الموضوع: حمـــلة ايد في ايد نضع حد للتجار السيارات ** خلوها تصــــــــدى **

المشاركة الأصلية كتبت بواسطة asbeats

مش كل الناس عندها ايميلات!!!
بس بالتأكيد كل الناس معاها موبايل حتى بياعين الخضار والسواقين والسمكرية والبوابين...

على فكرة الناس دى مش هيتجوبوا معاك لان الناس دى عايشة مطحونة مش فارقة معاها العربيات بكام
دول تفكيرهم فى رغيف العيش وبعدين مبدئهم فى الحياة عيشنى النهاردة
انما الايميل مافيش دلوقتى هيئة حكومية الا فيها مكتب للكمبيوتر وفية نت علشان يكونوا على اتصال بالوزارة
والشركات الخاصة الكمبيوتر والنت شىء اساسى طبعا
دى وجهة نظرى

لو تفتكروا حمله العصيان اللى كانت على الفيس بوك واللى جابت نتيجه هايله

ممكن برده يتعمل حاجه زيها ويتم الاتفاق مع برنامج 90 دقيقه ويعرض على ملايين المصريين على الهواء

انا مع خلوها تصدي، موش بس لأني جايز استفيد من نتايجها، لكن هو ده المسار اللي لازم يمشي فيه اي واحد بيحترم العقل و المنطق، و ما يسلمشي للطماعين و النصابين، اللي كالوها و بيكلوها ولعة. عايزين نقول كلنا لا و الف لا لاستغلال الناس، لا و الف لا للجشع.

إحنا موش طماعين، و لا عاوزين التجار ينخرب بيت اللي جابوهم و لا حاجة من دي، احنا عاوزين عدالة. هم على فكرة لو رتجاوبوا لوحديهم و نزلوا العربيات حتى لغاية 30% موش هيخسروا، و يا ريت لو فيه حد محتك بالموضوع ده اكثر جايز يأكد كلامي.

الخوف يا جماعة موش من الناس اللي ممكن تاخد الموضوع بسلبية، لأن ده موش وارد، لأني زي ما سبق و قلت إن حملة خلوها تصدي معنية بالعقل و المنطق، و اللي يتبعها من تأثير على لقمة العيش.

الخوف الحقيقي من الحكومة الموقرة، إنها ممكن تتخذ شوية إجراءات تساعد التجار و الوكلاء و المجمعين الجشعيين على الناس على سبيل المثال:

** تقوم الحكومة بعملية احلال و تجديد لاساطيل السيارات الحكومية و التابعة للقطاع العام في الوقت ده، و زي ما انتوا عارفين مال الحكومة مال سايب، و حتى لو ما كانشي سايب، فالحكومة هتاخد بنسبة خصم كبيرة من الوكلاء و ده هيكون بحجة انها اشترت كميات كبيرة، موش علشان ان الاسعار نزلت!

** تخيلوا لو عملت الحكومة نفس الشيء و لكن في شكل العربيات اللي بتتحجز للظباط في الجيش و الشرطة، طبعا هيكون التأثير قوي و سلبي جدا على حملة خلوها تصدي.

خلوها تصدي، نفسها بس الحكومة ترفع ايدها عن الموضوع ده زي ما هي رافعة ايدها عن كل حاجة في مصر.

ممكن نقول
اذا كنت تريد شراء سيارة بتخفيض 40%من ثمنها في مصر انتظر هذة المفاجئة في الايام القادمة ولا تتسرع في الشراء.
----------------------

اعتقد ان دة عشان الي ميفهمش يفهم وينتظر لغيت مانشوف .
علي فكرة الي نفسوا اطول هو الي هيفوز في المعركة الشرسة بين امشتري
والتاجار السفاحيين الحرمية