ايه رايكم فى بونتو 2001 وسعرها كام

**ahmed1_com** · 23-12-2008 10:21 PM

ممكن اعرف راى الناس المعاهم بونتو ممكن اعرف اسعالا قطع الغيار العربيه معمره ولا ايه متورها ناعم والعفشه كويسه ولا ايه وبالنسبه للموتور بيعمر بدرى زى كل الفيات ولا زى اليبانى والا لمانى مبيعمرش بدرى ياريت تجوبونى عشان بجد عايز اخلص فى واحده موديل 2001

**SmartMega** · 28-12-2008 07:22 PM

السلام عليكم
السيارة بجد غاية في الروعة أنا لسة شاري واحدة موديل 2000 من شهرين بجد عربية جميلة جدا
أسعار قطع غيارها متوفرة وأسعارها معقوله جدا بالنسبة لمثيلاتها من الهاتش باك
السيارة إيطاليه 100%
العفشة والمساعدين تمام جدا بفضل الله ... وعلي العموم لاقدر الله أي حاجة تغيرها في العربية أنساها
لأن قطع غيارها معمرة
وإذا أحتجت أي حاجة أتصل بيا علي تليفون 0128222081 أخوك أحمد مجدي

والسلام عليكم

**samady86** · 12-02-2009 04:42 PM

السلام عليكم
لو سمحت انا كنت بسال ايية اخبار الحك بتاع المطبات؟؟

**SmartMega** · 14-02-2009 09:56 AM

حك ؟ ... حك إية يا أستاذي الفاضل
أنا الحمد لله بركب 3 في الكنبة وباخد مطبات والحمد لله العربيه عمرها ما بتحك في أي مطب
وعلي فكرة دة رقمي الجديد 0166614206

**memoo_1st** · 14-02-2009 09:59 AM

هيا سعرها بيعمل في حدود كام ؟

**SmartMega** · 14-02-2009 01:54 PM

حسب الموديل أنا قدامي واحدة معروضة للبيع موديل 2001 بحاله ممتازه ولا تحتاج لأي مصاريف ب 45000 لونها أسود
السعر بيبقي علي حسب الحاله والموديل بتبتدي من 40 لحد 50 الف دة بخصوص من موديل 99 إلي 2003

**memoo_1st** · 14-02-2009 02:16 PM

المشاركة الأصلية كتبت بواسطة SmartMega

حسب الموديل أنا قدامي واحدة معروضة للبيع موديل 2001 بحاله ممتازه ولا تحتاج لأي مصاريف ب 45000 لونها أسود
السعر بيبقي علي حسب الحاله والموديل بتبتدي من 40 لحد 50 الف دة بخصوص من موديل 99 إلي 2003

متشكر جدا لرد حضرتك بس هل هيا افضل ولا بولو 2001 او 99

**SmartMega** · 15-02-2009 10:13 AM

اولا وأخيرا دي أذواق ممكن ناس كتير تقول ان البولو شكلها أشيك وأجمد بس أنا ركبت البولو 2001 وركبت البونتو وكنت بفكر قبل ما أشتري
بولو ولا بونتو ولا ابيزا .. اول حاجة فكرت فيها هي الموتور كام سي سي ولاقيت ان البولو والأبيزا 1000cc ومع العلم انك لو بصيت في الرخصة هتلاقي مكتوب فيها أقل من كده انما البونتو 1300 وبالظبط 1242cc وكمان بأمانه والله ركبت البولو لاقيتها ضيقة جدا بالنسبة للبونتو وغير كدة قولت فنفسي لما عربيه 1000CC ومستعملة يبقي أكيد الموتور مش هايبقي زي ما كان زيرو وغير كدة أنا أصلا كنت هاشتري بونتو 95 ولما لاقيت الراجل بيقولي انها 1000CC طبعا لاغيت الموضوع من دماغي ودة غير كمان انك تعمل حسابك ان موتور 1000CC وكمان هاتشغل معاه التكييف أكيد التكيف هايكون تعبان ده غير انه هايأثر علي سحب العربية ...
.وفي الأول والأخر الختيار ليك وأتمني أني أكون افدت سعادك

**samady86** · 16-02-2009 02:05 PM

الف شكر ياباشا على الرد
انا بردة كنت عايز اسال على التكيف اية اخبارة معاك ؟؟انا المشكلة بس اللى عندى انى شغال فى العاشر من رمضان فا هروح واجى على طريق سفر 60ك رايح و 60 ك جاى يعنى على الاقل 120 ك فى اليوم ..الكلام دة البونتو تستحملة(انا بتكلم على الموديل 2000 الى 2003) شكرا