طلبي لو فى حد فى محافظة القليوبية معاة الجين 2 او البيرسونا و يخدمنى انى اتفرج عليها

**dreamer2009** · 29-12-2008 01:32 PM

يا جماعه بجد الواحد مش عارف يقول اية على اعضاء المنتدى الجامدين اللى بيردوا على كل حاجة الواحد بيفكر فيها :k49:

فعلاً انتم ناس جامدين قوى و دة مش حسد لكن تقدير بمجهودات الجميع و احلى حاجة عجبتني ان اللى بيرد بيرد على الاجزاء اللى عارفها انما اللى مش عارفها فمش بيرد و فعلا دة حاجة جميلة فمن قال لا اعلم فقد افتى

كان الشكر

الطلب الصغير ....

انا فعلاً على البرتون نويت / لكن متحير بين البيرسونا و الجين 2 ال الاثنين احلى من بعض ؟

فكان طلبي لو فى حد فى محافظة القليوبية معاة الجين 2 او البيرسونا و يخدمنى انى اتفرج عليها برحتي من غير قلق المعارض و كلام مندوبي البيع الزيادة عن اللازوم يبقى كتر خيرة ... و فرصة نتعرف على خبرتة و رأية اكتر .

**NaviGator_13** · 29-12-2008 03:06 PM

بص انا مش معايا العربية دى
بس طالما استخدام شاب يعنى ليك
هات الجين 2

**aapaap855** · 29-12-2008 05:43 PM

الشبابي ال Gen 2 طبعا
طبعا

لو عائلية البيرسونا او الواجا

**ahmad alshaaer** · 30-12-2008 02:34 AM

تمام كلام الاخوه وخصوصا الاخ aapaaap
والاستخاره خير من كل ذلك طبعا
وربنا يديلك اللي فيه الخير

**M.Nabil** · 30-12-2008 12:09 PM

افضل رد عالموضوع ده هو رد الاستاذ مزوج

المشاركة الأصلية كتبت بواسطة mazagnge

دة واجب علي ، و احنا كلنا فى الاول و الاخر بنستفيد و بنجمع معلومات من بعض

بالنسبة للاستفسارك :

- لو العربية لك انت + لا تحتاج إلا تحميل حقائب كبيرة + الوالد و الوالدة و العائلة نادراً لما هيركبوا معاك = Gen-2

- لو العربية للوالد + تحتاج مساحة تخزين كبيرة + الحكومة -->أساسي بتركب معاك = Persona

و دى جهه نظر شخصية انت صاحب القرار اولا و اخيرا ، فلازم تكون مقتنع يا مان ---> انا هنام في بيــتنا و انت اللى ها تعيش مع القتيل

بس على فكرة شنطة الجين تو مش صغيرة خالص زي ما ناس كتير فاكرة.
ربنا يوفقك في الاختيار الانسب ان شاء الله.

**mazagnge** · 30-12-2008 11:37 PM

يا حبيبي مفيش مشاكل نسق معي و انا بعدي علي بنها كثير نقعد مع بعض و الفول و الطعمية عليك انا مش طماع .

و زي ما الشباب قالك ، و ما تصدقش كلام الراجل اللي ابو نبيل جيبة .... اخبارك اية يا ابو نبيل يا عم الكل .

**bemocarlo** · 31-12-2008 05:14 AM

عاوز تروح عندنا في بنها؟وكمان تاكل فول وطعميه؟ماشي يا عم مزاجنجي.يبقي عليك وعلي نعنوشه.هتاكل احلي سندوتش طعميه لف في حياتك.ويا ريتني كنت في مصر كانت العزومه علي يا باشا.
bemo,ire

**mazagnge** · 31-12-2008 10:42 AM

يا نهار ابيض هي ايرلندا أحتلت بنهــا
انا أعرف ان البلد محتلة من قوي 048
لكن ايرلندا دي جديدة
يعني الباشمهندس المششار عدلي حسين هيبقي عدلي بيجوفيتش و كفر الجزار هتبقي بوتشرز فيلدج :k49: أاااااااالعب .

و ثانياً يا واد دة احنا لفنا بنها من ايام الكولدج و قعدنا في ارقى مطاعمها من الرشيدي ، اونكل علي بابا ، العبد ، و بتاع الكشري اللى عند الجرائد

و عموماً ما تقلقش العزومة محفوظة ارجع انت مصر و اعزمنى و انا ارجعك تانى يوم ترجع تكون نفسك

**M.Nabil** · 31-12-2008 12:52 PM

المشاركة الأصلية كتبت بواسطة mazagnge

يا حبيبي مفيش مشاكل نسق معي و انا بعدي علي بنها كثير نقعد مع بعض و الفول و الطعمية عليك انا مش طماع .

و زي ما الشباب قالك ، و ما تصدقش كلام الراجل اللي ابو نبيل جيبة .... اخبارك اية يا ابو نبيل يا عم الكل .

يا باشا مينفعش محدش يصدق الراجل اللي انا جايبوه, ده مزوج ..يعني مزاجنجي .. يعني قاموس بروتون.. يعني المعلومة والافادة.. افتح الكبوت واقفله... وسمعني احلي سلام كلاكسات.
ينفع حد يجيب بروتون من غير ما يستشيرك يا باشا بردوا؟
ليك وحشة يا مزوج.

**Bayomy** · 31-12-2008 01:36 PM

اسمع احلى سلام للبنهاويه اللي شكلهم خدوا توكيل بروتون انا شفت على الاقل كده بتاع 7 عربيات جين 2 على العموم لولا ان انا مش في بنها علشان شغلي كنت فرجتك عليها ياخساره انا لسه سايب بنها امبارح باختك يا ابو بخيت الاجازه الجايه بقى كمان شهر وعليك خير

الموضوع: طلبي لو فى حد فى محافظة القليوبية معاة الجين 2 او البيرسونا و يخدمنى انى اتفرج عليها

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عايز اتفرج عليها يا سبيد

لية الفرق بين الجين 2 و البيرسونا

اتفرج على الجين تو

ما الفرق بين الجين 2 و البيرسونا؟

خد جولة داخل الجين 2 و كأنك جواها و اتفرج عليها براحتك

الكلمات الدلالية لهذا الموضوع

المفضلات

المفضلات

ضوابط المشاركة