الموضوع: حمـــلة ايد في ايد نضع حد للتجار السيارات ** خلوها تصــــــــدى **

الأردن تلغى الجمارك على السيارات تماما

http://www.nilemotors.net/Nile/showthread.php?t=53292

عقبالناااااااااااااا يااااااااااااااا رب

الحمله ديه هايله يا جماعه تعالوا ندعمها في كل المواقع والمنتديات والفيس بوك كمان لحد ما كل التجار والوكلاء تبطل جشع

اكد الخبراء ان سوق السيارت فى مصر يسبح ضد التيار
وان وكلاء السيارت فى مصر لديهم ازمه فى ظل ظرف ترجع
المبيعات 40% .وفى حاله عدم تخفيض الاسعار فى الاجل القريب سوف يودى الى افلاس العديد من الوكلاء.
كما اوضح البعص ان اسعار سوف تتغير تماما(انخفاض) بعد شهر يوليه-2009 وذلك سواء برضاء الوكلاء او بعدمه
يا جماعه الصبر اسعار السيارات فى مصر ريحه فى داهيه

عندى سؤال مهم لكل واحد هنا فى المنتدى
اولا: قبل السؤال ان عرفت ان عدد اعضاء المنتدى
حوالى 30 الف
طيب السؤال
لماذا اعضاء المنتدى الكرم لا ينظموا حمله ضد جشع تجار وكلاء السيارات ؟

انا قصدى مش بس حمله على صفحات المنتدى لكن عن طريق استخدام جميع وسائل الاعلام.
كما ارجو العون والمساعده من خلال اداره منتدى نايل موتورز.
انتمنى لو حد عنده اقترح يرد على المشاركه عشان اداره المنتدى
تاخذ الامر بعين الاعتبار

انا معاكم ياجماعة في الحملة دي ، انا خلاص بيعت عربيتي وهاستني شوية لحد ماشتري زيرو ان شاء الله.
وهأجل قرار الشرا لحد مانشوف الاسعار هاتعمل ايه
يارب تنزل بجد بقي

المشاركة الأصلية كتبت بواسطة Micro513

عندى سؤال مهم لكل واحد هنا فى المنتدى
اولا: قبل السؤال ان عرفت ان عدد اعضاء المنتدى
حوالى 30 الف
طيب السؤال
لماذا اعضاء المنتدى الكرم لا ينظموا حمله ضد جشع تجار وكلاء السيارات ؟

انا قصدى مش بس حمله على صفحات المنتدى لكن عن طريق استخدام جميع وسائل الاعلام.
كما ارجو العون والمساعده من خلال اداره منتدى نايل موتورز.
انتمنى لو حد عنده اقترح يرد على المشاركه عشان اداره المنتدى
تاخذ الامر بعين الاعتبار

+10000000000:k32:

الازمه العالميه

وحش مفزع بالنسبه لعالم السيارات فى الفتره الحاليه

انسحاب من مشروعات جديده واختفاء موديلات من خطه الانتاج وتسريح عماله وتأخير موديلات قيد التطوير

اخبار سيئه جدا سمعناها الفتره دى عن الشركات العالميه وازاى الكل بيحارب علشان يهرب من الافلاس

بدايه الموضوع بوشك افلاس اوبل وفولفو وساب و مجموعه كرايسلر و جنرال موتورز بجيش الشركات اللى بتضمها

ونهايه المأساه بأنسحاب هوندا من الفورميلا 1 وانسحاب سوبارو من الرالى وانسحاب بورشه وأودى من الليمانس 24 ساعه

غير عربيات كتير اتوقف تطويرها وموديلات كتير اتلغى خطوط انتاجها وخطط تجريبيه كتير اتوقفت حفظا للتكاليف

السوق العالمى للسيارات بيغرق بكل معنى الكلمه

ولكن على الجانب المصرى

أزمه مين وبتاع ايه احنا مالناش دعوه بالازمه البلد زى الفل والمبيعات عاليه والحياه وردى

مين قال ان العربيات هترخص ؟؟

ولو اتكلمت عن حكايه السوق المصرى للسيارات الموضوع هيكون طويل اوى

السوق المصرى كان ولازال بيمشى حسب قوانين التوكيلات والتجار لا علاقه للأقتصاد العالمى ولا حركه البيع والشراء ولا حتى الاقبال على العربيه بسعرها

بس لأول مره الفكره تختلف والواقع يكون ضد كل التوقعات

التوكيلات الكبيره فى مصر واللى مبيعاتها عاليه كالعاده بيكون مخزونها كبير من العربيات اللى مبيعاتها عاليه

