مازدا فاميلى 323 معلومات عنها

**khaledmohamed07** · 25-12-2008 10:27 PM

الاخوة الاعزاء مالكى المازدا 323 فاميلى
الرجاء فتح باب للمناقشة بخصوص هذة السيارة و قطع غيارها الجديدو و الاستيراد و اهم طرق للصيانة و اماكن الاصلاح ما عدا مركز غبور

**mokhtar** · 26-12-2008 02:30 AM

انا معنديش العربيه دى وبصراحه ماركبتهاش قبل كده بس اسمع انها عربيه اعتماديه جدا وكويسه زى اغلب اليابانى وقطع غيارها منتشره ببورسعيد اعتقد كان فيه مشاركات لها فى منتدى المازدا

..mokhtar..

**khaledmohamed07** · 26-12-2008 11:17 PM

اشكرك على الرد و الهدف الذى اسعى الية ان احاول تجميع اكبر عدد ممكن من الاراء و الخبرات لان انا عندى سيارة منها و احبها جدا و لذلك احب ان استفيد من خبرات الزملاء
و ما زلت فى الانتظار

**khaledmohamed07** · 28-12-2008 10:39 PM

با ترى الموضوع مش عاجب خد و لا العربية دى مش موجودة عند حد من السادة الاعضاء
اشكركم و انا اسف على الازعاج

**NaviGator_13** · 28-12-2008 11:39 PM

العربية مش منتشرة ياباشا علشان كدا الرد هيبقى قليل

**a_aboelseoud** · 27-01-2009 11:51 PM

طيب انا نفسى اجيب واحده و عايز حد يشجعنى على القرار ده بس الصمت الرهيب ده هيخلينى ارجع فى كلامى و افكر من جديد اشترى اى عربية مانيوال منتشرة لانى حاسس انى لوجبت المازدا دى هاكون زى التايه فى صحرا لوحدى
و كل عام و انتم بخير

**mada121977** · 03-02-2009 10:30 PM

الاخوه الافاضل .. انا لسه شايف الموضوع دلوقتى .. بالنسبه للمازدا فاميلى فهيا عربيه ممتاز جدااا ومن احلى وافضل العربيات اللى ممكن الواحد يركبها فى حياته احنا كان عندنا واحده موديل 2000 والعرببه نزلت مصر بموتور واحد اللى هوا 1600 سىسى وهيا نوعين مانيوال واوتوماتيك وكل الكماليات المعتاده باور وسنتر وتكييف و4 زجاج كهرباء وفوجات شبوره فى الموديل الاوتوماتيك.. بالنسبه للاداء فحدث ولاحرج العربيه رائعه بكل المقاييس يعنى ثبات ممتاز وتسارع ممتاز وسهل التحكم فيها ومعرفه ابعادها ويكفى ان احنا كنا بنغير الكاوتش ليها ومش بنحتاج نرصص او نضبط زوايا الا كل فين وفين
بالنسبه لقطع الغيار والصيانه .. قطع الغيار هتلاقيها جديد فى محلات شارع رمسيس ووسط البلد اى محل قطع غيار يابانى هتلاقى عنده قطع غيار ليها والمحل اللى كنت بتعامل معاه على طول فى اول شارع رمسيس جنب توكيل الرواس بتاع متسوبيشى .. وفيه قطع غيار استيراد فى الحرفيين وفيه منها هناك سيارات كامله متقطعه .. بالنسبه للصيانه فاى ميكانيكى بيعرف فى اليابانى بيشتغل فى العربيه دى لان مافيهاش اى تكنولوجيا معقده
اى استفسار تانى بخصوص العربيه انا تحت امركم

**mohamed_mohsen** · 08-02-2009 07:22 PM

المشاركة الأصلية كتبت بواسطة khaledmohamed07

الاخوة الاعزاء مالكى المازدا 323 فاميلى
الرجاء فتح باب للمناقشة بخصوص هذة السيارة و قطع غيارها الجديدو و الاستيراد و اهم طرق للصيانة و اماكن الاصلاح ما عدا مركز غبور

حضرتك تقصد موديل كام؟

**max52lolo** · 10-03-2009 05:34 PM

السلام عليكم
انا على فكرة لسة جايب عربية مازدا 323 موديل 1991 ومفيش مكانيكى صح يظبط العربية افيدونى!!!!!!!!!!!!!!!!!

**mohamed_mohsen** · 10-03-2009 10:15 PM

المشاركة الأصلية كتبت بواسطة max52lolo

السلام عليكم
انا على فكرة لسة جايب عربية مازدا 323 موديل 1991 ومفيش مكانيكى صح يظبط العربية افيدونى!!!!!!!!!!!!!!!!!

ايه ده يا راجل
اخيرا لقيت حد معاه المازده دي
انا معايا واحده موديل92 والدي كان منزلها من السعوديه من 94 ولسه معانا لحد دلوقتي
بس اعذرني ايه اللي خلاك تجيبها
دي مالهاش قطع غيار خالص او نادره جدا بس هي كعربيه ممتازه و اعتماديه جدا
و اي حد بيفهم في الياباني هيشتغل فيها
بس حضرتك ممكن تقوللي لو جايبها من هنا اشتريتها بكام؟ لاننا بنفكر نبيعها و مش عارفين نظام الاسعار
و اي استفسار انا في الخدمه