فيات بونتو تنفعني ؟

**ziohausam** · 29-12-2008 01:19 PM

السلام عليكم

يا شباب أنا اليومين دول بدور على عربية مستعملة أشتريها
الحالة العامة عشان تبقو محيطين بالموضوع

الامكانيات: 35 ألف جنيه حد أقصى..
المشوار: 100 كيلو في اليوم.. 50 رايح 50 جاي على الطريق الصحراوي

الحاجة: عربية العمر زي ما بيقولو.. مش حاجة عشان أبيعها.. لأ دي حاجة هتفضل معايا لحد ماموت أو ربنا ييسر وأجيب حاجة أحسن دي حاجة في علم الغيب

استفسرت كتير.. وكانت البونتو أحد الخيارات

هل البونتو فعلا تنفعني وتمشيلي حالي من غير متندل معايا على الصحراوي وتركنلي على جنب ؟

جزاكم الله خيرا

**zeyad1810** · 29-12-2008 03:59 PM

العربية البونتو لو حالتها حلوة يبقى اتطمن انها هتكون اد المسؤلية يعنى شوف حاجة اسسياتها سليم وموتورها تمام وتوكل على الله
انا عربيتى بسافر بيها على طول وفى اوقات متأخرة والحمد للة عربية يعتمد عليها وقطع غيار معمرة بس اهم حاجة تهتم بالصيانة الدورية بتاعتها زى الزيت والسيور والعفشة والكهرباء علشان تفضل محافظ ع العربية بحالة جيدة

**ziohausam** · 30-12-2008 11:12 AM

المشاركة الأصلية كتبت بواسطة zeyad1810

العربية البونتو لو حالتها حلوة يبقى اتطمن انها هتكون اد المسؤلية يعنى شوف حاجة اسسياتها سليم وموتورها تمام وتوكل على الله
انا عربيتى بسافر بيها على طول وفى اوقات متأخرة والحمد للة عربية يعتمد عليها وقطع غيار معمرة بس اهم حاجة تهتم بالصيانة الدورية بتاعتها زى الزيت والسيور والعفشة والكهرباء علشان تفضل محافظ ع العربية بحالة جيدة

أشكرك يا أستاذي.
طب قوللي.. السعر ده يجيب واحدة حالتها حلوة ؟

**zeyad1810** · 30-12-2008 03:50 PM

السعر دة ان شاء الله يجيبلك حاجة كويسة بس حاول ماتتسرعش يعنى اتفرج على كذا عربية واختار احسنهم ويا ريت تتابع جريدة الوسيط هتلاقى فية حاجات كتير للبيع واشترى من اصحاب العربية بعد ما تكشف عليها وسيبك من المعارض والتجار

**ziohausam** · 30-12-2008 04:41 PM

المشاركة الأصلية كتبت بواسطة zeyad1810

السعر دة ان شاء الله يجيبلك حاجة كويسة بس حاول ماتتسرعش يعنى اتفرج على كذا عربية واختار احسنهم ويا ريت تتابع جريدة الوسيط هتلاقى فية حاجات كتير للبيع واشترى من اصحاب العربية بعد ما تكشف عليها وسيبك من المعارض والتجار

تسلم يا أستاذي.. جزاك الله كل خير

**triton** · 19-02-2009 04:35 PM

ممكن تشوف جولف 2 حمار شغل

**wet7014** · 19-02-2009 06:57 PM

طب ايه رئيك في التمبرا
عربيه موترها كويس وثباتها رائع وحمل بهدله كل يوم
لان مشوارك كبير

**tutankhamoun** · 19-02-2009 07:06 PM

البونتو ممتازة و هاتستحمل بشرط
أنك تشتري سيارة حالتها كويسة ( تكشف عليها في التوكيل أو في مركز النيل الهندسية - التوكيل السابق - )
و بعدين بعد ما تشريها هاتغير الآتي على حسب الحالة :
الزيت
فلتر الزيت
سير التاكيهات
سير الدينامو

و لو حصل نصيب و أشتريت البونتو
أوعى أوعى أوعى ........... تزود مياة و العربية دايرة أو سخنة...... من المحظورات في البونتو ( دائرة التبريد مغلقة و لو خدت هواء ممكن تطير وش السلندر أو على الأقل الجوان )
تزويد المياة و هي باردة فقط لا غير

البونتو عربية ممتازة و أستهلاكها للبنزين رائع .......... بس ما تبخلش في الصيانة الدورية

تبخل في الصيانة الدورية = مصاريف كتير ناتجة عن الإهمال
صيانة دورية بإنتظام = أداء ممتاز و مصاريف أقل على الصيانة عموما

و أنا أرشحهالك بقوة .... أتكل على الله و ربنا يوقعك في حاجة محترمة بإذن الله

السعر دة ان شاء الله يجيبلك حاجة كويسة بس حاول ماتتسرعش يعنى اتفرج على كذا عربية واختار احسنهم ويا ريت تتابع جريدة الوسيط هتلاقى فية حاجات كتير للبيع واشترى من اصحاب العربية بعد ما تكشف عليها وسيبك من المعارض والتجار

كلام ممتاز و معقول جدا و ربنا يباركلك يا أستاذ زياد فيك و في عربيتك

**zeyad1810** · 20-02-2009 01:15 AM

المشاركة الأصلية كتبت بواسطة tutankhamoun

و لو حصل نصيب و أشتريت البونتو
أوعى أوعى أوعى ........... تزود مياة و العربية دايرة أو سخنة...... من المحظورات في البونتو ( دائرة التبريد مغلقة و لو خدت هواء ممكن تطير وش السلندر أو على الأقل الجوان )
تزويد المياة و هي باردة فقط لا غير

كلام ممتاز و معقول جدا و ربنا يباركلك يا أستاذ زياد فيك و في عربيتك

شكرا يا اخى توت على ردك المميز

بس على فكرة انا بحط مية والعربية دايرة بس بتكون لسة باردة ومابتخدش هوا بس زيادة فى الحرص هاعمل زى مابتقول واحطلها وهى باردة ومش دايرة
وللا انت تقصد الموديلات اللى بعد بونتو 1

**tutankhamoun** · 20-02-2009 06:23 AM

المشاركة الأصلية كتبت بواسطة zeyad1810

شكرا يا اخى توت على ردك المميز

بس على فكرة انا بحط مية والعربية دايرة بس بتكون لسة باردة ومابتخدش هوا بس زيادة فى الحرص هاعمل زى مابتقول واحطلها وهى باردة ومش دايرة
وللا انت تقصد الموديلات اللى بعد بونتو 1

في الحقيقة أنا تجربتي مع 3 موديلات من 2002 و نفس الكلام قالوه في التوكيل و من خبراء البونتو و من مالكيها اللي أعرفهم .
الكل أتفق على عدم تزويد المياه أثناء دوران المحرك أبدا أبدا أو و هي سخنة .
و أنا كان لي تجربة مريرة بسبب هذا الموقف .
لذلك أنا بأنصح الراجل علشان لو أشترى أن شاء الله ...لا يقع في نفس المشكلة التي وقعت فيها من قبل .

و ربنا يسترها معاك ... بس أنصحك زود المياة قبل ما تدور العربية الصبح و بصراحة أنا معرفش موديلك نظامه أيه .
و الله الموفق