اجيب بطارية نوعها اية؟؟
يا ريت يا جماعة تنصحونى اجيب بطارية نوعها اية ,,, ويا ترى اجيبها جافة ولا لآ
واشكركم للاهتمام
عرض للطباعة
اجيب بطارية نوعها اية؟؟
يا ريت يا جماعة تنصحونى اجيب بطارية نوعها اية ,,, ويا ترى اجيبها جافة ولا لآ
واشكركم للاهتمام
هات فارتا الالمانى ، الجافه احسن
متشكر اوى ياباش مهندس احمد لاهتمامكاقتباس:
المشاركة الأصلية كتبت بواسطة Eng.Ahmed
العفو يا باشا احنا فى الخدمه ، انا جربت بطاريات كتير و دى كانت احسن بطاريه عاشت معايا
الفارتا الجافة بطارية ممتازة عمر طويييييل + راحة بال وعدم الحاجة للصيانة.
تقريبا كدة بتعيش اد اية؟؟اقتباس:
المشاركة الأصلية كتبت بواسطة Nader
فى عربيتى القديمه قعدت معايا سنتين و نصف لغايه ما بعت العربيه و كنت مركب اكواليزر و سماعات و جى ام و عمرها ما قلت بأصلها معايا حتى فى عز الشتاء
مش اقل من تلات سنيناقتباس:
تقريبا كدة بتعيش اد اية؟؟
اجيبها كام امبير؟؟
انا كنت جايب ال 70
[quote="Nader"]مش اقل من تلات سنين[/quote]اقتباس:
تقريبا كدة بتعيش اد اية؟؟
شكرا لاهتمامك يا استاذ نادر
متشكر يا باشمهندس احمداقتباس:
المشاركة الأصلية كتبت بواسطة Eng.Ahmed
على فكرة انا كمان اسمى احمد فوزى :D
هههههههههه بصره :D
بص انا كنت لسه من حوالى يومين كده فى موضوع البطاريات ده
على العموم البطارية اللى معروفة فى السوق وممتازة فعلا وانا كنت مركبها عندة هى الفارتا الالمانى الجافة بس جت فى اخر ايامها قبل ما اغيرها عملت حركات كتير نص كم وحرقت كتاوت بس احقاقا للحق العيب مش منها هيا كانت خلصانة على الاخر جابت اخرها ووالدى كان نسيها وكل ما اقوله نغيرها نسوف المهم يعنى
وانا بلف فى السوق لقيت حوالى تلات انواع نظاف وكلهم جافين فعلا
ال varta الالمانى
ال tudor الاسبانى
ال ac-delco الامريكانى تقفيل سعودى
اغلى واحده فيهم الامريكانى تقفيل سعودى البطارية ديه بتتحط فى العربيات الهامر الامريكى وهى غالية عشان مكونتها نظيفة ويها ميزة مش موجودة فى باقى البطاريات ميزتها ان فيها فتحه كده زى مؤشر لو اخضر يبقى البطارية سليمة لو اسود يبقى محتاجه تتشحن لو ابيض يبقى محتاجه تتغيير
النوع اللى بعديها الvartra بس خالى الك لو حتجيبها عشان فى منها نوع اناج قديم عند بعض المحلات وانتاج جديد حتلاقى فى تفوات فى الاسعار ممكن تشوف اقل سعر فى السوق وتشوف ارقب تاريخ وتروح للراجل بتاع اقرب تاريخ تقوله انا لقيتها بره عند فلان بكذا تمشي معالك حيقول لا وبتاع وبعد كده حيمشيها عشان السوق ميتسحبش من تحت رجيله وصح نسيت اقولك برضه حتلاقى فرتا كتير فى السوق اتحاد اوربى مش مكتوب عليها المانى وده غالبا الجديد ده برضه السبب خلانى اميل للامريكانى
التوع الاخير الtudor انا معرفوش بس شكله نضيف و محترم بس بصاحه مسمعتش عنه قبل كده
نصيحه اخيرة عند الشراء فاصل ثم فاصل ثم فاصل فى السعر شوف اقل سعر ايه فى السوق وابادا من عنده تنوزل ييجى 30 جنية وصدقنى حيمشوها مكسبها عالى
اما بالنسبة للاسعار
ac delco
70 410
55 385
varta
70 365
55 345
tudor
70 فقط 385
شوف النوع القديم كان كام و كاتلوج العربية بيقولك اقصى خرج ودخل كهربا كام واحسن حاجه تجيب نوع نضيف وتلتزم بالكاتلوج الناس عايزة تبيع وخلاص الا لو واحد ثقة عشان بيقولك الدينمو اللى بيشحن ممكن تكون ليه قدرى قصى وبرضه مدى تحمل الاسلاك بصراحه مش عاريز افتى انا ثيدلى مليش فى الكلام ده اوى
وربنا يوفقك
هات فارتا جافه و اسال مجرب انا كنت مركب عندى واحده فى الشاهين قعدت معايا 4 سنين و نصف بدون اى شكوى و هيا افضل بطاريه فى السوق
شكرا لأخى / احمد اسماعيل
هذا الرد يستحق أن يكون مثبت والله
اتوكل على الله و اشترى فارتا الالمانى بس شوف عربيتك ح تحتاج 55 او 70 امبير و ربنا يوفقك
وانا كمان بطالب بتثبيت الموضوعاقتباس:
المشاركة الأصلية كتبت بواسطة Hazem Salah
ربنا يكرمك يا رب
كان نفسي ابقى مفيد اكتر من كده بس ديه التجربة اللى قدرت اشاركها معاكم
ربنا يخليك يا ابو نورا يا رباقتباس:
وانا كمان بطالب بتثبيت الموضوع
بارك الله فيكم
