الموضوع: بدء حجز السيتي 2009 و التسليم اول يناير

دى اسعار للافراد مش سعر وكيل
سعر الوكيل بيبقى اقل من كده بكتيير حسب الكميه المتعاقد عليها من الشركه الام
يعنى لو اشترى عربيه واحده يشتريها بالسعر اللى انتا كاتبه فى مشاركتك
لو اشترى 100 عربيه السعر يقل عن كده وشوف بقى لو الطلبيه الف عربيه شوف السعر ممكن يوصل لكام وخصوصا لما تبدأ تشيل بعض الكماليات ده بينزل سعر العربيه اكتر وطبعا ده غير التفاوض اللى بيتم بين الوكيل وبين الشركه الام على الاسعار يعنى عشان يبيعها ب128 الف لازم تبقى واقفه عليه بجماركها بكله بالكتير ب90 الف ويمكن اقل عشان لسه فيه عموله للموزعين كمان

المشاركة الأصلية كتبت بواسطة asbeats

لو افترضنا ان الموقع استرالي و سعر الدولار الاسترالي 3.7 يبقى سعر العربية بالجمارك حوالي 120 ألف جنيه مصري

والسعر المعلن هنا في مصر بتقولوا 125 ألف
يعني في نفس الرينج

صح ولا أنا حسبتها غلط؟!!

كمان فيه ملحوظة، احنا موش عارفين الرسوم اللي في استراليا نظامها ايه؟
موش شرط بالمناسبة ان الرسوم دي تكون جمارك و بس، ممكن تكون حاجة زي ضريبة المبيعات برضو او اي حاجة تانية.

لما نعوز نعمل مقارنة زي دي، يبقى لازم عارفين قيم الرسوم و الاضافات التانية. علشان كدة، بفضل اننا لما نجيب اسعار، نجيب اسعار بتاعة منطقة تجارية معرفة زي دبي مثلا، لأن لحد علمي ان هناك مافيش رسوم من اي نوع على البيع و الشراء و كل حاجة بتندفع بعدين لو انت مقيم على هيئة ضرايب و مصاريف ترخيص و خلافه.

??????????????????????????????????? غالية غالية غالية غالية غالية غالية

انا معاكم طبعا انها غالية قوي..
بس متنسوش انها موتور ما شاء الله قوي i-vtec .. و كمان الفتيس بتاعها شبيه بالفتيس بتاع الكورولا الجديدة كده.. (انا كنت قريت عنه علي النت..) و فيها نقل السرعات من الدركسيون زي الكورولا برضه..
(دي اللي برة اللي شوفت صورها و قريت المقال عنها.. الله اعلم هي اللي هتنزل هنا ولا..)
و كمان فيها ABS & EBD
ودول لوحدهم يعملوا فرق سعر..
بس في رأيي لما تكون الياريس اللي هي اقل منها في كل حاجة ما عدا التقفيل الياباني مقابل التايلندي.. اقل منها بحوالي 20 الف جنيه.. يبقي الفرق لا يعتبر كبير.. و بالتالي العربية سعرها يعتبر كويس..
(بس الياريس اصلا سعرها مبالغ فيه في رأيي.. و السعر العادي للسيتي دي في رأيي يعني.. مش اكتر من 120 الف جنيه و تكون فيها جنوط سبور كمان..)و خلوا بالكم ان سعر اول دفعه بيعتبر قليل بالنسبة للدفعات اللي بعد كده.. بس في رأيي اقبال الناس عليها لو قليل.. هتعمل زي الفابيا كده اللي التوكيل نزل سعرها 11 الف جنيه مرة واحدة اليومين دول..