Top Top Top Urgent

**mexmarine** · 23-12-2008 07:58 PM

السلام عليكم يا خبراء الابيزا

انا كنت املك 94 و حاليا معروضه على واحده 2002 1000 سى سى فول اوبشن مانيوال فابريكه بره و جوه ما عدا الاكصدامات .. حالة البودى كويسه وواضح ان صاحبها بيخاف عليها لكن صوت الموتور عالى شويه و فيه شبه نحره بعد ما اشيل رجلى من على دواسة البنزين من بعد ما ازود بنزين ..مفيش جنوط .. عاوز 45 ألف

ايه رايكم اصلا فى 2002
ايه رايكم فى السعر (فوق .. تحت)
مش عارف اجيب ميكانيكى لأنه مش هيفهم فى موتورها و لو حد عارف ميكانيكى فى اسكندريه متخصص

**fadynabil** · 24-12-2008 10:30 AM

بصراحة لو كنت في القاهرة كنت قولتلك إجري علي أحمد سمير بس إسكندرية مش عارف وبالنسبة للسعر أعتقد إنها ممكن تخلص أقل من كده عشان الأسعار هديت شوية

**ehab_mansour** · 24-12-2008 11:59 AM

كل اللي أقدر اقلهولك ان موضوع النحره اللي في الصوت دي لما ترفع رجل من علي الدبرياج سببها غالبا بلية الدبرياج وده موضوع بسيط وعادي بيتحل بسهولة في اي عربية وكمان انا معايا ابيزا 98 1000 سيسي كويسه جدا وموتورها حلو مش وحش زي كلام ناس كتيييييير ان الألف من كويس ومش بتاع سفر انا اصلا كل شغلي سفر والحمد لله ممتازة وبجيب بيها لحد 160 وكل قطع غيارها متوفرة ودور هنا في المنتدي عن مواضيعها وان تلاقي اللي انت عايزه عن كل حاجه
موضوع اسكندريه ده صعب لأني ماأعرفش حد هناك
وربنا يسهلك وييسرلك الأمر ان شاء الله

**fadynabil** · 25-12-2008 09:58 AM

المشاركة الأصلية كتبت بواسطة mexmarine

شكرا يا باش مهندس فادى و إيهاب باشا على الاهتمام و الرد .. حقيقى الوقت ضيق جدا بالنسبه لى لازم ارد على الراجل بكره الخميس خصوصا أنه صريح و قال لى انه بيبيعها لأنها بتكلفه كتير من قطع الغيار العاديه زى الفلاتر و الزيوت و السيور لأنه كان معاه قبل كده لادا ..انا كانت معايا ال94 لمده ثلاث سنوات و مرحتش بها لميكانيكى غير لتغيير طاقم رومان بيل خلفى فقط .

بالنسبه للنحره دى و انا واقف و ممور العربيه و الدبرياج بره الموضوع خالص ..!!

لأ كده ممكن ياإما كهربا مش مظبوطه يا إما الموتور مش تمام .. م الأخر إكشف عليها كويس جداً ويا ريت حد يكون بيفهم كويس في العربيات دي وربنا يوفقك

**grumby78** · 28-12-2008 08:08 AM

روح ل هريسة اللي في كوم الدكة . ببساطه نمرة 1

**Ahmad Allawy** · 29-12-2008 12:35 PM

المشاركة الأصلية كتبت بواسطة mexmarine

شكرا يا باش مهندس فادى و إيهاب باشا على الاهتمام و الرد .. حقيقى الوقت ضيق جدا بالنسبه لى لازم ارد على الراجل بكره الخميس خصوصا أنه صريح و قال لى انه بيبيعها لأنها بتكلفه كتير من قطع الغيار العاديه زى الفلاتر و الزيوت و السيور لأنه كان معاه قبل كده لادا ..انا كانت معايا ال94 لمده ثلاث سنوات و مرحتش بها لميكانيكى غير لتغيير طاقم رومان بيل خلفى فقط .

بالنسبه للنحره دى و انا واقف و ممور العربيه و الدبرياج بره الموضوع خالص ..!!

معلش انا ردي متأخر شوية.ز بس يا رب يكون مفيد..
النجربة دي ممكن جدا يكون سببها سير الدينامو.. او بلية الدينامو.ز او الشداد بتاعه (لو فيها شداد..) او يكون سير الكاتينة بيشاور عقلة (لو السير كاوتش مش جنزير..) و كل الحاجات دي بسيطة و متقلقش..