دايو نوبيرا ولا أوبترا

**sarhan** · 09-08-2007 08:01 PM

هل الاحسن دايو نوبيرا ولا اوبترا
ارجوا الافادة

**معاذ الشرباصى** · 09-08-2007 08:02 PM

احسن من ناحية ايه؟

يعنى المقارنة على اساس ايه؟

دى سعر و دى سعر تانى

اينعم الاوبترا تعتبر التطور بتاع النوبيرا

بس فى فرق بينهم

اقل حاجة الاوبترا قطع غيارها اغلى بسبب علامة شيفروليه اللى عليها

**amir** · 19-09-2007 10:37 PM

انا كنت محتار بين النوبيرا و الاوبترا ذيك كده لاكن لما جيت اقارن حطيت في الاعتبار الاتي:
1- سعر العربيه : النوبيرا ب 77 او 76 و الاوبترا ب 87 تقريبا
2- بالنسبه للوسع الداخلي و العرض الخارجي التنين قريبين من بعض ( بس دي اذواق بردو
3- قطع الغيار: و دي مشكله لان العربيه بتعيش معاك و الامر ميخلاش خبطه كده ولا كده لا قدر الله و ساعتها ممكن تتزنق في فلوس تصليح ( و ده موقف محبوش من عربيه انا راكبها) و طبعا كل واحد و امكاناته بس انا لسه ببتدي حياتي العمليه و محتاج حاجه علي قد فلوسي و ابقي مطمن انها مش هتكسفني
فمن رائي اركب نوبيرا موديل 2007 زيرو و ممكن اركبلها زينون و وحدات رفع و كاسيت محترم و لو امكن جنوط كمان و ابقي بردو مدفعتش تمن الاوبترا الزيرو و استمتع باداء الزيرو 3 او 4 سنين و بعدين لو بتحافظ علي العربيه هتعيش محترمه اطول من كده انا معايا فيليشيا 98 تاني يد بس كانت بحالت الزيرو و عامله 21000 كيلو و لحد النهارده حالتها بسم الله ماشاء الله فتوكل علي الله و صلي استخاره و احسم قرارك
و الف مبروك مقدما
د\ امير

**zorooo1986** · 20-09-2007 01:56 AM

النوبيرا عربية ب 100 راجل عمرها مبتقل باصلها وعربية متينة

**mina_ramsis** · 20-09-2007 03:40 AM

بص يا باشا الاتنين حلويين بس من الاخر العشر تلاف دول فى تقفيل كورى بعض التعديلات فى الموتور و العفشة مختلفى تماما شكل جديد بس النوبيرا عربية محترمة برده و سعر قطع غيار قليل بالمقارنة بالاوبترا يعنى احسبها مع نفسك كده و كمان حسب الميزانية
بالتوفيق ان شاء الله

**Heshaam** · 20-09-2007 04:32 AM

أنا رأيي حضرتك تبعد عن التقفيل المصري (أنا مش ضد النوبيرا بالضرورة بس ما باطمنش للتقفيل المصري بعد تجربتي معاه)

ولاحظ حضرتك إنه رغم إن العربيتين تعتبر واحدة فيهم تطور للتانية إلا إن التوكيل مختلف وأعتقد ديه نقطة لازم تاخدها في اعتبارك (أنا ما اتعاملتش مع الاتنين بس الآراء اللي باشوفها عالمنتدى تخليني أرجح كفة منصور على أبو الفتوح).

كمان النوبيرا بقالها حوالي 10 سنين وشكلها بقى مستهلك (رغم إني بفضل شكلها عن الأوبترا).

وصحيح ممكن تكون قطع غيار الاوبترا أغلى بس لو حضرتك أمنت عليها أعتقد ده هيبقى حل جزئي للمشكلة.

على فكرة أنا مجربتش العربيتين بس بقول ملاحظاتي العامة وأرجو أن يكون فيها بعض الإفادة.

**المتميز** · 20-09-2007 05:09 AM

النوبيرا عربية من الماضي

**MMamdouh** · 20-09-2007 10:45 AM

الاوبترا فى الاصل هى نوبيرا 3 يعنى الشاسية و العفشة و الموتور واحد و حتى الحجم الخارجى تقريبا واحد لكن الفرق فى الشكل الخارجى و الداخلى و التقفيل... ممكن تبقى بعض قطع غيار الاوبترا غالية و دى القطع اللى مش مشتركة مع النوبيرا لكن الباقى واحد

ال10 الاف جنية فرق انت اللى تقدر تحكم يستاهلوا يندفعوا فى الاوبترا ولا تروش بيهم النوبيرا

MMamdouh

الموضوع: دايو نوبيرا ولا أوبترا

LinkBack

أدوات الموضوع

عرض

-

-

-

-

المواضيع المتشابهه

شيفورليه أوبتر اللى هى أصلا دايو لاسيتى ولا دايو نوبيرا ؟

ايهما افضل اتوماتيك دايو لانوس 1 _دايو لانوس 2 _ دايو نوبيرا _ هيونداى اكسنت 2000_كيا

لينيا - أوبترا - نوبيرا - واجا

نوبيرا و لا أوبترا

نوبيرا أتوماتيك و لا أوبترا مانيوال

الكلمات الدلالية لهذا الموضوع

المفضلات

المفضلات

ضوابط المشاركة