاسيت محترم و لو امكن جنوط كمان و ابقي بردو مدفعتش تمن الاوبترا الزيرو و استمتع باداء الزيرو 3 او 4 سنين و بعدين لو بتحافظ علي العربيه هتعيش محترمه اطول من كده انا معايا فيليشيا 98 تاني يد بس كانت بحالت الزيرو و عامله 21000 كيلو و لحد النهارده حالتها بسم الله ماشاء الله فتوكل علي الله و صلي استخاره و احسم قرارك
و الف مبروك مقدما
د\ امير
الإختيار بين الإثنين دول نفسي يا دكتور
العشرتلاف جنيه دول فرق شكل و صالون أحدث و تقفيل كوري
و الله اعلم بالأداء و العمر
بس نفسي عشان ممكن حضرتك تكون مابتحبش تجيب عربية بتنزل من 97 و غالبا هتلاقي اتنين تلاتة منها في العيلة و عند معارفك
يعني مش هتحس إنها جديدة
لكن لو حضرتك عملي مش هتبص للحاجات دي و هتبقي مطمن لأنك حاطط فلوسك في عربية اثبتت نفسها من زمان و فلوسها في جيبك و قطع غيارها و صيانتها رخيصة
النوبيرا عربية ب 100 راجل عمرها مبتقل باصلها وعربية متينة
بص يا باشا الاتنين حلويين بس من الاخر العشر تلاف دول فى تقفيل كورى بعض التعديلات فى الموتور و العفشة مختلفى تماما شكل جديد بس النوبيرا عربية محترمة برده و سعر قطع غيار قليل بالمقارنة بالاوبترا يعنى احسبها مع نفسك كده و كمان حسب الميزانية
بالتوفيق ان شاء الله
أنا رأيي حضرتك تبعد عن التقفيل المصري (أنا مش ضد النوبيرا بالضرورة بس ما باطمنش للتقفيل المصري بعد تجربتي معاه)
ولاحظ حضرتك إنه رغم إن العربيتين تعتبر واحدة فيهم تطور للتانية إلا إن التوكيل مختلف وأعتقد ديه نقطة لازم تاخدها في اعتبارك (أنا ما اتعاملتش مع الاتنين بس الآراء اللي باشوفها عالمنتدى تخليني أرجح كفة منصور على أبو الفتوح).
كمان النوبيرا بقالها حوالي 10 سنين وشكلها بقى مستهلك (رغم إني بفضل شكلها عن الأوبترا).
وصحيح ممكن تكون قطع غيار الاوبترا أغلى بس لو حضرتك أمنت عليها أعتقد ده هيبقى حل جزئي للمشكلة.
على فكرة أنا مجربتش العربيتين بس بقول ملاحظاتي العامة وأرجو أن يكون فيها بعض الإفادة.
النوبيرا عربية من الماضي
الاوبترا فى الاصل هى نوبيرا 3 يعنى الشاسية و العفشة و الموتور واحد و حتى الحجم الخارجى تقريبا واحد لكن الفرق فى الشكل الخارجى و الداخلى و التقفيل... ممكن تبقى بعض قطع غيار الاوبترا غالية و دى القطع اللى مش مشتركة مع النوبيرا لكن الباقى واحد
ال10 الاف جنية فرق انت اللى تقدر تحكم يستاهلوا يندفعوا فى الاوبترا ولا تروش بيهم النوبيرا
MMamdouh
[+100000اقتباس:
ال10 الاف جنية فرق انت اللى تقدر تحكم يستاهلوا يندفعوا فى الاوبترا ولا تروش بيهم النوبيرا
من رايى انتا اولى بال 10 الاف و النوبيرا احسن فى الشكل "اذواق"