أرجوك لا تقتنع بالتمثيلية التى دارت فى برنامج العاشرة مساءا مع بعض تجار السيارات
عرض للطباعة
أظن ان الموضوع فى الأخر هيكون فى صالح "النفس الطويل"
التجار مش عايزين يخسرو .... والناس مضربة عن الشراء ....
لحد ما طرف من الأتنين هيبتدى يتنازل
أو ان البلد تخرب
حضرتك بتتكلم عن الجرايد اللي كاتبة الأخبار و كأنها جرايد من اللي بتتباع بربع جنيه في المواصلات و بتكون بتاعة السنة اللي فاتت, يا استاذ دي جرايد قومية اي نعم كتير بتكدب لصالح الحكومة بس المرة دي لا لاني الإعلام دلوقتي بقي في منتهي التقدم و الناس بتعرف كل حاجة و حدث عالمي زي الكساد و الركود الرهيب ده لازم هيتعرف و كان ممكن يتغطي عليه شوية لو كان جوة البلد بس لكن ده في كل مكان و بعدين ياريت الناس تنزل الشارع مش حقول تروح سوق الجمعة في مدينة نصر لا انزل بس اتمشي شوية في الشارع و شوف العربيات اللي مكتوب عليها للبيع اد ايه و مفيش حد بيسال عنهم.
عايزين نفرق بين حاجتين مهمين .. اول حاجة التخفيض من جانب الوكلاء وأصحاب المعارض وثاني حاجة أنخفاض الجمارك , ليه ؟ لأن دي حاجة ودي حاجة عشان كدة غلط نقول أننا ممكن نركب مرسيدس بثمن لانوس أو بكام ألف نجيب بي أم دبليو ونيجي نربطها بالتجار والوكلاء دة أنت بتدفع على كل عربية بتشتريها بتدفع عليها نسبة يعني :
ال 1600 سي سي مثلاً بتدفع عليها 40% جمارك وضريبة مبيعات 15% وفي كمان رسم تنمية 3% واللي فوق ال 1600 سي سي بتدفع 135% جمارك و 30 % مبيعات و 5 % تنمية .
معني كدة أن التجار مقيدين بسعر معين مينفعش يخفضوا بنسب كبيرة طول مالجمارك زي ما هيا لكن هيخفضوا تخفيضات معقولة ماتخافوش والناس هتبتدي تشتري لما يلاقوا أن أسعار العربيات بتلامس محافظهم ساعتها هيشتروا يعني أحنا لو عايزين الأسعار تنزل لازم الجمارك تنزل بردوا ودة اللي مش باين له أى ملامح والحكومة الى اليوم بترفض فكرة التخفيض و تصر على التأكيد بعدم أنخفاض الجمارك .
و حضرتك بتتكلم عن الجمهورية كأنه مصدر موثوق للمعلومات..
انا سألت سؤال محدد
الخبر بيقول فيه عربية نزلت 25 الف..اجابة لو سمحتم
الجرايد أول ما تكتب إن في زيادات نقول دة واقع وحاصل ومحدش بيفكر يشكك فيه ولما تقول أن في أنخفاضات نشكك في مصداقيتها ومصادرها ودي أزدواجية واضحة لأن كل طرف بيدور على مصلحته بس الفترة القادمة اللي هيتحكم في السوق المشترين نفسهم مش التجار لأن كله متأثر وخايف يشتري والبنوك نفسها بطلت بنسبة كبيرة تمويل السيارات عشان النصب اللي حصل في القروض الفترة الأخيرة وسماسرة القروض هم السبب بالأضافة للأزمة العالمية في التمويل وإنخفاض السيولة اللازمة فأصبح الخوف وعدم وجود تمويل سببين مهمين في أنخفاض مبيعات السيارات بالنسبة الكبيرة دي .. عموماً وكالعادة التجار الصغيرين وأصحاب المعارض هيتحركوا أول ما الكبار يبدأو في تخفيض الأسعار زي ما بيعملوا نفس الحكاية أيضاًعند زيادة الأسعار من قبل الرؤوس الكبيرة في السوق .. الحكاية مسألة وقت وكلها أيام وتتضح الأمور .اقتباس:
و حضرتك بتتكلم عن الجمهورية كأنه مصدر موثوق للمعلومات..
يا ريت و الله الكلام ده يتحقق
إن الله مع الصابرين
انا مابقراش جرايد و لا يهمني ما تكتبه هذه المنشورات سواء بالسلب او الايجاب..و بحس بتخلفها عندما اقرأ كلام زي :(رئيس احد التوكيلات الكبيرة يستعد للنزول بمفاجأة من العيار الثقيل و مفاجأة مدوية في الطريق) (شركة سيارات كبرى خفضت اسعار احد موديلاتها عشروميت الف جنيه)
و لما تيجي تدور او تسأل عن العربية الي نزلت 30 الف دي تجد سرابا
الموضوع مش اسرار حربية عشان نقعد نلف و ندور و لكن الملاحق 8 صفحات هايملوها ازاي
مفيش عربية نزلت في السوق 30 ألف الخبر بيقول 25 ألف والخبر أيضاً ذكر أن العربيات من الفئه الكبيرة والفارهة يعني العربيات الغالية اللي فئة معينة بتشتريها والفئة دي مش بتمثل نسبة كبيرة في السوق فالأقبال على السيارة قليل والفئة دي كمان بدأت تمسك أيدها على الفلوس عشان كدة حصل التخفيض دة و25 ألف تخفيض من 400 ألف كثمن للسيارات الكبيرة دي على سبيل المثال مش هتفرق كتير ولا أية ؟اقتباس:
و لما تيجي تدور او تسأل عن العربية الي نزلت 30 الف دي تجد سرابا