تقرير صيانة ال 40 الف كم كرولا 2007-كريم منير
النهاردة كان ميعادي مع صيانة ال 40 الف لعربيتي الكرولا 2007 سعة 1300 ماينوال
التوكيل فرع العباسية كان اتصلو بيه من اكتر من شهر للحجز وحجزت معاهم النهاردة ورغم اني لسه ماكملتش غير 38 الف كم الا اني روحت عشان زحمة التوكيل فرع العباسية
كان ميعادي 8:20 في التوكيل وطبعا وصلت 8:45 صباحا وتم استلام السيارة مني الساعة 9 صباحا تماما لان كان في سهو في كشف الحجز الخارجي لكن الاسم على الكمبيوتر بتاكيد الحجز موجود
الوقت المتوقع لاستلام العربية السعة 10:30 لو كن جيت في ميعادي
استلمت العربية الساعة 11 بالظبط لان العربية مشيت دخلت الورشة الساعة 9:30 بالظبط
القيمة التقريبة للصيانة 1600 جنية
ولكن عشان انا مغيرتش فلتر الهواء عشان ناوي على فلتر اسبور
وماغيرتش الزيت لاني لسه 8 الالاف بس وهو تخليقي يقعد من 10 الى 12 الف كم
والبوجيهات عندي ايرديوم بتقعد 100 الف كم ف ماغيرتهاش برضه
ما تم تغييرة :
سير دينامو كبير =150
سير دينامو صغير =90
فلتر بنزين =265
رينج =9
تيل فرامل =300
زيت فتيس =40
زيت فرامل =28
ماء تبريد =56
منظف فرامل نصف عبوة=15
نصف علبة فوم تنظيف حوض موتور =15
شحم =5
شوية حاجات متفرقة =16
مصنعية صيانة 40 الف =210
مصنعية تغيير طنابير وتيل امامي=97
الاجمالي بالضريبة =1420 علما باني ماغيرتش فلتر هواء ب 200 تقريبا وزيت وفلتر ب 300 وبوجيهات ب 60
ملاحظات الصيانة :
كان عندي رعشة بسيطة قوي في الدركسيون عن الفرمل من سرعات عالية ولما سالت سبعاوي قاللي بداية بوظان طنابير بسبب الضغط على الفرامل والتسخين للطنابير والنزول المفاجئ في مية
وده الكلام اللي قالة الفني وقال تتغير في الضمان علما بان التيل عندي كان يقعد 40 الف كمان على الاقل لان ارتفاعة كويس جدا جدا
لكن المهندس قاللي لازم تغير التيل عشان اكيد الطنابير طبعت الريجة على التيل وبقي فيه عالي واطي
وتم تغيير التيل على حسابي والطنابير في الضمان علما بان يسعر الطنابير بالتوكيل 1700 جنية بدون ضريبة ومصنعية وبيهم يبقي تمنهم 2000 جنية تقريبا وطبعا دي ميزة الضمان
كانت الملحوظة التانية على تغيير ماء التبريد لان في استيكر واضح على كبوت العربية من الداخل ان سائل تبريد تويوتا لا يتم تغييرة قبل 160الف كم ولكن يتم تزوديدة فقط وطبعا العربية مصممة للخليج يعني جوهم حر اكتر
لكن مهندس التوكيل اقنعني ان يحدث تملح للماء لاختلاف الجو وانهم يخافون على العربية اكثر مني لان لو حصل حاجة للموتور هايغيرو الموتور على حسابهم وبصراحة اقتنعت عشان لون المية كان بدا يتغير فعلا
وبقالها اكتر من سنة ونص بدون تغيير
وطبعا اتبسطت لانه تم تغيير زيت الفتيس والفرامل وليس مجرد تزويدهم وحسيت انه توكيل فاهم شغلة فعلا
بالنسبة للوقت كان ممتاز والمصنعية مش غالية بس قطع الغيار غالية حاجة بسيطة عن برة بس مش مهم طالما بتمتع بالضمان والتجربة النهاردة خير دليل
