تفتكروا لو امتحنوا كل اللي معاهم رخص .. كام واحد ح ينجح ؟
خلوا بالكو ان السواقة مش تدوس بنزين وفرامل ..
لأ امتحان أداب المرور وقواعده..
عرض للطباعة
تفتكروا لو امتحنوا كل اللي معاهم رخص .. كام واحد ح ينجح ؟
خلوا بالكو ان السواقة مش تدوس بنزين وفرامل ..
لأ امتحان أداب المرور وقواعده..
بالمناسبة ....... الناس اللي بتمتحنك أصلا ميعروفش يعني أيه قواعد مرور
و لا اللي بيعلموا في مدارس السواقة ......
و هي العملية في مصر
بطيخ :T_thum1[1]:
ليا اصحاب فى الخليج
كان طلب استخراج الرخصة بيترفض علشان اخد ملف بصورة غلط او تخطى حد بطريقة غلط
و اصحابى دول بيسوقو من زمااااااااااان
بالعكس .. يا ريت يمتحنوهم بنزين وفرامل وابقي قابلنى لو حد شاف نجاح ...
40 % من الشعب المصرى مطلع رخصة بالكوسة وكله تحت باند ظبطنى واظبطك ...
للاسف الكلام ده كله بقي شيء عادى جدا فى مصر خصوصا ..
اى واحد زوجته عايزة تتطلع رخصة .. هيطلعهالك بالكوووووسة طبعا لان مفيش حد هيرضي على زوجته انها تروح المرور وتتبهدل علشان 300 جنيه يعنى ...
وحتى لو راحت فهى هتفشل فشل زرررررريع , ساعتها الواحد بيلجأ للتظبيط ..
فعلا المشكلة الحقيقية ولا اللي بيمتحنك فاهم ولا اللي واقف ينظملك المرور فاهم..
بس لازم يبقى فيه قواعد المسئولين يحطوها على اساس خطة مستقبلية .. تحل المشكلة حتى لو كانت بعد 10 سنين، وهي:
1- اغلاق جميع مدارس تعليم السياقة لأن المسئولين عنها أول ناس ما عندهمش فكرة.
2- فتح مدارس معتمدة على اسس قائمة على النظام وتكون مدة الدراسة فيها على الأقل 3 اشهر.
3- اعطاء الطلبة في المدارس الأعدادية والثانوية حصة اسبوعية على الأقل عن أداب المرور والمعاملات بين الناس عموما .
4- حمالات توعية تلفزيونية زي حملة تنظيم الأسرة.
انا شوفت فى المرور ناس كتير جدا بتاخد الرخص من غير امتحانات و لا ووجع قلب يادوب بيروحوا يتصوروا و ياخدو القهوة فى مكتب الظابط و الرخصة بتروح لغاية عندهم
و الاخر وانت ماشى على الصحراوى تشوف مأسى
ربنا يرحمنها جميعا و يبعد عننا الاستهتار و الوسايط و المحسوبية اللى فى الاخر برضة بتيجى على دماغ ناس كتيروتؤدى لكوارث
يا ريت احنا لازم نمتحن تاني البلد حتفدة
ليه الاحراج ده
دي مصر كلها مش حينجح فيها حد
انا لو سقت بره مصر مش هعرف ... :( :(
كل عام وانتم بخير ونفسي في 2009 الواحد يلاقي فيه نظام واحترام للمرور
في الحقيقة العقوبة قد تصل لأعدام!!!!!:w6266d
يا مستر جوست انا سقت بره مصر كتيير لأني بسافر كتير .. الموضوع بره مش صعب بس محتاج انك تمشي على نظام وده ممكن تتعود عليه بعد اسبوع من مرقبتك لتصرفات غيرك...
الصعوبة الحقيقية هو انك بعد ما تسوق بره تيجي تسوق في مصر :8954[1]: دماغك حتلففففففففف
لازم تغيير طرق التليم والتشديد عليها.. على الأقل يبقى عندنا جيل جديد يتعلم صح ويبقى النواة للمستقبل
90% من اللى معاهم رخصة قيادة ....آخرة قيادة توك توك.................
انا الصراحة كنت مسافر المانيا و كان معا واحد عايزنا نأجر عربيه نروح بيها مدينه تانيه
انا طبعا اعترضت علي الفكره ديه لاننا كان ممكن نتسجن لو سوقنا زي ما بنسوق في مصر
انا طبعا كان نفسي اسوق هناك بس كنت خايف لحسن اسرح و انا سايق و اعمل غرزه ولا الف ملف غلط و هناك علي الطريق السريع مفيش حد اقصي للسرعة يعني تمشي علي اد ما عربيتك تجيب :b4_048::b4_048:
مشكلة كبيرة فعلا
بتبان قوى فى الناس اللى شغالة برة مصر وبتسوق هناك
لما بينزلو مصر بيعااااااااااااااااانو جدا واعصابهم بتبوظ
يعنى مثلا فى امانيا ممكن تكون الساعة 4 الفجر ومحدش على الطريق
لا عربيات ولا ناس
وتلاقى الاشاره حمره المفروض والصح انك تقف لانك لو موقفتش هتلاقى غرامة مش اققل من 500 يورو