هل عندك استعداد تمتحن سواقة من جديد؟؟؟

**migomax** · 27-12-2008 09:03 AM

تفتكروا لو امتحنوا كل اللي معاهم رخص .. كام واحد ح ينجح ؟

خلوا بالكو ان السواقة مش تدوس بنزين وفرامل ..

لأ امتحان أداب المرور وقواعده..

**tutankhamoun** · 27-12-2008 09:05 AM

المشاركة الأصلية كتبت بواسطة migomax

تفتكروا لو امتحنوا كل اللي معاهم رخص .. كام واحد ح ينجح ؟

خلوا بالكو ان السواقة مش تدوس بنزين وفرامل ..

لأ امتحان أداب المرور وقواعده..

لو أمتحنا زي أوروبا
النتيجة هاتكون
صـــــــــــــــــــفــــ ــــــــــــــــــــــر

و لا واحد في مصر يعرف يعني أيه قواعد مرور
الموضوع كبير قوي مش زي ما أحنا متصورين
و تحيا مصر أم الدنيا ...... و أم الفساد و الرشوة

**tutankhamoun** · 27-12-2008 09:08 AM

بالمناسبة ....... الناس اللي بتمتحنك أصلا ميعروفش يعني أيه قواعد مرور
و لا اللي بيعلموا في مدارس السواقة ......
و هي العملية في مصر

بطيخ

**Sherif Khalifa** · 27-12-2008 09:10 AM

ليا اصحاب فى الخليج
كان طلب استخراج الرخصة بيترفض علشان اخد ملف بصورة غلط او تخطى حد بطريقة غلط
و اصحابى دول بيسوقو من زمااااااااااان

**Terrible_DaRsH** · 27-12-2008 09:13 AM

بالعكس .. يا ريت يمتحنوهم بنزين وفرامل وابقي قابلنى لو حد شاف نجاح ...
40 % من الشعب المصرى مطلع رخصة بالكوسة وكله تحت باند ظبطنى واظبطك ...
للاسف الكلام ده كله بقي شيء عادى جدا فى مصر خصوصا ..
اى واحد زوجته عايزة تتطلع رخصة .. هيطلعهالك بالكوووووسة طبعا لان مفيش حد هيرضي على زوجته انها تروح المرور وتتبهدل علشان 300 جنيه يعنى ...
وحتى لو راحت فهى هتفشل فشل زرررررريع , ساعتها الواحد بيلجأ للتظبيط ..

**migomax** · 27-12-2008 09:18 AM

المشاركة الأصلية كتبت بواسطة tutankhamoun

بالمناسبة ....... الناس اللي بتمتحنك أصلا ميعروفش يعني أيه قواعد مرور
و لا اللي بيعلموا في مدارس السواقة ......
و هي العملية في مصر

بطيخ

فعلا المشكلة الحقيقية ولا اللي بيمتحنك فاهم ولا اللي واقف ينظملك المرور فاهم..

بس لازم يبقى فيه قواعد المسئولين يحطوها على اساس خطة مستقبلية .. تحل المشكلة حتى لو كانت بعد 10 سنين، وهي:

1- اغلاق جميع مدارس تعليم السياقة لأن المسئولين عنها أول ناس ما عندهمش فكرة.

2- فتح مدارس معتمدة على اسس قائمة على النظام وتكون مدة الدراسة فيها على الأقل 3 اشهر.

3- اعطاء الطلبة في المدارس الأعدادية والثانوية حصة اسبوعية على الأقل عن أداب المرور والمعاملات بين الناس عموما .

4- حمالات توعية تلفزيونية زي حملة تنظيم الأسرة.

**akrameladl** · 27-12-2008 10:22 AM

انا شوفت فى المرور ناس كتير جدا بتاخد الرخص من غير امتحانات و لا ووجع قلب يادوب بيروحوا يتصوروا و ياخدو القهوة فى مكتب الظابط و الرخصة بتروح لغاية عندهم
و الاخر وانت ماشى على الصحراوى تشوف مأسى
ربنا يرحمنها جميعا و يبعد عننا الاستهتار و الوسايط و المحسوبية اللى فى الاخر برضة بتيجى على دماغ ناس كتيروتؤدى لكوارث