الاخوة الاعزاء مالكى المازدا 323 فاميلى
الرجاء فتح باب للمناقشة بخصوص هذة السيارة و قطع غيارها الجديدو و الاستيراد و اهم طرق للصيانة و اماكن الاصلاح ما عدا مركز غبور
عرض للطباعة
الاخوة الاعزاء مالكى المازدا 323 فاميلى
الرجاء فتح باب للمناقشة بخصوص هذة السيارة و قطع غيارها الجديدو و الاستيراد و اهم طرق للصيانة و اماكن الاصلاح ما عدا مركز غبور
انا معنديش العربيه دى وبصراحه ماركبتهاش قبل كده بس اسمع انها عربيه اعتماديه جدا وكويسه زى اغلب اليابانى وقطع غيارها منتشره ببورسعيد اعتقد كان فيه مشاركات لها فى منتدى المازدا
..mokhtar..
اشكرك على الرد و الهدف الذى اسعى الية ان احاول تجميع اكبر عدد ممكن من الاراء و الخبرات لان انا عندى سيارة منها و احبها جدا و لذلك احب ان استفيد من خبرات الزملاء
و ما زلت فى الانتظار
با ترى الموضوع مش عاجب خد و لا العربية دى مش موجودة عند حد من السادة الاعضاء
اشكركم و انا اسف على الازعاج
العربية مش منتشرة ياباشا علشان كدا الرد هيبقى قليل
طيب انا نفسى اجيب واحده و عايز حد يشجعنى على القرار ده بس الصمت الرهيب ده هيخلينى ارجع فى كلامى و افكر من جديد اشترى اى عربية مانيوال منتشرة لانى حاسس انى لوجبت المازدا دى هاكون زى التايه فى صحرا لوحدى
و كل عام و انتم بخير
الاخوه الافاضل .. انا لسه شايف الموضوع دلوقتى .. بالنسبه للمازدا فاميلى فهيا عربيه ممتاز جدااا ومن احلى وافضل العربيات اللى ممكن الواحد يركبها فى حياته احنا كان عندنا واحده موديل 2000 والعرببه نزلت مصر بموتور واحد اللى هوا 1600 سىسى وهيا نوعين مانيوال واوتوماتيك وكل الكماليات المعتاده باور وسنتر وتكييف و4 زجاج كهرباء وفوجات شبوره فى الموديل الاوتوماتيك.. بالنسبه للاداء فحدث ولاحرج العربيه رائعه بكل المقاييس يعنى ثبات ممتاز وتسارع ممتاز وسهل التحكم فيها ومعرفه ابعادها ويكفى ان احنا كنا بنغير الكاوتش ليها ومش بنحتاج نرصص او نضبط زوايا الا كل فين وفين
بالنسبه لقطع الغيار والصيانه .. قطع الغيار هتلاقيها جديد فى محلات شارع رمسيس ووسط البلد اى محل قطع غيار يابانى هتلاقى عنده قطع غيار ليها والمحل اللى كنت بتعامل معاه على طول فى اول شارع رمسيس جنب توكيل الرواس بتاع متسوبيشى .. وفيه قطع غيار استيراد فى الحرفيين وفيه منها هناك سيارات كامله متقطعه .. بالنسبه للصيانه فاى ميكانيكى بيعرف فى اليابانى بيشتغل فى العربيه دى لان مافيهاش اى تكنولوجيا معقده
اى استفسار تانى بخصوص العربيه انا تحت امركم
حضرتك تقصد موديل كام؟اقتباس:
المشاركة الأصلية كتبت بواسطة khaledmohamed07
السلام عليكم
انا على فكرة لسة جايب عربية مازدا 323 موديل 1991 ومفيش مكانيكى صح يظبط العربية افيدونى!!!!!!!!!!!!!!!!!
ايه ده يا راجلاقتباس:
المشاركة الأصلية كتبت بواسطة max52lolo
اخيرا لقيت حد معاه المازده دي
انا معايا واحده موديل92 والدي كان منزلها من السعوديه من 94 ولسه معانا لحد دلوقتي
بس اعذرني ايه اللي خلاك تجيبها
دي مالهاش قطع غيار خالص او نادره جدا بس هي كعربيه ممتازه و اعتماديه جدا
و اي حد بيفهم في الياباني هيشتغل فيها
بس حضرتك ممكن تقوللي لو جايبها من هنا اشتريتها بكام؟ لاننا بنفكر نبيعها و مش عارفين نظام الاسعار
و اي استفسار انا في الخدمه
اقتباس:
المشاركة الأصلية كتبت بواسطة mohamed_mohsen
طيب اعتمادية ازاي ومفيش حد بيفهم فيها؟ وملهاش قطع غيار ؟ ازاي؟
انا باجيبلها قطع غيار من السعوديهاقتباس:
المشاركة الأصلية كتبت بواسطة وائل عطية
و قطع الغيار معمره جدا(اسطوانه الدبرياج ما اتغيرتش الا بعد 16 سنه و 240 الف كم
و المساعدين بعد 14 سنه
و انا قولت لو كنت حضرتك اخدت بالك ان اي ميكانيكي بتاع ياباني بيفهم فيه لانها مش معقده و مافيهاش تكنولوجيا حديثه
و عمرها ما عطلت و قلت باصلها ابدا و تكييفها ممتاز من الاخر عربيه تمام
في ناس بيقولولي ان قطع غيارها في بورسعيد و شفتها كمان كذا مره في بورسعيد (الموديل الهاتش باك منها كمان) بس ماسألتش هناك عن اي قطع غيار
اقتباس:
المشاركة الأصلية كتبت بواسطة mohamed_mohsen
أنا ماكدبتش حضرتك والله وباشكرك على ردك
ولكن مش كل الناس اللي ممكن تقتني العربية هاتقدر تجيب قطع غيارها من السعودية وحتى على فرض إنهم هايقدروا أكيد برده هاتبقى عطلة وتأخير وركن العربية على بال ماتيجي القطع المطلوبة وممكن تكون مش هي وتعوز تتغير !!
