يا جماعة انا شايف ان العربية دى فعلا خرافة فكل حاجة بس طبعا مفيش عربية كاملة
ياترا عيوبها اية
ومحدش يقولى قطع الغيار :k48:ومحش يقول انها كبيرة ومش عملية
عايز عيوب محترمة :w6266d
عرض للطباعة
يا جماعة انا شايف ان العربية دى فعلا خرافة فكل حاجة بس طبعا مفيش عربية كاملة
ياترا عيوبها اية
ومحدش يقولى قطع الغيار :k48:ومحش يقول انها كبيرة ومش عملية
عايز عيوب محترمة :w6266d
الخامات غير جيده
السنتر بيعلق
الانزار ساعات بيعلق
السى دى اوديو مش mp3
فى عضه فى النقلات
الدهان سئ
يا استاذ حرام عليك انت بتسال على عربيه معديه المليون و مرسيدس يعنى حرام يكون فيها عيوب
تفتكر لو حد معاه مرسيدس s500 هيدخل الموقع هنا يعمل ايه :)
يسأل على قطع الغيار ولا يستفسر عن سبب عدم الدوارة الصبح بسرعة :)
عربية بـ ارنب و نص -100 الف تفتكر فيها عيوب؟
من رأيي بأة... أنها فيها عيب خطير جدا...
أن لو عربية ب 40-50 ألف جنيه خبطتك خبطة جامدة... أكيد خسايرك هتكون أكتر من تمن العربية اللي خبطتك...
يعني لو خدت العربية من صاحبها مش هتكفي تمن تصليح عربيتك...
دا غير المطبات اللي الأهالي بيعملوها بمجهوداتهم الذاتية.. و اللي بتكون مصممة لقطم عفشة أحسن عربية...
الكلام ده في مصر طبعا لكن في أي بلد تانية مفيش مشاكل...
الحقيقة انا غير مؤهل لتقييم العربية دي
انا ممكن اعلق على عربية مستواها فوق المتوسط
اكتر من كده ماقدرش
الردود مقنعة جدا
فيها عيب قاتل ومش ممكن يحتل الا بمعجزة ...
أنى اجيبها ....
ايه المشكلة لما يبقى فيها عيوب؟اقتباس:
استاذ حرام عليك انت بتسال على عربيه معديه المليون و مرسيدس يعنى حرام يكون فيها عيوب
هى اساسا سعرها مش مليون و نص (مليون و 400 الف دا سعرها فى مصر بس و طبعا جودة العربية مش بيتقاس بالنسبة لسعرها فى مصر) , سعرها فى المانيا حوالى 650000 جنيه و عادى اى عربية حتى البوجاتى الفيرون بيبقى فيها مشاكل!!!
للعلم فى ناس كتير كاتبه تقييمات وحشة على العربية بره مصر عادى خالص , احنا فى مصر بالنسة لنا اى عربية غالية = بدون عيوب اطلاقا .
الs-500 فيها عيوب عادى خالص و لو كان الموضوع بجد مش تهريج ممكن اجيبلك عيوبها .
ال s-class واخدا فى كل التقيمات الى شوفتها 5من 5
اعتقد مفيهاش عيوب غير سعراومصارف تشغيلها وممكن صعوبة سواقتها فى الاماكن المزدحمة والضيقة لانها طويلة وعريضة اوى ... سفينةةة
اولا العربية واخدة فى متوسط التقيمات 86/100 و على فكرة دا كدا كويس اوى , اقل تقييم 55/100 و اعلى تقييم 99/100 فى الconsumer reports و دا بيبقى استفتاء بين الناس اللى اشتروا العربية بعد شراها علشان يشوقوا رايهم ايه , دا دليل ان بعض المشترين مش راضيين عن العربية , كنت قبل كدا قريت كذا مرة ان العربية بتعمل صوت مع بعض الناس(فى امريكا) بعد فترة من الاستخدام
مثال:
http://autos.yahoo.com/mercedes_benz...s-reviews_user
العربية عاملة معاه حوالى 48000 كيلو و بتعمل الصوت دا و قريت نفس الكلام قبل كدا مرتين يعنى شكله عيب متكرر ,
معظم تقييمات العربية بتبقى 9/10 و دا فوق الممتاز و طبعا العربية مريحة جداا و ممتازة و كل حاجة و كاتبين الreliability اتحسنت , يعنى معنى كدا انها مكانتش ممتازة فى الموديل السابق بالعكس مرسيدس كانت عندها مشاكل فى الاعتمادية و ظهر فيها عيوب و حسب تقرير الjd-power مدينها فى الpredicted reliability بس 3.5/5 يعنى متوقعين العربية يبقى فيها عيوب تظهر مع الوقت و اقرا سبب توقعهم دا هنا , خد بالك انهم مدينها 5 نجوم فى تقريبا كل حاجة زى الperformance - comfort-features- style يعنى فى كل حاجة تقريبا و سنة 2008 زودوا الpredicted reliability ل 4 نجوم بدل 3 و نص و ادوها 4 نجوم من 5 فى الPowertrain Quality Mechanical و دا مقياس لاى مشاكل ميكانيكية فى خلال اول 90 يوم من الشراء و من ضمنها مشاكل الفرامل و الاصوات و الاهتزازات و مشاكل الموتور و الفتيس و كل الحاجات الميكانيكية التانية.