ده علشان يمنع قائمه الحجز اللى بتهرب المصريين من العربيه لأننا بطبيعتنا شعب غلبان وبيفرح بالجديد ومش بنحب الانتظار

طبعا علشان يكون فى مخزون كبير لازم التوكيل يتعاقد مع الشركه الام على الدفعات من قبلها بفتره كبيره علشان ياخد دوره فى خط انتاج العربيه فى المصنع الاجنبى

او على الاقل يضمن وصول المواتير والشاسيهات للعربيه المجمعه فى وقت سليم يوفر له وقت فى خط التجميع المصرى

وكل الكلام ده بيحصل دايما فى النص الاول من سنه الموديل

بحيث اخر شهرين فى السنه يكون بدء بالفعل فى حجز موديلات السنه الجديده للعملاء وكمان يسلمهم العربيات فى اخر شهر من السنه الحاليه

ويكون المخزون من العربيات موديل السنه الحالى وصل لصفر

طبعا كل ده بيكون حسب خطه مبيعات محكمه بيعرف من خلالها يسوق العربيه كلها بدون ما يقعد عنده عربيه واحده منهم

اللى حصل السنه دى بقا ضرب كل التوقعات

الازمه العالميه حصلت فى النص التانى من السنه وبكده يكون الوقت عدى على وقف الدفعات المستورده من الخارج

+ ان اصلا التوكيلات اعتادت على ان شعبنا العزيز بياخدله يومين ويرجع زى ما كان فأشاعه ان العربيات هترخص دى مش هتعمر فى البلد كتير وكلها شويه والناس هتزهق وتشترى

لكن كل التوكيلات اتفاجات بخساره الشركات الام الفادحه و اضرارهم الى تخفيض اسعار العربيات والضغط على التوكيلات بتخفيض هامش الربح لهم لضمان مستوى مبيعات اعلى

ولأن محدش فى الفتره الحاليه مستعد يخسر وكاله شركه اجنبيه ( الحال من بعضه والتوكيلات كمان بتخسر ) غصب عن التوكيلات هتنصاع تحت اوامر الشركه الاجنبيه وهتخفض هامش الربح وهتلتزم بفواتير العربيات اللى انخفضت حسب وارد الشركه الام

اصبح التوكيل فى ازمه

عندى مخزون 2008 مش عارف هعمل فى ايه والمبيعات وقفت خالص على غير المتوقع والشركه برا بتستغيث

فى حل من اتنين

يا الشعب يقتنع ان العربيات مش هترخص لو عملو ايه فالكل يشترى والحق اخلص مخزون 2008 واكسب منه شويه علشان كدا كدا مكسبى هيقل فى موديل السنه الجديده

يا اما ارخص موديلات 2008 واقلل هامش الربح لأقل قيمه ممكنه وبكدا ادخل فى السنه الجديده صحيح بمكسب اقل بس هبقى مستريح اكتر

وطبعا معروف اختيار التوكيلات

حتما ولابد ولازم الشعب كله يقتنع ان المبيعات عاليه وان العربيات مش هترخص

ده اللى حاولت تعمله شركات كتير لكن الحقيقه كانت اقوى من الاعيبهم


منهم توكيل تويوتا المحترم اللى اقتنع تمام الاقتناع ان رفع اسعار عربياته هى الحل المثالى لأقناع الشعب بأرتفاع مبيعاته

وبدأو فى نشر الكلام فى السوق ان ارتفاع سعر الين اليابانى هو السبب وراء رفع الاسعار وان العربيات اليابانى هترخص لا محاله مهما كانت الازمه خارجيا

مع ان بمراجعه كل مصادر الاخبار العالميه هتلاقى ان شركات السيارات فى اليابان بتستغيث زى اى شركه فى العالم والارباح فى النازل والمبيعات وقفت

منهم العملاق هوندا اللى دخل فى قوقعه لخفض كل المصاريف السنويه وانسحب من الفورميلا 1 ومن احد بطولات الدراجات الناريه المشهوره ولغى مشروع تطوير و انتاج جيل جديد من ال NSX ده غير وقف الشركه لكل مراحل تطوير انظمه الكترونيه وميكانيكيه جديده

وفجأه وبعد اقل من شهر من رفع اسعار عربياتها رجعت الشركه فى القرار ونزلت اسعار العربيات تانى تحت المستوى الاصلى

كذلك الاخبار اللى تداولت بين الناس ان توكيل Bmw فى مصر بيعانى من ركود رهيب فى المبيعات

يأكد الكلام ده ظهور الفئه الثالثه الشكل الجديد فى مصر من اكتر من شهر ومع ذلك محدش شافها فى الشارع خالص

