الموضوع: المحور ينهار من جديد

المنطقة اللي انا اقصدها وشفتها بعيني وهي في هبوط شديد وواضح والأسفلت فيه شق طويل واضح جدا جدا هي وانت رايح من ميدان لبنان الى اكتوبر أو الصحراوي فيه كوبري بيمر من فوق المحور والناس بتسميه نفق، وده قبل الطريق الصحراوي بقليل، حتلاقي الهبوط اللي انا أقصده قبل النفق ده، في الحار اليمين أي اللي مخصصة للأتوبيسات وسيارات الأجرة، وطبعا وما فيش اتوبيس بيستعمل الحارة دي كله رامي شمال.
الغريبة الواحد عاوز يعرف هو الردار شغال على الطريق ولا لأ؟
تلاقي عربية الشرطة واقفة وكاميرة الردار واضحة (وطبعا العسكري اللي قاعد جواها نايم) مش دي المشكلة بس تلاقي العربيات معدية ال 100 ك في الساعة....
فعاوزين نعرف الردار شغال ولا لأ..
وفي حاجة غريبة تانية وهي ان السرعة محددة ب 80 ك في الساعة على الطريق وفجأة وانت ماشي تلاقي يافطة تقولك السرعة 60 ك بس..
طب ليه والجزء ده من الطريق ما فهوش حاجة تسدعي لليفطة دي..
نقطة أخيرة لازم يوجدوا حل للميكروباس اللي بيحمل على المحور لأن ممكن يسببوا حوادث قاتلة..

تم إصلاح الشرخ والهبوط طبعا بطريقة الترقيع..
واللي عارف مكان الشرخ يقدر يشوفه ويميزه كويس لأنهم طبعا ملو الفراغ..
الجديد ان قبل الشرخ ده بأمتار قليلة على أقصى يمين الطريق وانت متجه الى أكتوبر حطوا حواجز لأن من الواضح ان أطراف الطريق بها هبوط ويجب إصلاحها..
ونفس الشيء الناحية التانية وانت متجه الى ميدان لبنان برضه حواجز على طرف الطريق وهبوط..
من الواضح المنطقة دي فيها عيب في الأرض ولم يتم دكها بالطرق اللازمة..

المشاركة الأصلية كتبت بواسطة migomax

كل عام وانتم بخير
حزنت جدا وانا رايح مدينة 6 اكتوبر يوم الخميس 25-12-2008 قبل النفق اللي في أخر المحور قبل طريق مصر الأسكندرية الصحراوي ..
جزء كبير من يمين الطريق هبط والأسفلت اتشرخ شرخ كبير ..
الطرق اللي لسه ما عداش عليه شهرين من افتتاحه واللي لسه أعمال الصيانة النهائية ما خلصتش..
حرام الفلوس اللي بتضيع والضمير الغايب..

يعنى أنا مش فاهم، لماذا شركات المقاولات المصرية تتعامل مع موضوع رصف الطرق كأنه إختراع صعب؟؟؟ العام الماضى كنت فى رحلة عمل إلى ليبيا و صدمت عندما وجدت الشوارع الرئيسية (و ليس فقط الطرق السريعة) رصفها أفضل بمراحل مع انها قديمة. شئ محزن و مقزز فعلا.

الجديد بقى و الى لاحظته امبارح لاول مره .... ان المنطقه ديه كلها بعرض الطريق هبطت و الفاصل الى بعدها بقى بيدب جامد فى العربيه بسبب الهبوط ده .

هو فى ايه بالظبط ؟؟؟ ليه محدش بيتحرك علاشان يصلح المنطقه ديه قبل ماتهبط اكتر من كده .

المشاركة الأصلية كتبت بواسطة MohabSaeed

الجديد بقى و الى لاحظته امبارح لاول مره .... ان المنطقه ديه كلها بعرض الطريق هبطت و الفاصل الى بعدها بقى بيدب جامد فى العربيه بسبب الهبوط ده .

هو فى ايه بالظبط ؟؟؟ ليه محدش بيتحرك علاشان يصلح المنطقه ديه قبل ماتهبط اكتر من كده .

علشان كده انا حاسس ان فيه عيب في تضاريس المنطقة وطبيعتها هي السبب ..
بس ده ما يمنعش ان الشركة المنفذة كان يجب عليها احضار مهندسين متخصصين في طبيعة الأرض ومعالجتها..
مش شوية زلط ورمل وأسفلت و (وابور رايح جاي
وشوية عمال بتشرب سكر وشاي)