الموضوع: عايز تشترى عربية مستعملة و مش عايز تتخم؟

السلام عليكم
بصراحة أنا أتشرف ان يكون ده أول موضوع لية فى المنتدى المفيد ده, اللى بصراحة سعدت بكم الافادة فيه و أحب أفيد و أستفيد, نخش فى الموضوع.أنا كاتب الموضوع ده مساعدة للى عايز يشترى مستعمل و نظرا لأن في ناس كتيرة قوى بقى معندهاش ضمير فممكن يلبسك عربية مليانة كوارث و طبعا ضحاياهم بيكونوا من الناس الطيبة اللى ملهومش فيه,و حتى لو رحت معاك ميكانيكى فممكن جدا يبيعك و ممكن جدا بلاقى ان العربية حتحتاج فى الوقت القريب تصليح يخش له فى ألف و ألفين يقوللك مصلحة أهو شغل و جيلنا لأنه عارف انك حتروحله بعد ما تشترى العربية بشهر ولا اتنين و طبعا مش كل عربية حتعجبك حتروح بيها البنزينة تدفعلك فيها خمسين جنيه فى كل مرة, اكشف عليه بنفسك و اعتمد على الموضوع ده و موضوع آخر ناقله الأخ محمد عبدالشافى على الرابط دهhttp://www.nilemotors.net/Nile/showthread.php?t=32679, و ان شاء الله هتكون جيد جدا فى تقييم العربيات,

السلام عليكمطبعا فىناس كتير بتسعى انها شترى سيارة مستعملة لأنها محكومة بامكانياتها و غير كده أحيانايكون المستعمل أفضل من الزيرو فى بعض الحالات يعنى مثلا سوزوكى سويفت مستعملة أوحتى هيونداى أكسنت مستعملة بردو أفضل فى رأيى من سيارة سوزوكى ماروتى لأن الأخرانيةحجمها صغير جدا و كمان عزمها قليل ففى حالة ان المستعمل حالته كويسة أعتقد يكونأفضل من الزيرو زى المثال السابق,المهم لو اللى هيبيعلك العربية معرفة و هو انسانمحترم فعلا يبقى حيديلك العربية بسعر مناسب ولو فيها عيوب حيقوللك على اللى فيها والانسان ده عملة نادرة فعلا ربنا يلطف كأنهم حينقرضوا أما اذا كان العكس فهيشيلكبلوة لو لقاك مش فاهم يعنى حتبقى لقطة بالنسبة له و حياكل على قفاك عيش و معذرة دهاللى بيحصل بالفعل عشان كده أنا كاتب الموضوع ده, طبعا سوق مدينة نصر أغلب اللىبيبيع فيه تجار اذا لم يكن كلهم,طبعا عربية مستعملة بتتباع بتبقى صاحبها له ظروفمثلا مسافر و عايز يبيعها مزنوق فى فلوس عاوز يجيب أحدث يا اما ربنا يعافينا فيهاعيب خطير وصاحبها عايز يشيلها لحد غيره ولا حول ولا قوة الا بالله أو محتاجةلمصاريف تصليح كتير وهو مش قادر يتحمل تكاليف صيانتها فيروح يبيعها و ده حال أغلبالمستعمل فأفهم ده كويس جدا و انت رايح تشترى و كمان تلاقى اللى بيبيع يقوللك انالعربية ما فيهاش أى عيب ولا تحتاج أى مصاريف وهى حالتها الأصلية تعبانة جدا فاوعىتغتر بالأشكال دى حتى ولو كان ظاهر عليه الطيبة والوداعة اللى مفيش بعد كده ,نخشبقى فى الفنيات
1- بص على الهيكل الخارجى من بره ولف لفة حولين العربية لو لقيتفيها آثار لخبطة اعمل حسابك انها ممكن تحتاج مبلغ كبير عشان تتسمكر مثلا لو كانتخبطة فى البابين أو العتبة وبص طبعا على القوايم لو لاحظت فيها أى حاجة اهرب منالعربية دى لأنها ممكن تكون اتقلبت أو خدت مطب بقوة أو حضنت الرصيف أو ممكن ربنايعافينا عملت حادثة و اتقسمت نصين و بعدين وداها لسمكري و بصنعة قذارة مش لطافةلحمو الشاسيه و مشيو عليه بصاروخ (يعنى الديسك اللى بيقطع) و شغل سمكرة قذر داروالآثار بتاعتها فأنت لو شكيت فى حاجة من دى سيب العربية فورا, طبعا العربية السليمةبتبقى وقفتها باينة ..........