ده الدعايه وصلت لدرجه ان BMW بتبعت دعايا للعربيه على الموبايل

وغيرها شركات كتير بدأت فى حملات دعايا لصيانه مجانيه وتلفزيونات هديه على العربيات وكل شئ ممكن يجيب رجل العميل للشراء

عربيات كتير اسعارها نزلت بالفعل وشركات كتير خضعت للأزمه منها

فيات بكل موديلاتها

هيونداى ( اكسنت - فيرنا - النترا )

سكودا ( فابيا - اوكتافيا A5 & A4 )

نيسان ( صنى )

أوبل بكل موديلاتها

تويوتا ( ياريس - كورولا )

كيا بكل موديلاتها

وبعض موديلات فولكس فاجن ومرسيدس و BMW وغيرهم

لكن طبعا التخفيضات مش بالمستوى اللى حصل خارج مصر

يعنى معظم التوكيلات خفضت العربيه الفين او حتى 5 الف بالرغم من ان التخفيضات خارج مصر وصلت ل 35% من سعر العربيه و 50% حسب بعض الصحف فى الولايات المتحده

دا حتى كنت قرأت اعلان فى موقع تانى ان كيا حاليا فى الخارج عامله عرض تشترى كيا سورنتو تاخد معاها ريو هديه !!!!!

يمكن التخفيض الوحيد فى مصر اللى عليه القيمه كان تخفيض سعر الفابيا مينى من سكودا

الشركه نزلت من سعر العربيه 11 ألف جنيه والعربيه فعلا بقت فى فئه سعريه حاسمه جدا

كل التخفيضات دى تؤكد ان الازمه وصلت مصر وان كل كلام الصحافه الهابطه ورجال الاعمال ان العربيات هتغلى قريب كلام فى الهوا وملوش اساس من الصحه

الاسعار اللى تم تخفيضها اسعار موديلات 2009 يعنى مش مخزون 2008 زى ما الناس بتقول لأن مخزون 2008 من بعض الموديلات يباع الان بأسعار خياليه

على الجانب التانى نشوف تصريحات الوكلاء فى الجرائد كلها بتقول حاجه من اتنين

يا حرام عليكم بقا ارحمونا من حمله خليها تصدى

او ان المبيعات وردى والحياه ماشيه تمام ولا تأثر بالازمه

منهم خطاب رسمى من عبد اللطيف جميل صاحب توكيل دايهاتسو فى مصر وصاحب توكيل تويوتا فى السعوديه الى وزير التجاره السعودى بيشتكى منه من حمله خليها تصدى

الحمله فعلا اثبتت نجاحها

وفعلا فى ازمه فى الخارج وانخفاض رهيب فى اسعار السيارات

ومع ذلك التجار فى مصر فى حاله تكبر وتعالى و كل يوم بيزيد عنادهم

دورنا فى الحكايه دى واحد

عايزين الاسعار تنزل لنفس المستوى العالمى ويكون فى تخفيض يوصل ل 30 على الاقل على كل العربيات

الطلب ده مش مستحيل يا جماعه

اصلا هامش ربح التجار موجود لكن معظم التخفيض ده هتتحمله الشركه الام يعنى التاجر هنا مش هيفلس ولا هيقفل

كفايه بقا الارباح الفلكيه اللى التوكيلات عاشت فيها من سنين وسنين

دورنا هنا الوقوف فى وش التوكيلات رافعين شعار واحد

خلوها تصدى ............... وموديلها يعدى

مش هنشترى قبل ما الاسعار تنزل اسوه بكل العالم

ومش هنضيع حقنا المره دى

رجاء من اى شخص مقبل على شراء عربيه

من شهر كان كل البلد بتكدب نزول الاسعار وكنا بنقول هتنزل وياريت تستنو

دلوقتى الاسعار فعلا نزلت بس بنقولكم استنو تانى والله الاسعار هتنزل تانى

كلام الاشاعات بتاع ان الاسعار كلها هترجع غاليه بدخول شهر 2 كنا سامعينها من اسبوع وبتقول ان الاسعار هتغلى فى اول شهر 1

الازمه بتزيد والضغط بيزيد وهى مسأله وقت وكل التوكيلات هتنهار واحد ورا التانى زى ما بيحصل دلوقتى بشكل ضعيف شويه

الحكايه كلها مسأله وقت ومحتاجه صبر

وارجو من الجميع مشاركتنا فى الحمله دى

خلوها تصدى
(الموضوع منقول من أحد المنتديات العربية كتابة أ/ أحمد نوح)

خلوها تصدى

أنا واحد من الناس محتاج عربية دلوأتي بس حستنا شهرين تلاتة كمان لم أشوف إيه إلي حيحصل في السوق

و خلوها تصدى