يا باشوات انا باشكركم جميعا على الرد بس انا الصراحة غيرت رايى وبدل ما كنت ناوى اشترى مازدا فاميلى موديل 97,اشتريت خلاص النترا موديل 96 اوتوماتيك فول اوبشن و الصراحة الالنترا عربيه هايلة و بكده المازدا الفاميلى اصبحت حلم لم يتحقق
محمد محسن باشا مفيش لزوم تجيب قطع غيار المازدا الفاميلى من السعودية ,ممكن تنزل بورسعيد هناك العربية قطع غيارها موجوده بوفرة و المازدا الفاميلى اللى ممكن تشوفها فى القاهرة فى سنة هتشوفها فى يوم واحد فى بورسعيد
و ان كنت متاكد انك برده ممكن تلاقى ناس بتبيع قطع غيارها فى القاهرة برده,و لعلمك انا سالت واحد فى بورسعيد كان راكب المازدا الفاميلى فقالى ان بعض قطع غيار الكيا الشوما تنفع تركب فى المازدا الفاميلى زى الكوبلن و ربنا يعينك
يا باشا الف مبروك علي الالنترا 96 عربيه ممتازه و الاهم من كده انك تبقي مرتاح للعربيه و تعيش معاكاقتباس:
المشاركة الأصلية كتبت بواسطة a_aboelseoud
تحياتي,,,,
و الله انا كل اللي قلته انها عربيه كويسه و ده من خلال تجربتنا معاها و قولت برضه ان قطع غيارها مش موجوده (ماقولتلوش يعني ينزل يجيبها)اقتباس:
المشاركة الأصلية كتبت بواسطة وائل عطية
علي العموم اهه الراجل اشتري عربيه تانيه و ربنا يارب يباركله فيها
حبيت افيده مش اكتر
تحياتي,,,,
شكرا لرد حضرتك انا عارف ان المازدا فاميلي موجوده كتير في بورسعيد و قطع غيارها مغرقه الدنيا برضه هناكاقتباس:
المشاركة الأصلية كتبت بواسطة a_aboelseoud
بس المازدا اللي معايا مازدا 323 موديل 92 مش 97 (الشكل مختلف خاص) و تعتبر عربيه تانيه
و ربنا يباركلك في الالنترا مره تانيه (اختيار موفق)
تحياتي,,,,
في واحد زميلي من بورسعيد وكان هايشتري العربية دي وبيقول إنها فعلاً منتشرة جداً في بورسعيد ولكن لما سأل على قطع الغيار ومدى توافرها عرف إنها مش موجودة هناك بالقدر الكافي وتراجع عن فكرة شراءها
انا عندي مازدا فاميلي موديل 99 1600 سي سي للبيع اتوماتيك دواخل الفابريكة ( تكييف - سنتر - باور - جنوط اصلي ميمو - 4 زجاج كهرباء - مرايات كهرباء - فوانيس شبورة بطارية جافة - كاوتش جديد ) حالة ممتازة
محمد 0103663662 0115141726
السلام عليكم
العربية المازدا 323 موديل 1991 انا جبتها ب 32 الف جنية
علي العموم الف مبروك
(انا لسه مركبلها اسطوانه دبرياج و ديسك و بليه امبارح)
محدش يعرف مازدا م 1990
عندكوا صورة لمازدا 323م1990
اتفضلاقتباس:
المشاركة الأصلية كتبت بواسطة ehab1234
http://media.motortopia.com/files/17...otege_1990.jpg
http://www.edmunds.com/pictures/VEHI...66-300x189.jpg
متشكرين يمحمد على الصور الجمدة للعربية المازداوعلى فكرة موجود قطع غيار ليها استيراد عند ناس كتير:satelite::satelite:
فين طيب ؟اقتباس:
المشاركة الأصلية كتبت بواسطة max52lolo
دللني عليهم
السلام عليكم
شوف يباشا فى واحد فى المنيل اسمة < الشياطين الحمر > عندة قطع غيار استيراد وفى واحد اسمة تامر < التركى > فى صقر قريش فى المعادى جنب توكيل تويوتا قطع غيار استراد
وعلى فكرة قطع غيار< كيا > بتركب على المازدا 323
شكرا يا باشا بس الشيطان الاحمر ده فين في المنيل بالظبط و يا ريت لو ارقام تليفوناتهم يبقي تمام قوياقتباس:
المشاركة الأصلية كتبت بواسطة max52lolo
كمان كيا نوعها ايه و موديل كام تركب عليها حاجتها؟
معلش تقلت عليك بس انا غلبت و الله
يا جماعة انتوا محسسنى ان المازدا دى من كوكب تانى سيارة زى كل السيارات بس للأسف التوكيل المحترم! بتاعها هو اللى مدى الصورة البشعة دى عن المازدا انا عايش بالرياض ومعايا 323 1992 والسيارة ممتازة ورائعة وبنسافر عليها لكل مكان وعمرها ما قالت لأ بس فمصر بصراحة توكيلها هو اللى مخوف الناس من السيارة والله يصبرنا احنا ملاك المازدات فمصر وشعري دايماً مازدا وبس