رد رائع من الأخ أحمد إسماعيل و بالمناسبة هى مصر خالتك إنت بس و لا خالة حد تانى :twisted:
و أرجو تثبيت الموضوع
http://www3.0zz0.com/2007/06/20/04/45090783.gif
فعلا يا جماعه الموضوع يستحق التثبيت
خصوصا رد الأستاذ ahmed ismail "أحمد أسماعيل"http://www3.0zz0.com/2007/06/20/04/38585859.gif ماشاء الله معلوماته عن تجربه فعلا وبالأسعار وكل حاجه
أنا بشكره بالنيابة عن الزملاءhttp://www2.0zz0.com/2007/06/20/04/20131325.gif
http://www4.0zz0.com/2007/06/20/04/18076007.gif
تم تثبيت الموضوع
الله يخليك يا ابو عبد الرحمن ربنا يعزك يا رباقتباس:
رد رائع من الأخ أحمد إسماعيل و بالمناسبة هى مصر خالتك إنت بس و لا خالة حد تانى
و أرجو تثبيت الموضوع
بالنبة لمصر هى خالتى وانا قربت اتبرى منها خلاص :mrgreen:
وعلى راى المثل خالتى وخالتك واتفرقوا الخالات :lol:
الله يكرمك يا بايو والله يا جماعةاقتباس:
فعلا يا جماعه الموضوع يستحق التثبيت
خصوصا رد الأستاذ ahmed ismail "أحمد أسماعيل" ماشاء الله معلوماته عن تجربه فعلا وبالأسعار وكل حاجه
أنا بشكره بالنيابة عن الزملاء
تم تثبيت الموضوع
اخجلتم تواضعنا :oops:
فى بورسعيد بطاريات مستوردة بتنزل بالذات عند الناس بتوع الدايو بس طبعا زى البطيخة, بس الحقيقة البطارية بتبقا كورى وممتازة فعلا وفيها مؤشر البيان والحاجات دى وبتبدأ من 70 الى فوق ال 100 جنيه واكيد موجود برضة يابانى عند بتوع اليابانى المدبوح وهكذا.
بالنسبة لموضوع البطارية يتوقف على عدة عوامل:
1. لو العربية من الموديلات الحديثة اللى الشحن فيها إلكترونى بالكامل، يكون عندنا اخيارين:
الإختيار الأول: لو من النوع اللى بتستخدم السيارة قليل جدا يعنى أقل من 20 ألف كم فى السنة ، أو ممكن تركن العربية فترات طويلة بدون استخدام يعنى ممكن تدور العربية كل شهر، الجافة هتكون أحسن اختيار.
الإختيار الثانى: لو بتستخدم السيارة كتير جدا يعنى فوق 30 أو 40 أو كم الجافة مش هتكون عملية، والعادية السائلة هتكون أفضل بس لازم تعرف إن السائلة بتطلع أبخرة بتأثر على قاعدة البطارية واللى حواليها وبتفرقع البوية اللى علي المعدن، وبتخلى المكان دا شكلوا وحش.
2. لو العربية من الأنواع القديمة أو بتستخدم كتأوت دينامو خارجى، يبقى النوع القديم أحسن إختيار.
وعموما دور على البطارية اللى فيها ضمان كويس.
ممكن اعرف السبباقتباس:
المشاركة الأصلية كتبت بواسطة wlng76
فارتا
عجبني قوي رد أحمد اسماعيل,
ربنا يبارك فيك
انا كمان جايب الفارتا الجافة و هيه فعلا كويسة و بتعيش و مش محتاجة وجع دماغ تزويد مياة و قياس كثافة و قرف, بتركبها و تنساها
وخللي بالكم من حاجة
كل ماتروح تشتري بطارية الواد الصنايعي الكهربائي يقوللك خد بطارية 70 امبير بدل ماتاخد 55 علشان عربيتك فيها تككيف و باور
دايما اسمع الكهربائية بيلبسوا الزباين بطاريات كبيرة بالحجة دي
ودة مش صحيح لأن لا الباور و لا التكييف بيشتغل عالبطارية
الاتنين بيشتغلوا على سيور بتدور مع دوران الموتور
ومافيش في الدنيا تكييف ولا باور يشتغل مع الكونتاكت و الموتور مش داير
وبالتالي مافيش اي علاقة بين قوة البطارية و تشغيل التكييف و الباور
المهم ان العربية الاوتوماتيك هي اللي المارش بتاعها بيبقى قوي و بيسحب كتير عالبطارية لأنة بيدور قربة باور مع الموتور كمان (حمل زيادة) وكمان العربية الاوتوماتيك لو البطارية نامت مش ممكن تدور زق
وبالتالي يبقى الواحد لابد يجيب بطارية قوية للعربية الاتوماتيك
شكرا لكم ع التجارب المفيدة
فارتا الجافة وبس
الباور فعلا ملوش علاقه بالبطاريه "دلوقت ليه بس مظنش ان الكهربائي كان عارف :lol: "اقتباس:
المشاركة الأصلية كتبت بواسطة Adham
هوه بيقول خد بطاريه كبيره للتكييف مش علشان الكومبريسور اللي هوه متوصل على سيور بالمتور... همه بيكون قصده علشان مراوح التكييف "مروحه ريداتير التكييف.. و المراوح بتاعت الصالون"
بس عموما المفروض البطاريه تكون نفس الامبير بنتاع الاصليه اللي كانت في العربيه... لأن لو جبت بطاريه اعلى من الدينامو.. اعتقد هتشغل الدينامو كتير على الفاضي علشان يشحنها.. في حين انك مش محتج الباور الزياده اللي فيها... و الله اعلم.