سقفها مستوى, العربية مستوية. وطى و بص على الرفارفمن جوة لو لقيت (تحديدا خلف الكاوتشات يعنى ضهر الحوض) أى لحام أو رش أو أى شغل غيرشغل الفابريقة (شغل المصنع المنتج) سيبهافورا, بردوا بص على الحوض و لو لقيت أى أثرللحام أو رش (يعنى مثلا العربية قديمة و فى الحوض بوية جديدة أو الحوض لونه جديد مننحية و قديم من نحية تانية) سيبها (ممكن يكون مركبلها ربع عربية بدل الجزء اللى تلفبسبب حادثة مثلا) بس على فكرة ممكن تكون العربية حوضها سليم و السمكرى كان بيرشلهالعربية من برة رشة نضافة فجت شوية من الرش على الحوض فيسبب اللى ذكرته, اللى يبينفى الآخر (لو فى أثر للحام فى الحوض أو لحام فى الشاسيه) لو مفيش ممكن تبقى العربيةسليمة والاختلاف فى اللون سببه الرش زى ما قلت و كمان بص على المسامير اللى فىالحوض لو مترحلة عن مكانها أو فى أثر لخلوص سيب العربية دى, لو فى أثر لشىء يحسسك ان سببه حادثة سيب العربية دى لأنك متعرفش كم المشاكل اللى ممكن تكون فيها أد ايه, بص على سقفالعربية (عند الحروف و الحافتين) و بص عند عتبة الباب و كمان عند الحوض و بردوا فىالشنطة من ورا (ضرورى جدا تعمل كده) و لو الشنطة متغطية بفرش أو قماش شيله و بص علىصاج الشنطة من ورا عاملة ازاى ضرورى جدا زى ما قلت لو فى أثر لبارومة (صدأ) ,شكلهطبعا معروف(بوية العربية متأشرة ), لأن ممكن البارومة تكون سارحة فى العربية طبعالو صاج العربية البارومة ماشية فيه يبقى هيكلها ما يسواش 3 شلن وممكن يحتاج لشغلسمكرة كتير و بيبقى مكلف أما لو لقيت ان فيه بارومة بسيط يعنى مش واكله جرء كبيرفده مش مشكلة جامدة بس اتأكد ان مساحته قليلة و ممكن تحكمها...........كل اللى قلناهده ليه ؟!!........لأن ممكن العربية لو فيها مشكلة من المشاكل السابقة تبقى عملتحاثة فصاحبها يرويح ملصمها لحد ما يبيعها تيجى بعد فترة تسوق تلاقى العربية مايلةبيك يعنى عالية من جنب و مايلة من الجنب التانى أو تلاقى العربية بتحدف بيك تبقىانت ماسك عجلة القيادة و مخليها فى الوضع اللى يمشيك فى الاتجاه الأمامى تلاقىالعربية بتمشى يمين أو شمال فطبعا العربية دى مرفوضة تماما وتصليحها مكلف جدا دهاذا كان لها تصليح أصلا و لو لقيت العربية واخدة خبطة فى القنطرة اللى شايلةالمساعدين متاخدهاش لأن لو حتستبدلها بجديدة هتبقى غالية و ممكن ما تلاقيهاش يكونواوقفوا تصنيعها هتضطر تشترى استيراد و ممكن بعد ما تشتريها تكون معيوبة بردو فالأحسنتشوف غيرها و عشان تتطمن من سلامة العربية بعد ما تبص عليها اطلع سوق بيها و خدصاحب العربية جنبك وسوق على 100 أو 120 و شوف لو العربية بتحدف منك, تعالى مثلا فىشارع فاضى و عند سرعة 60 و ثبت الدركسيون عند وضع السير الى الأمام و بعد كده سيبايدك من الدركسيون و استنى شوية لو العربية سليمة هتفضل ماشية قدام لو فيها مشاكلحتروح يمين أو شمال طبعا ممكن يكون المشكلة ظبط زوايا فقط ولكنه احتمال يكون عيب فىهيكل العربية زى ما قلنا فالأحوط انك تسيب العربية الا اذا كنت حاسس انها لقطة ففىالحالة دى خد معاك سمكرى كويس و ارفعها عند بنزينة و اظبطوا زوايا و خليه يبصلكعليها من تحت لو لاحظ أى مشاكل يبقى خلاص لو ملاحظش و المشكلة اتحلت بعدما ضبظزوايا يبقى ان شاء الله خير
