انا لسه عند كلامى اسعار السيارات مش حترخص خالص الاسعار الان فى ارتفاع
واللى متابع الموضوع حيعرف ان الكلام اللى انا قلته فى الاول بيتحقق ولسه الاسعار حتزيد خصوصا المستعمل سلام
عرض للطباعة
انا لسه عند كلامى اسعار السيارات مش حترخص خالص الاسعار الان فى ارتفاع
واللى متابع الموضوع حيعرف ان الكلام اللى انا قلته فى الاول بيتحقق ولسه الاسعار حتزيد خصوصا المستعمل سلام
هو حضرتك مش واخد بالك ان اسعار السيارات نزلت ، طيب اقرا الجرايد بتاعت السيارات ، فى عربيات نزلت 1000 جنيه و فى عربيات نزلت 5000 جنيه و فى عربيات نزت 8000 جنيه و فى عربيات نزلت 45 الف جنيه ( البى ام دبليو )
استاذ ايمن بردو حضرتك مبتقراش جرايد حضرتك مش واخد بالك ان الأسعار نزلت فعلا
و بعدين موضوع ان المستعمل هيطلع بالعكس ده احتمال الزيرو يزيد تانى شويه ( فى التوكيلات اما فى المعارض سينخفض) لكن المستعمل ده بقا هيتخسف بيه الأرض
يا جماعه انتو مش واخدين بالكوا ان فى ناس اتسرحت من شغلها
الناس دى شاريه عربيات بالتقسيط و مش هيعرفوا يدفعوا القسط و البنك هياخد العربيه منهم و هيبيعها تانى بالمزاد و ده ممكن يحصل لعدد كبير من العربيات لأن للأسف معظم الناس اللى راكبه عربيات جديده دلوقتى اخرهم يركبوا عربيه 128 ولادا بالكتير اوى لكنه يقولك انا اشترى تقسيط و اركب عربيه تويوتا ولا هوندا ولا بروتون الحاجات الزيرو دى و العربيات دى هترجع و هتتباع بالمزاد و سعرها هينزل الأرض انتوا مشوفتوش اللى حصل فى الأمارات ، الناس سابت العربيات فى الشوارع و فى المطار و سابوا البلد العربيات هناك النهارده متساويش اى حاجه
المستعمل هينزل هينزل والأخوه اللى بيتكلوا على ارتفاع اسعار العربيات و ارتفاع اسعار المستعمل ياريت يعرفوا ان فى حاجه اسمها قانون العرض و الطلب هو اللى بيحكم السوق و خليهم يزودوا اسعار العربيات بس الوكيل هيزود و هيلاقى تاجر تانى بيرخص عشان يخلص نفسه
رايك صح فعلا يا استاذ mbisar
انا كنت عايزة اشترى عربية اعتقد استنى شوية ولا حضرتك رايك ايه
بصى حضرتك امبارح قريت فى اخبار السيارات كلام على انهم هيعملوا مزاد للعربيات الزيرو و المستعمل اللى البنوك سحبته من المتعثرين و اعتقد ان المزاد ده هيتعمل فى خلال 3 شهور فلو حضرتك استنيتى الفتره دى اكيد هيحصل تغيير كبير فى اسعار السيارات ، انا عن نفسى ان شاء الله عايز اغير عربيتى بس مستنى لما السوق يستقر ،يعنى لحد شهر 4 او 5 كده ، و ربنا يوفقك للى فيه الخير
أشكر حضرتك جداً يا استاذ mbisar على رد حضرتك وممكن اذا عرفت اى شىء عن موضوع المزاد ده تبقى قولى