[/quote]
هوه بيقول خد بطاريه كبيره للتكييف مش علشان الكومبريسور اللي هوه متوصل على سيور بالمتور... همه بيكون قصده علشان مراوح التكييف "مروحه ريداتير التكييف.. و المراوح بتاعت الصالون"
بس عموما المفروض البطاريه تكون نفس الامبير بنتاع الاصليه اللي كانت في العربيه... لأن لو جبت بطاريه اعلى من الدينامو.. اعتقد هتشغل الدينامو كتير على الفاضي علشان يشحنها.. في حين انك مش محتج الباور الزياده اللي فيها... و الله اعلم.[/quote]
ايوة بس مراوح التكييف ملبتشتغلش و العربية مبطلة و بتشتغل برضة و التكييف شغال و الموتور داير
"الدينامو يشتغل كتير عالفاضي" !!!
الدينامو شغال على طول طول مالعربية دايرة
وعمرة مايفصل الا لو سير الدينا اتقطع
ماهواش راكب على كلاتش زي كمبريسور التكييف علشان يفصل لما البطارية تتشحن
الموضوع غير كدة و كتاوت الدينامو مش بيفصل الدينامو و انما بيفصل الكهرباء اللي جاية عن البطارية
أنا مجرب البطاريات النسر ...................... و دي ممتازة ممتازة ممتازة
و ثمنها معقول و بتعيش كثير أكتر من 2 سنة إلى 3 سنة و ثمنها معقول بالمقارنة بالمستورد
أما موضوع الأمبير ........... فلازم تجيب بطارية بنفس قوة البطارية اللي كانت راكبة في العربية أصلا
و بلاش يا جماعة تمشوا ورا الفتي بتاع الميكانيكية أو الكهربائية اللي في مصر
+1اقتباس:
المشاركة الأصلية كتبت بواسطة tutankhamoun
بكام النسر دى ؟
فارتا الالماني من غير تفكير
الدينامو فعلا متوصل على طول بس بيبقى فيه فرق فى الحمل... حد حس قبل كدة برعشة بسيطة فى الRPM لما بيولع النور الكبير خاصة فى العربيات الحديثة؟؟ دا لان النور بيحمل على الدينامو زيادة فا بياثر لحظيا على الموتور
فيه كمان نقطة مهمة و هى ان المكونات الكهربائية بتسحب من الدينامو مش البطارية... يعنى انت ممكن بعد ما تدور الموتور تفك البطارية و العربية حتمشى عادى جدا... البطارية وظيفتها ادارة المارش عند بدء الدوارة
افتكر كدة يوم زمان لما لقيت البطارية ناية و العربية مش عايزة تدور و اخدت وصلة من حد... اول ما العربية بتدور بتفك الوصلة و عربيتك بتفضل دايرة... هل معنى كدة ان بطاريتك شحنت و بقت عال العال؟؟
بردة ايه الحكمة انك تمشى مشوار عشان تشحن البطارية؟ ما الدينامو شغال على طول و ممكن تشحن و انت واقف؟ دة لان الدينامو بيغذى باقى المكونات الكهربائية و مش كل الشحن رايح للبطارية و بالتالى محتاج مشوار عشان تشحن مش 5 دقايق فى السريع
MMamdouh
انا معايا بطارية نسر فارتا - صناعة مصرية .. وعادية كمان مش جافة
بقالها معايا لغاية دلوقتى 3 سنين والحمد لله شغالة زى الفل وعمرى ما اشتكيت منها ....
ربنا يستر ....
لحسن انا سمعت ان اليومين دول البطاريات أسعارها ولعت نار ...
وبالنسبة للعربية مثلاً اللانوس أو الفيرنا أو اللانسر 1300 انا شايف ان بطارية 55 أمبير كفاية قوى ... مش محتاجة 70 ...
وأرجو الإفادة
ايهاب الجوادى
Ac delco then varta I tryed both before Ac delco is better but more expensive
انا لسة شارى55 ACdelco النهردة ب 450 جم + البطارية القديمة