كده ارتفاع العربيه طبيعى ؟؟

**zAzU** · 25-12-2008 08:33 PM

يا جماعه انا معايا لانسر 2006 امبارح كنت ماشى وورايا واحد صحبى و بعدين لما و قفنا لقيته بيقوللى عربيتك عاليه كده ليه من ورا ؟
ركبت معاه و بصيت عليها لقيت العفشه ورا تقريبا كلها باينه يعنى فى حديدتين كده جايين من العجل و طالعين فوق بزاويه كده دول بيبقوا باينين ساعات فى لانسرات تانيه معرفش دول المقصات ولا دول ايه
انا عندى بقى دول باينين جدا و الحديده اللى فى النص و ماسكاهم فى بعض باينه كلها كمان!!!!!!!؟؟؟؟
ده طبيعى ؟؟؟؟ ولو مش طبيعى المشكله فين؟؟؟

**مصراوي جدا** · 27-12-2008 11:17 AM

اهلا يا دكتور محمد
مبدئيا الموضوع عادي ولا داعي للقلق
هي لو العربية معاك من الزيرو يعني مش شاريها مستعملة وبالتالي متأكد ان محدش غير فيها حاجه ولا علاها يبقى مفيش اي مشكلة وهي كده وانا كتير باشوف الحاجات دي ظاهرة في العربيات اللانسر في الشارع وطبعا ممكن تلاحظ ده في كل لانسر بتمشي قدامك هل ظاهرة بنفس المستوى ولا لأ
لو كنت شاريها مستعملة وخايف ليكون مالك العربية الأول كان معليها زيادة وان كان ده ملهوش سبب لأن العربية اساسا مش منخفضة زي الكريستالة مثلا فممكن وقتها يتم الكشف على العربية وازالة العلايات دي (لو موجودة)