لماذا لم تتأثر مصر بالأزمة العالمية ؟؟؟؟؟

**أبو إياد** · 25-12-2008 11:46 AM

رأيى الشخصى

1*الميت لا يتأثر .
2*مصر دولة حره مستقله >>>>>>>>>>ياعنى مالهاش دعوه بالعالم

**mshamy** · 25-12-2008 12:14 PM

أقولك ليه إحنا محصلناش أي هزه إقتصادية
ببساطة الأزمة الإقتصادية العالمية أثرت على الدول اللي عندها إقتصاد ...لكن الدول اللي معندهاش إقتصاد لم تتأثر ..وعلى رأي المثل الشعبي " اللي معندهوش ..مايلزموش" و عجبي

**M!NA** · 25-12-2008 12:16 PM

و يكون في علمكم...
الحادثة مأثرتش عليا... أنا اللي أثرت في الحادثة

(اللمبي - اللي بالي بالك)

**أبو إياد** · 25-12-2008 02:35 PM

واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

**ASKAFRAWY** · 25-12-2008 06:55 PM

عشان احنا لايهمنا اقتصاد ولا جن ولا عفرين!!احنا يا رجالة اغنى دولة فالعالم !!مش شايفين الاسعار الطالعة ومش لاقية حد ينزلها!وبعدين احنا مرتب الفرد 200000000الف جنيه يبقى لازم الحاجة تغلى ومنتأثرش بالحاجات التافهة دى!!

حسبى الله ونعم الوكيل

**Ghamrawy** · 26-12-2008 02:34 AM

انادى بالغاء الحتة الحمره اللى فى العلم بتاع الجمهورية و رفع النسر و وضع مكانه جمجمة

**ibrahimsaad** · 26-12-2008 10:25 AM

ببساطه لم تتأثر مصر بالازمه للاسباب التاليه

مصر فى طبقتين

1- طبقه الحكومه ورجال الاعمال
2- طبقه الشعب الغلبان

والاولى فى يدها مقاليد الامور وفى جيوبها اموال مصر وهذه لاتتأثر بالازمه لان مخزونها يكفى لسنين من مال مصر المنهوب

والثانيه لاحول لها ولاقوه وماشيه جنب الحيط ولو مالقتش تاكل عمرها ماهتتكلم ولاتثور فى يوم من الايام

اضف لذلك ان مصر من الدول النايمه مش الناميه يعنى لافيها اقتصاد ولافيها تصنيع واحنا فقط مستهلكين مش منتجين