السقف الأسود والمرور ؟؟؟؟؟

**IAbdou** · 29-12-2008 11:54 AM

يا جماعة أنا عربيتى بيكانتو صفرة وكنت عايز أعمل السقف أسود (أستيكر) فهل فى مشكلة مع المرور ؟؟؟ ولا عادى ؟؟

**ehabbasha30** · 29-12-2008 12:47 PM

طبعا فى مشكلة
بس لو ليك حد كبير فى المرور ممكن تثبت اللون على الرخصة
يعنى يكون لون العربية اصفر و اسود فى الرخصة

**mrghost** · 29-12-2008 12:57 PM

المشاركة الأصلية كتبت بواسطة ehabbasha30

طبعا فى مشكلة
بس لو ليك حد كبير فى المرور ممكن تثبت اللون على الرخصة
يعنى يكون لون العربية اصفر و اسود فى الرخصة

فعلا وفى واحد من المنتدى كاتب موضوع بخصوص الحوار ده وكاتب ازاى ثبتها فى الرخصه وبدون واسطه كمان بس على ما اعتقد لازم ترشه مش استيكر وكمان الكبوت والسقف مش السقف بس والله اعلم

**MoMohsen** · 29-12-2008 01:30 PM

فعلا وفى واحد من المنتدى كاتب موضوع بخصوص الحوار ده وكاتب ازاى ثبتها فى الرخصه وبدون واسطه كمان بس على ما اعتقد لازم ترشه مش استيكر وكمان الكبوت والسقف مش السقف بس والله اعلم

فعلا Bee كان عامل موضوع عن الحوار دة بس لازم فعلا يكون رش مش استيكر

**IAbdou** · 29-12-2008 02:50 PM

طب ممكن الموضوع دة يا جماعة علشان أرجعلة طب لو الأستيكر كان نظيف أوى ألى فلى لمعة يعنى ممكن ميعرفش أنة أستيكر ممكن يمشى

بس انا شايف كذا حد عملها فى عربيات نظيفة بيتلز الجديدة و 318 هل ممكن يكون معاة وسطة زلا عادى فحص وخلاص

**Busquets** · 29-12-2008 03:09 PM

بالمناسبة عايز اسأل لو العربية بينزل منها فئات زى الفابيا

ينفع ادهن السقف ابيض زى اعلى فئه لو انا معايا الفئة الاقل منها؟

**ramylanos** · 30-12-2008 01:42 AM

المشاركة الأصلية كتبت بواسطة Busquets

بالمناسبة عايز اسأل لو العربية بينزل منها فئات زى الفابيا

ينفع ادهن السقف ابيض زى اعلى فئه لو انا معايا الفئة الاقل منها؟

ينفع بس لازم يكون مرشوش مش استيكر
ولو نفترض العربيه لونها احمر والسقف ابيض
بيبقه مكتوب في الرخصه (احمر/ابيض)

**magyver** · 30-12-2008 01:42 AM

والله جرب تعملها استيكر ولو حصل في الامور امور يبقي ربنا يحلها

والمطر يركب الصعب

**wael_adel31** · 30-12-2008 03:41 PM

بص ياباشا لو وقفت فى اى كمين هيسحب الرخص فورا عشان كده لازم توح تثبته على الرخصة .
روح المرور بتاعك فى يوم كده واسأل عن مهندس الفحص وشوف كده ايه نظامه-بتاع فلوس ولا لأ-لأنه هوا اللى بايده كل حاجة وقوله أنا عايز أرخص لونين وعندى سقف بس وشوف ايه نظامه بس نصيحة (( اسأله الأول قبل متدخل العبية المرور ويشوفها لأنهم بيقلقو عشان بيكون عليهم رقابة))).
أنا كنت مرخص عربيتى لونين ( سقف بدون قوائم + كبوت) واتسحبت رخصى فى اسكندرية ملصقات رغم ان معنديش أى استيكرات وكنت مرخص لونين بس قالى ده استيكر ممنوع تمشى بيه ورجعت المرور عشان اجيب الرخص وأعمل فحص وقابلت نفس المهندس ولقيته بيقولى ايه ده شيل كل ده مينفعش اديته 50 جنيه قالى أنا عايز أقولك انهم بطلو يرخصو لونين المهم رجعلى الخمسين جنيه وشيلت كل اللزق وراح كتبلى زال السبب ((( رغم ان العربية لونين فى الورق والحقيقة هيا لون واحد))) المهم خدت الرخص ورحت طالع من المرور على مكتبة ابراهيم وعملت الكبوت تانى عشان لو كان حد وقفنى ولقى الرخصة لونين والعربية لون كانو هيسحبوها تانى.
معليش طولت عليك أنا بقى ريحت دماغى دلوقتى ورشيت كبوت وشنطة واستيكر سقف + قوايم.

**tarek hashem** · 31-12-2008 09:34 AM

انا معايا عربيه احمر فى اسود تيجى نبدل الرخص
بش المشكله انها مش نفس الماركه ولا نفس الموديل ولانفس الحجم والاهم انها مش نفس الارقام ولا نفس ارقام الشاسيه ولا حتى كود الموتور
فكر ورد عليا

الموضوع: السقف الأسود والمرور ؟؟؟؟؟

LinkBack

أدوات الموضوع

عرض

السقف الأسود والمرور ؟؟؟؟؟ - انشر الموضوع فى :

-

-

-

-

المواضيع المتشابهه

الاستيكير الأسود اللي بطول السقف

اية الفرق بين السقف وقشرة السقف

حد ي يفهم في شبكة السقف او شنطة السقف

انا والمرور وهواك

لوجان والمرور

الكلمات الدلالية لهذا الموضوع

المفضلات

المفضلات

ضوابط المشاركة