2-تقريبا احنا عملنا نص الاختبار فى الخطوة السابقةلوحدها نيجى لاختبار الموتور, دور انت العربية و بعد كده بشوية بطل و كرر العمليةلو لقيتها مبتدورش كل مرة أو دورانها مش بيتم بطريقة طبيعية و كمان لو بتحتاجتكاركلها يبقى سيب العربية دى لأن فى حاجة فيها مش تمام يا اما الكهربا معكوك فيهاأو الموتور نفسه حالته مش كويسة ممكن الكاربيراتير محتاج يتنضف أو الموتور عاوزبتظبط (طيب اللى بيبيع ما عملش ده كله قبل البيع ليه؟) ده يخليك تشك ان العربية دىمحتاجة شغل أو عمرة أو نص عمرة سيبها و دور على عربية حالتها كويسة كمان خليهيدورها هو و يدوس بنزين و يكرر العملية وانت بص على الشكمان من ورا لو العربيةبتطلع دخان أبيض أو اسود أو أزرق غامق قولله مع السلامة, الدخنة السودة مشكلة فىالكاربيراتير و غالبا محدش بيعرف يصلحه و غالبا ما يكون الصنايعية عكين فيه جامد (مغيرين باب)فمشكلته متتحلش غير انك تغيره و سعره غالى, لو دخنة بيضة يبقى زيتبيدخل على غرفة الاحتراق يبقى الموتور عاوزله نص عمرة تعمل من 500 ل 700 جنيه),كمان لو فى صوت ضوضاء مسموع من الموتور يبقى فيه حاجة لو صوت الضوضاء متصل يبقىالموتور ناقصه زيت أو الموتور خفيف و تقلق لو الموتور فيه عيب انه يكون بيسخن بسرعهلو صوت الضوضاء واخد نصف دورة يعنى يظهر الصوت ثم ينقطع و بعد كده يرجع تانى يبقىده صوت الصمامات يبقى فيه احتمال انه محتاج يغير سير الكاتينه وده غالى يعنى ممكنيقلل من تمن العربية حوالى 500 جنيه ولو متغيرش ممكن يعملك مشاكل تتضطرك تغيرصمامات العربية تخشلها فى عملية 5 آلاف لعشر آلاف جنيه على حسب العربية وأخيرا خدمعاك ميكانيكى كويس و بردوا تروح لبنزينة تختبر لك كفاءة الموتور وتقوللك عليها 60 % 80% كده
3- الكشف على الكهرباء, أولا لو انت قعدت ولاقيت منظر السلوك طالعة ونازلة و خارجة من التابلوه فده شىء سىء جدا يدل على ان الكهربا معكوك فيها جامد,الصنايعية عكين فيها ,حتتعبك و ممكن تحتاج انك تغير ضفيرة (الضفير تعمل فى المتوسط 500 جنيه و تركيبها أقله 200), اقعد جوة العربية و شغل الكشافات و التابلوه و العبفى الزراير شوف لو فى زرار معلق لو فى حاجة مش شغالة يعنى اتطمن من موضوع الكهربالو حسيت بانطباع سىء القى السلام وامشى لأن غالبا العربية اللى فيها عك بتفتح معاكفى التصليح
