ايهم الجنط الافضل ... مهم جدا الدخول والتصويت

**tamer_samy** · 30-12-2008 11:37 PM

الاخير تحفه ربنا يباركلك فيه
يليه الرابع ثم الاول
ربنا يكرمك و يهديك يا ايمن

**momo10000** · 31-12-2008 02:59 AM

kimoboy باشا الجنط ب 5.5 من غير الكاوتش.

مصطفي باشا .. اخبارك اية .. واحشني يا باشا...

تمووووووور حبيب قلبي ... دا كلو من ذوقك يا باشا..

انا عايز راي الرجالة كلها في الجنط دا ... مفروض انة من الجنوط اللي حتكون موضه 2009 والكلام دا من معرض ابوظبي الدولي (ملحق الكماليات) حمادة غزي كان في المعرض وكلمني فيديو كوول من هناك بيفرجني علي الكلااااااااااااام الكبير قوي بتاع الكماليات هناك.

**MMamdouh** · 31-12-2008 09:56 AM

بالرغم من اعتراضى على تغييرك للجنوط للمرة السادسة... الا ان الجنط دة جامد التنين خصوصا ان عربيتك سودا

MMamdouh

**r0xer** · 31-12-2008 10:15 AM

ههههههههههههههه للأسف دلوقتي انا اتحولت من المناصرين لتغيير الجنوط!

بتفق مع محمد ممدوح...الجنط دا هيبقى خرافي على عربيتك...بسم الله ماشاء الله هيخليها فعلا ملهاش حل.

**momo10000** · 31-12-2008 11:41 AM

اتفقنا يا ممدوح ... ومصطفي برضة مأيد.... توكلنا يا معلم...

**theking2690** · 31-12-2008 01:16 PM

تانى واحد واخر واحد جامدين جدا بسم الله ما شاء الله و اللى فى الصوره برضه حلو

**pop3** · 31-12-2008 01:26 PM

السلام عليكم و رحمة الله

أيمن الجنط إلي راكب حاليا في عربيتك جنط حلو جدا ماشاء الله و بعدين انت لو هتحط في دماغك موضوع الجنوط ده مش هتخلص لأن كل شويه هتلاقي حاجه أجمل و أشد من إلي معاك وده طبيعي فلو هنغير ممكن كل سنه طقم علشان على الأقل تحافظ علي ستايل العربية لفترة من الزمن لأن التغيير الكتير ده بيفقدك قيمة التغيير نفسه.ده رأيي الشخصي والقرار طبعا ليك.وربنا يحرسهالك

**ehabbasha30** · 31-12-2008 02:04 PM

جامد جامد بس اللى راكب برضو حكاية والفرق مش كبير
رايى تخليك فى اللى راكب وتستنى شوية لما يظهر واحد شكلة مختلف علشان تحس بالتغيير
بس انا لاحظت ان فى جنوط اربعة مسمار وجنوط تانية خمسة مسمار
اية الحكاية ؟؟؟؟؟؟؟؟؟؟
هو انت لما غيرت العفشة اتغير معاها الطنابير ؟؟؟؟؟؟؟