ابن نائب القنصل السعودى يقتل مواطناً بسيارته ويهرب إلى بلاده

**abumoaaz** · 28-12-2008 09:42 AM

بصراحه افضل رد شوفته هو رد
د/ احمد
تحياتي لك يا د/احمد وادعو الله لك بالتوفيق والسداد
كما اتمنى من الجميع ان يرتقي بالحوار وبلاش عصبيه دايما نحاول ننظر لأنفسنا قبل ما ننظر للأخرين
مع اعتذاري للجميع وكل عام وانتم بخير بمناسبة العام الهجري الجديد

**M.Mokhtar** · 28-12-2008 01:54 PM

المشاركة الأصلية كتبت بواسطة abumoaaz

بصراحه افضل رد شوفته هو رد
د/ احمد
تحياتي لك يا د/احمد وادعو الله لك بالتوفيق والسداد
كما اتمنى من الجميع ان يرتقي بالحوار وبلاش عصبيه دايما نحاول ننظر لأنفسنا قبل ما ننظر للأخرين
مع اعتذاري للجميع وكل عام وانتم بخير بمناسبة العام الهجري الجديد

يعنى نعمل ايه حضرتك؟
مانقفش فوق الرصيف؟
ولا لما نشوف عربيه هيئة دبلوماسيه نطلع نجرى من قدامها؟؟؟
على فكره انا كنت هتقلب بالعربيه قبل كده على مصر اسكندريه بسبب عربيه بيجو 407 هيئة دبلوماسيه تحب اقولك بتاعت مين؟
والراجل ولا همه بعد ما نزلنى على التراب والطوب والزلط وطلعت تانى باعجوبه على الاسفلت قدامه ووقفت
رجع لورا وطلع جرى تانى ولا اكن فى حاجة حصلت

وقبل كده عربيه ماتركس خبطنى وطلعت تجرى ووقفته فى نص كوبرى الجامعه وقفلت عليه الكوبرى كله ورتب كبيره طلعت جرى على الموقف وقالولى فى ايه
طبعا انا معبرتش حد فيهم وكنت عايز ادخله جوه عربيته واورمله عنيه الاتنين بس هو كان قافل عليه السنتر
وفى الاخر الاقيلك رتبه بتقولى هو خبط وجرى؟ قولتله ااااه
قالى معلش اصله مش من هنا وطلع ان فعلا شخصيه عربيه وليس مصرى

تصدق فعلا لازم احنا اللى نتغير
احنا اللى ناخد حقنا بادينا مش نستنى الحكومه عشان فى الغالب هتهربه وبعد كده تقولك مش هنقدر نعملك حاجة

انت جنسيتك ايه بقى؟ عشان اعرف اقولك كل سنه وانت طيب ولا لأ

**PRO-DRIVE** · 28-12-2008 02:57 PM

حتي المصررين ذات نفسهم مع بعض لما حد بيخبط التاني بيجري

و كان في موضوع في المنتدي و كتير كانو مؤيدين لفكره الجري بعد الخبط !!!
و قصص في المنتدي هنا تشهد

انا مبقولش ان الواد مش غلطان هو غلطان و ستين غلطان لو كان عمل كدا فعلا و يستحق عقوبه

لكن المشكله كلها في التحامل و المزايده علشان جنسيته !!