http://www.jdpower.com/autos/Mercede.../Sedan/ratings
يعنى من الاخر كدا العربية دى مش معمولة فى الفضاء لأ معمولة فى مصنع بيبقى فيه نسبة خطا (حتى لو صغير) فى الانتاج او فى التصميم (ميكانيكيا ) يعنى او حاجات تانية ممكن تظهر مع الوقت , مفيش حاجة اسمها عربية خالية من المشاكل 100% مع كل المشترين.
يا جماعة انا لو حشترى عربية معدية المليون و فيها عيوب يبقى لا تعليق :)
العيوب هاتكون نسبية
ايه هو العيب ...
هو عدم الحصول على الوظيفة المنتظرة
الوظيفة دي بقى تبقى ايه !
انا اخري في الوظائف العزل ..صوت الهوا .. الباب بفتح و يقفل بنعومة ..مافيش صفارة في الفرامل مافيش دربكة في العفشة
فتحة السقف ما تعلقش
التكييف يبقى كويس و الفرش حلو
يعني .. الحاجات البلدي دي:shyy:
انما بقى ممكن الاقي تكة في الكرسي الكهربا و هو بيقلب سرير ...هابوس ايدي و ش و ضهر و احمد ربنا :_Alshmokh22[1]:
و ممكن مثلا ..مثلا يعني... الشنطة و هيا بتفتح كهربا اسمع صوت الموتور بتاعها و هو بيزن ...صدقوني هاكون في قمة السعادة :shine[1]:
الاخ اللى جايب العيوب
احب اقول لك ان دى ناس مجربة عربيات و شايفا منها كتير
فـ اكيد جرب الاحسن منها ! عشان كدا شايف انها فيها عيوب
بس هنا فى مصر مافيش حد هيكبها و يشتكى لان مافيش اصلا اعلى منها!!
انا عن نفسى لو جبتها (انسى) استحاله هلاقى فيها عيوب!
اذا كان اللانوس مش شايف فيها عيوب! تفتكر هشوفها فى الـ S500!
:M_yes[1]:
ربنا يسامح اللى كان السبب (الجمارك) , هما سبب الحالة دى , لولا كدا كنا قولنا عليها عربية عادية و مكناش اساسا اتكلمنا عليها:36_1_1[1]:
العربية دى عيوبها ان مفهاش عيوب ودة بجد وانا بتكلم فى الفئات الحديثة
انا شايف انا من عيوب العربيه دى (من وجهه نظرى)ان العجل بتاعها من ورا عريض زياده عن الزوم و عاليه اوى من ورا !!!!!!!!!!!
