الموضوع: خبر رهيب لمحبي ال Bmw تخفيضات جامدة قوي

استنى لحد إمتى بالظبط ماهما لسه عاملين تخفيضات يعني معقول حيعملوا تاني أعتقد صعب

الصراحة انا شايف ان 350 الف كتير فى ال320
فى رايى الشخصى تساوى 320-330 بالكتير.
الفكرة برده ان اليورو نزل من 8.4 ل 7.7 دلوقتى , يعنى فرق كبير و سعر العربية متحركش , فضل 370 برده , 350 من 370 مش فرق كبير.
اصل 2009 دى سنة سودا على التوكيل اساسا , يعنى لما يخفض 65 الف فى ال523 دا معناه انه فى مشكلة كبيرة , انا رايى ان فى عربيات كتير (اوروبى بالذات) و خصوصا bmw و مرسيدس هينزلوا جامد بسبب الازمة كمان مرسيدس نزلوا ال c180 1600cc يعنى ممكن اى حد يجيبها بسعر كويس فدا هيعمل ضغط جامد على bmw و هيخليهم يخفضوا سعر الفئة التالتة اكتر علشان المنافسة لان ال316 مكانش ليها منافس خالص و ال320 كانت ارخص شوية من الc-200 بحوالى 20 الف و كمان التوكيل ملاها امكانيات علشان يعرف ينافس المرسيدس, فلما مرسيدس تنزل الc180 تقريبا بنفس قوة ال320 و امكانيات قريبة منها جدا و سعر حوالى 310 الف فدا هيخليهم اكيد يراجعوا سعرها.
بالنسبة لسعر ال320 اللى هى ب330 الف دلوقتى فانا منصحش بيها , يعنى لو حضرتك مستعد تدفع ال350 الف يبقى احسنلك الfacelift على الاقل هتبقى اجدد و مميزة اكتر من التانية و هتفرق جامد اوى فى سعر اعادة البيع خصوصا ان سعر ال320 الموجودة دلوقتى نزلت جامد اوى فى المستعمل بسبب نزول ال318 اللى هى تقريبا مقاربة لل320 موديل 2006 و اول 2007 فى المواصفات لان الاتنين مفيهمش i-drive و فرق بينهم بسيط فوقع مستعمل ال320 (العادية مش facelift) , و بسبب نزول الfacelift وقع مستعمل ال320 الكاملة برده (اللى فيها idrive اللى هى موديل 2007 و 2008).
يعنى انا مستخسر ان حضرتك تدفع 330 الف فى عربية نزل منها facelift , انا لو مكان حضرتك استنى كمان 6 شهور على الشراء علشان يكون التوكيل جاب اخره و فى نفس الوقت أحول تمن العربية من جنيه مصرى ليورو (دا رايى الشخصى , صعب حد يتوقع حاجة) بحيث لو اليورو زاد حضرتك هتدفع فيها نفس التمن حتى لو التوكيل لغى التخفيض اما لو قل فالتوكيل فى الاخر لازم هيقلل هو كمان.
الصراحة انا لو كنت مكان حضرتك هعمل كدا و مش هشترى دلوقتى لان السعر لسه غالى 350 دا كتير عليها , انا شايف اللى سعره بقا فظيع ال523 و الx3 و معتقدش هيقلوا عن كدا انما فى رايى الشخصى ال320 لسه هتنزل اكتر.

طبعا حضرتك شوف ايه اللى مناسب ليك و اعمله و اللى انا قلته دا اللى انا كنت هعمله لو كنت مكان حضرتك بس (اعتبرها فكرة , فكر و اسال و اعمل استخارة و ان شاء الله ربنا يوفقك لاحسن اختيار)
موضوع اليورو بالذات مقدرش اعتبره نصيحة لانه مش مضمون و ممكن يتزل تانى ل 7 جنيه فدى مجرد فكرة كنت انا شخصيا هعملها لو مكان حضرتك مش نصيحة.
حضرتك اتفرجت على ال face-lift على الطبيعة و لا لسه؟

طب وال و316 وال 318 وال 116 مفش احتمال ينزل اسعارهم زى باقى الموديلات ؟؟

اكيد طبعا بسبب تغير اليورو على الاقل.
بالنسبة لل318 معتقدش هتنزل جامد بس ال316 اعتقد هتنزل كتير خصوصا لما ينزلوا ال316 الجديدة (الfacelift) , اما ال116 فاساسا لازم تنزل لان اليورو نزل و سعرها متحركش فطبيعى تنزل فى التمن و على فكرة اودى بتبيع الa3 اوتوماتيك ب 198000 حسب contactcars.com يعنى منافس قوى ليها.
شفت ملحق الاهرام النهردة؟
انا لاحظت ان الموزعين حركوا اسعار شوية عربيات حتى مع ارتفاع الين لان اول مرة الين يوصل ل 6.1 يعنى اعلى بكتير من الدولار اللى هو 5.51 و دا دليل ان التوكيلات و الموزعين قللوا من نسبة ربحهم فى سبيل العربيات متغلاش.
اعتقد 6 شهور و كل حاجة هتبان بس واضح ان فعلا توكيل bmw بيحاول يعمل اى حاجة علشان يبيع فانا بتوقع نزول معظم اسعار العربيات.
طبعا yasserit يقدر يقولك فعلا الاسعار نزلت و لا لأ بس حتى لو منزلتش كام شهر و ان شاء الله هتنزل

يا جماعة انا كنت بتكلم من الأول على ال 320 faceleft الجديدة هيا اللي 350000 اما الشكل القديم فا 320000 دلوقتي وانا فعلا شفتها على الطبيعة موجودة في معرض عز العرب الصحراوي و كمان شفتها ماشية في الشارع و الصراحة شكلها اتحسن كتير و بقت أجمل من الأول

يعني انتو شايفين ان ال523 او ال x3 حتكون احسن من 320 faceleft؟؟ ولو كده يبقى انهي احسن 523 ولا x3 عشان هما ال2 نفس السعر تقريباً