بلية العجلة الشمال الامامية دايما تخشن

**kfarouk** · 24-12-2008 12:47 PM

انا عندي تويوتا كورلا موديل 98 و انا دايما بسافر كتير و كنت بلاحظ ان في صوت من الكاوتش الشمال الامامي و لما سالت عرفت انه صوت البلية و قالولي خشنة و لازم تتغير, المهم ان انا غيرتها حوالي 3 مرات خلال السنادي و كل مرة يقولولي عيب تركيب او البلية كانت مش اصلي او اتكسرت و ركبهالك مكسورة
فاخر مرة غيرتها كان يوم الوقفة قبل العيد الكبير الي فات ده يعني من قريب جدا وكانت اصلي و دلوقتي صوتها بقى عالي قوي و انا مش عارف اعمل ايه و هل ممكن يكون في عيب تاني ولا لأ
برجاء الافادة لاني حروح تاني للميكانيكي الي ركبه و مش عارف اقولة ايه
وشكرا

**Shiref_mohamed** · 24-12-2008 01:23 PM

ده عيب كاوتش مش عيب بلية
انا كان عندي نفس مشكلتك وغيرت بسببها البليتين الأماميتين مرة وكنت على وشك تغيرهم مره تانية بس قبل العيد الكاوتش بتاعى توفي مرة واحده ولما غيرت الأربع فرد جداد العربية بقت حرير
وبعدين ممكن تختبر البلى بنفسك بأنك ترفع العربية من العجلة الى عاوز تختبرها وتلف العجل بسرعة وتحط ودنك على الرفرف لو سمعت صوت نحر تبقى البلية