الاسعار حتنزل

**veronese** · 25-12-2008 04:58 PM

هاي يا جماعة عندي ليكم نصيحة مهمه اللي عاوز يشتري عربية جديده على الزيرو يستنى شهر او شهر و نصف كل الاسعار حتنزل 4000 جنيه الكلام ده عرفته من صاله معرفة، انا كنت ناويه اشتري في اول السنة بس لما سمعت كده قلت استنى شويه
و اسعار العربيات المستعمله هيا اللي حتغلى:k30:

**mbisar** · 25-12-2008 06:18 PM

لو اسعار الجديد نزلت يبقا لازم اسعار المستعمل تنزل و اعتقد ان فعلا كل العربيات هتنزل فى اول 4 شهور فى السنه الجديده انا كنت هشترى بس قلت استنى لحد شهر 4 لما نشوف السوق هيوصل لفين

**MEMES** · 25-12-2008 07:09 PM

المستعمل هيرتفع لان التقسيط مش هيتسهل زى الاول ...

**Rafraf** · 25-12-2008 07:14 PM

نفس الكلام بيتكرر كل سنة الفارق الوحيد ان الازمة العالمية مسخنة الناس و اللى المفروض نفهمه ان التوكيلات فى مصر لازم تكسب و لو الاسعار نزلت 10 هينزلوها 2 بس! عمرهم ما هينزلو الـ 10 الاف ابدا ولا حتى 4! و بعدين تستنى 5 شهور عشان 4 الاف جنية! طب وافرض الاسعار ذادت؟ هتعمل ايه؟

**mbisar** · 25-12-2008 08:42 PM

فى حاجه فى السوق اسمها الحرق و هى دى الطريقه اللى هينزل بيها العربيات فى مصر و دى حاجه قديمه اوى انا عارفها من ايام ما كنت بشتغل فى العربيات التجار دلوقتى متمسكين و مش عايزين ينزلوا سعرهم و ده عشان ميخسروش و عشان عندهم ستوكات لازم تخلص و طبعا هما متفقين على كده مع بعض المهم السوق هيبتدى يقفل و الطلب هيقل و هما طبعا لسه متمسكين ، المشكله بقا هتظهر ان الناس دى عليها مصاريف كتير اوى و عليهم فلوس لازم يدفعوها للبنوك و عليهم ضرايب بالهبل ( 30 / 3 / 2009 ) لازم تندفع طيب يعملوا ايه ، التجار فى منهم الجامد التقيل اللى معاه فلوس و ده ممكن يستحمل شويه و فى منهم اللى فلوسو كلها قروض و عليه التزامات و لازم يبقا معاه كاش ،اللى زى ده يبتدى يحرق السعر العربيه مثلااللى 130 يبيعها هو 120 و اقل كمان لأنه محتاج فلوس والا هيخسر كتير اوى يبقا يخسر فى كام عربيه عنده احسن ما يفلس
و السعر ده اول ما يسمع يبتدى التجار هما كمان يبيعوا بنفس السعر عشان يعرفوا يبيعوا و تبتدى العمليه تحصل بالشكل ده
انا لما كنت بشتغل فى العربيات ( مع والدى ) ووالدى تاجر سيارات من سنه 1981 لحد 2001 كنا مثلا فى سنه 99 بنجيب العربيه الهيونداى اكسنت من الشركه رسمى ب 33 الف تجارى و نبيعها ب 34 او 33 و نص المهم العربيه دى كنت تلاقى واحد تاجر عادى جدا بيبيعها فى السوق للزبون ب 28 الف يعنى بيبيعها بخساره الفتره الأخيره دى بصراحه مكانش فيها حرق فى الأسعار و ده بسبب انتعاش تجاره السيارات عشان دخول البنوك بكل تقلها فى عمليه التقسيط فكانت الدنيا ماشيه زى الفل لكن بعد الأزمه دى الموضوع هيرجع زى زمان و يا ريت ماهو كلو فى مصلحتنا ،
تحياتى للجميع .

**y_omran** · 29-12-2008 07:34 AM

شكرا للمعلومة و ربنا يبارك ليك

**nagget_13** · 29-12-2008 07:43 AM

alf shokr ya 3'aly

**mecho_392** · 31-12-2008 12:44 PM

شكرا على المعلومات!!!

**emad2002** · 01-01-2009 09:47 PM

مفيش نزول لاسعار السيارات اطلاقا اللى عايز يشترى يشترى وميخفش كلام عن ثق اى انخفاض فى الاسعار يقابله ارتفاع مفاجىء وده محصلش لسه يعنى لما تعرف ان اسعار السيارات فى مصر ارتفعت تعرف ان بعدها ممكن الاسعار تنزل وانتم عارفين نظام الاحتكار فى مصر

**shimoshosho** · 01-01-2009 10:08 PM

السلام عليكم

انا معايا سوزوكى ماروتى 1995 ناويه ابيعها لو عرضها دلوقتى للبيع اطلب كام فيها

شكرااا وتحياتى

الموضوع: الاسعار حتنزل

LinkBack

أدوات الموضوع

عرض

-

-

المواضيع المتشابهه

الالنترا الجديدة حتنزل فى قطر فى خلال شهر

هو بيجو 107 مش حتنزل مصر؟؟؟؟

يا ترى الفيرنا اوتوماتيك حتنزل تانى ؟

النوبيرا حتنزل تانى ولا لا

هل الفيات 500 الجديدة حتنزل مصر

الكلمات الدلالية لهذا الموضوع

المفضلات

المفضلات

ضوابط المشاركة