4- الكشف على العفشة, دوس بايدك على كل مساعد(السوستة و الدامبر اللىمتثبتين على كل عجلة,الدامبر وظيفته يمتص الصدمات والسوستة وظيفيتها ثبات العربية) المساعد فيه خاصية انك لما تضغط عليه ينضغط و بعد كدا يردلوحده, لو لقيت المساعد فقد الخاصية دى أو ضعيفة فيها خالص بيبقى عايز يتغير,المساعد مبيتبعش لوحده لازم تشترى اتنين مع بعض لانه بيتباع جوز,ال2 يعملوا من 400الى 700 جنيه فى المتوسط, فلو لقيت مساعد عايز يتغير ده برضه يقلل من سعر العربيةفنزل معاه فى السعر, سوق العربية لو سمعت صفيرلما تاخد ملف يبقى تيل فرامل لو سمعصوت طقطقة يبقى كبالن عايزةة تتغير أو فيها رمل وعايزة تتنضف لو سمعت صوت خبط زىالهبد على الدولاب ده غالبا مساعد أو أكثر عايزين يتغيروا ده اذا مكنش شايل حاجاتفى الشنطة هى اللى عاملة الصوت ده فميز بودانك كويس الصوت جى منين, و انت سايق وبتدى الغيار لو لقيت الفتيس بيعض معاك فى الغيار (بيعمل رنة بخشونة ظاهرة)سيبالعربية دى لأن ممكن يكون عنده مشكلة ان الفتيس اتخبط من تحت العربية والخبطة دىخلت الفتيس يبقى فيه تسريب (على ما أعتقد مالهاش حل غير انك تشترى فتيس جديد)سيبكمن اللى يقوللك متخفش حلها عندى لأن الكدب كتير و الكلام ببلاش اللى عايز يقول حاجةبيقولهاطبعا لو الازاز فيه شرخ ولا حاجة نزل من سعر العربية لأنك حتتضطرتجيب غيرهو عشان تعرف اذا كان دهان العربية فبريقة ولا رش هات قطنة و حط عليهاأسيتون و ادعك فى البوية لو طلعت فى القطنة يبقى مش الفبريكة و على رأى مدام نظيفةالقطنة مبتكدبش, وأخيرا اعمل كل الخطوات دى حتى لو معاك سمكرى وميكانيكى عشان تبقىمطمن لأن ممكن اللى انت هتاخده يبيعك و يطبخها مع صاحب العربية اللى بيبيع (هتقوللىو أنا رحت فين) أقوللك دول ولاد جنية يعنى اللى بيبيع ده تاجر والصنايعى ممكنيغمزله ولا حاجة التانى يسلم عليه بكف محبة كبير (يعنى 50 جنيه) ويبيعك و ممكنميبقاش صنايعى شاطر و يشرب المقالب المعمولة فى العربية ويقوللك اشترى,وأنصحك تاخدمعاك ميكانيكى و سمكرى زائد انك تختبرها بنفسك ولازم تشوفوا العربية من تحت (ارفعوها فى بنزية أو غيره) بصوا لو فى أثر لخبطة ,تسريب...., وأخيرا الكلام دهوالله بفلوس بس أنا عامله لله علشان الأمانة قلت قوى الايام دى و فى ناس طيبة ممكنيتضحك عليها من ناس معندهاش ضمير و ربنا يوفقنا و مستنى تقييمكم للموضوع منكم وبردوا لو فى واحد عاوز يضيف حاجة أو شايف حاجة غير اللى أنا قلتها يقوللنا لأن دهرأيى الشخصى اللى اكتسبته من خبرتى و السلام عليكم

استدراك مهم, حاجة مهمة جدا جداجدا, لو انت من جواك مش مقتنع بالعربية قوى يعنى متردد يبقى القى السلام على صاحبهاو امشى, خلى بالك طبعا فى ناس طبعها خسيس ممكن يحرج فيك (بالطريقة)عشان يشيلكالعربية, سيبك من كل الحركات دى ,ولا يهمك ..انت صاحب القرار و هتدفع فلوس و فلوسمش قليلة يعنى كذا ألف ,ممكن يقوللك ...بعد كل ده مش هتشتريها انت بتهرج يابشمهندس,أنا كنت عارف كده من الأول ان انت مش هتشتريها, .....عادى ولا يهمك خليكلوح تلج لأنه مش هيدفعلك تمن التصليح بعد ما تشتريها,قرف ساعة أحسن من قرف شهر لماتلف بالعربية على الصنايعية وكل واحد يضحك عليك و كله شغال نصب و ضحك على الناسالطيبة الا من رحم ربى, و بكده أرجو أكون أفدتك فى الموضوع ده من الألف للياء ودعواتكم لكاتب الموضوع اللى هو أنا العبد لله

شكرا للأخ فؤاد اللى حلل الموضوع بكل أمانة......وأوصى أيضا بالاستخارة بعد الاطمئنان على جميع الأمور وعند عقد العزم على الشراء