+طبعا انى طبعا عمرى مفكر اركب s 500 بعد الاسترا بتاعى
عريض زيادة عن اللزوم
ههههههههههههههههههههههههه هههههههههههههههههه
ya gama3a el 3arbya deh msh mo3gza y3nii
ana ah papa msh 5alany arkbha l wa7dy wala marra .. bs 3ady y3ni deh t2eela w ma bts7bsh wna 3ndy el new bmw 330i a7sn mnha.. da kefaya el shaddd w btaaa3
hb2a anzl sewr lya isa b3d el exams ma t5ls wna rakebha ( mn wara papa tb3n )
w hageeb video leena kant mashya 3la 160 bas sabta a5er 7aga ;)
حضرتك متاكد انها مش بتسحب حلو !!!!!!!!اصلها 5000 سى سى و التكنولوجى الى فى الموتور عاليه فغريب اوى موضوع مبتسحبش بس ممكن فعلا تكون البى ام بتاعك بتسحب اكتر منها لانها 3000 سى سى و ووزنها على ما اذكر 1500 كج متنساش بقى الصور و الفيديو و شد حيلك فى الامتحانات
يا جماعة حرام بقا حرااااااااااااااااااااااا اااااااااااااااام بى ام اية و 330 اية ازا كان الs500 احسن من الفئة السابعة
دة موتور مرسيدس المانى 5000 سى سى مش 3200 ولا 4000
العربية دى طيارة
سيبك من اللى يقولك تقيلة
خشو على اليو تيوووووووووب وشوفو تجميع العربية دى عامل ازاى .. لا بى ام ولا اى حاجة تسد
http://www.youtube.com/watch?v=qD821...eature=related
ودة فيديو يقولك ان العربية دى مش تقيلة ولا حاجة
وهتحس انها ريشة اصلا
http://www.youtube.com/watch?v=hwLcR...eature=related
http://www.youtube.com/watch?v=Cp5Jr...eature=related
طبعا مش احسن من الفئة السابعة الجديدة
compare like to like
*Mercedes S500 -5.5L(388hp) - 0-100=5.4S
http://www.mercedes-benz.com.eg/cont...ical_data.html
*new gen BMW 750Li - 4.4L(402hp) 0-100=5.2S
* old gen BMW 750Li - 4.8L(362hp
0-100=6S
http://en.wikipedia.org/wiki/Bmw_7_series
http://www.bmw-eg.com/eg/en/newvehic...gine_data.html
*BMW 330i 3L(272hp)- 0-100 6.3S
http://www.bmw-eg.com/eg/en/newvehic...?download=true
واخر كلمة ان العربيات الفاخرة دي بتكون تقيلة ومش معمولة للشد وخصوصا الS class
الصراحة يا جماعة العربية فيها شوية عيوب انا لاحظتها و هى ان
العزل سيئ جدا بمعنى انك تركبها تحس انك مش قافل لا الباب ولا القزاز
سحب ضعيف جدا خصوصا فى المطالع و يسلام بقا لو محمل ناس و طالع العربية بترجع لورا و بتخبط فى اللى وراك و تجميع وحش جدا من 0 ل 100 فى 30 ثانية
التكييف ضعيف جدا جدا جدا جدا و فى عز الحر لازم تشغله على 4 و تقفل كل فتحات التكييف الا اللى مسطلها عليك عشان يجيلك تكييف
العفشة ناشفة جدا اى مطب او نفرة بترزع فى ضهرك
بالليل بقا مش بتشوف لان كشافاتاها ضعيفة جدا جدا
استهلاك عالى جدا للبنزين الصفحية 20 كيلو طرق سريعة او 10 كيلو داخل المدينة
الفرامل بتصفر على الفاضى و المليان
الباور تقيل جدا
الكاسيت بتاعها بيعلق و لازم يترمى و تجيب واحد تانى
انا انصح المقبل عليها يزود شوية و يجيب لانسر هههههههههههههه
بكل صراحة عزل العربية سئ جدا جدا بعد 170 كم
مش هزار والله انا بتكلم بجد صوت الكاوتش بيظهر جامد جدا بعد السرعة دي
بس غير كده العربية حلوة جدا جدا
حكاية ان العربية تقيلة والكلام ده غيييييييير صحيح
خلى بالك موضوع صوت الكاوتش ده ممكن عشان فيها (run on falt) الى هو ان العجله تمشى عادى و هى مفيهاش هوا الموضوع ده فى البى ام بس معرفش نازل فى الاس ولا لا بس فى البى ام الناس اشتكت من صوت الكاوتش بعد 160 !!!!!!!!!
الفئة السابعة والS-class مفهومش Run flat tyre عشان الكوتشات دي مش مريحة .ودي عربيات هدفها الفخامة والراحة قبل كل شيء
وبصفة عامة دي حاجة لاحظتها في بي ام دبليو ومرسيدس المجمعة محليا ان الكوتش الي بييجي مع العربية بتكون نوعيته مش ممتازة بحيث انك بتسمع صوته بعد ال160 وده لاحظنه في الفئة الخامسة والسابعة والE class .بالنسبة للS class لسه محصليش الشرف اني اركبها وهي ماشية بالسرعة دي بس اعتقد ان المشكلة سببها زي موضحت قبل كده
والله اعلم
العربية اللي معانا الماني s600 -جمرك - فيها المشكلة دي بتاعت عزل الصوت