فى حتة جلد نازاة من تحت الاكصدام الامامى Lancer 2007

**yts007007** · 26-12-2008 01:13 PM

انا النهاردة لاقيت فى حتة جلد كدا نازلة من تحت الاكصدام اللى قدام مش عارف اعمل فها ايه . لما فتحت الكبوت لقتها حاجة فى اخر الكبوت من تحت حتة عملا زى غطا مغطى المكنة وبقيت الكبوت من تحت وفى حتا زيها فى اليمين انا الحتا اللى فى الشمال هيا اللى نازلة . فهل دى فيها خطر ولو عايز ازبتها اعمل ايه . انا خايف منها اوى .

**mondy2010** · 27-12-2008 04:15 AM

بيتهيألي دي الكارتيرة ممكن اي حد سمكري يبصلك عليها و يربطهالك ....او وانت بتشحم او بتغير زيت لما العربية تترفع تبص عليها من تحت احسن

**yts007007** · 27-12-2008 04:51 AM

والكارتيرة دى حاجة مهمة يعنى مينفعش امشى بيها كدا اليومين دوول . ولا وظفتها ايه بالزبت .

**Moh.Fahmy** · 28-12-2008 03:21 AM

يا اخي غالبا دي الكساحة و غالبا بتكون ساقطة كده و ممكن تلاحظها في اي عربية لانسر اخري و حتلاقيها في ناحية واحدة فقط

محمد فهمي

**yts007007** · 28-12-2008 05:14 AM

طيب بس ممكن ياجماعة االى يقول بفهمنا هيا لازمتها ايه . انا مش فاهم ايه الفرق مابين الكساحة والكارتيرة .

**مصراوي جدا** · 28-12-2008 10:32 AM

هو الأفضل حضرتك تصورها علشان الكارتيرة حاجه والكساحة حاجه تانية

الكساحة هي قطعة اكسسوار (فيه ناس تسميها اسبويلر أمامي) يعني امتداد للأكصدام الأمامي من تحت علشان تكون العربية رياضية

اما الكارتيرة فدي كارتيرة الرفرف عبارة عن قطعة كاوتش بتغطي الرفرف من الداخل فوق الكاوتش لمنع وصول الماء والطين الى الرفرف والمناطق الداخلية

واعتقد فيه كارتيرة كمان داخل المحرك

عموما في كل الحالات الموضوع مفيهوش اي خطورة من اي نوع ايا كانت الكاوتش اللي ظاهر ده فهو حلية انما ظبطه ووضعه في وضعه الصحيح يبقى افضل انما مش عاجل