يظل السؤال قائم
ما هي مصر
إنتمائك الوطني إلى ماذا :
التراب والنيل والمناخ
ولا الشعب
ولا الحكومة
عرض للطباعة
يظل السؤال قائم
ما هي مصر
إنتمائك الوطني إلى ماذا :
التراب والنيل والمناخ
ولا الشعب
ولا الحكومة
مصر هى :
شاى بالحليب على قهوة فى الضاهر هناك
نسمة عصارى السيده ودير الملاك
انا بصراحة ما بأتش عارف مين الصح ومين الغلط
مصر صح ولا غلط ( نسكت ولا ندخل وتبقى مجزرة )
حماس بتضرب فى فتح ومسلمين بيموتوا المسلمين قبل اسرائيل ما تموتهم .
تفتح المعابر حماس تدخل وتدمر فى سيناء
نقفل المعابر نبقى بنحاصر المسلمين
طيب نسيبها متواربه مش عارف
ايران بتضرب فى العراق وقتنة الشيعة والسنه
قطر حامى حمى وراعية الامه العربية وبوابه الحمايه الشرقيه للمسلمين بها قيادة القوات الامريكية
وقناه الجزيرة ما بتعلقش على كده ليه
فلوس القادة العرب اللى بيشتموا مصر كلها فى امريكا وسويسرا
الموضوع مش سهل برضه ( ده الحكم متعب اوى ..كويس ان الواحد ماطلعش مسئول عن بلد )
أنا رأيي إن شعب مصر هوا الي وحش فبالتالي كما قال الإمام الحسن البصري : كما تكونوا يولى عليكم ، فبالتالي الحكومة وحشة
وأنا ليا انتماء واحد لدولة الإسلام وللرسول وللقرآن ، مصر بقى مش مصر كلها مسميات لا تعني شيء
ربنا سبحانه وتعالى بيقول "إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ "
عاوز تعرف مصر دى ايه
انت دلوقتى قاعد بره
مصر دى البلد اللى هتلف وترجع لها
دى البلد الوحيده اللى حاربت اسرائيل وانتصرت عليها
دى البلد الوحيده اللى ملهاش مصلحه ولا عملاء فى فلسطين ورغم كده بتساندهم
دى البلد الوحيده من جيران اسرائيل اللى اسرائيل تخاف تهاجمها
ضربوا سوريا ولبنان
حد فيهم اتحرك
لاء شجب وادانه واستنكار
حسن نصر الله اللى فى حرب مع اسرائيل وصواريخه بتطولها
حتى خايف يهددهم انه هيقف مع جماس
كلهم بيشتموا فى مصر علشان يداروا على خيبتهم وضعفهم وخوفهم
اللى يقولك مصر وحشه علشان ساكته على غزه
اسأله بلدكم عملت لها ايه
حتى الفلسطينى نفسه
رد عليه وقوله طب ليه انتوا ساكتين فى الضفه
هيقولك احنا عملنا مظاهرات
كده عملوا اللى عليهم كفايه
اسأله ازاى بلدكم بعد ما ياسر عرفات حرر جزء ولو صغير فيها انتوا رجعتم وقسمتوها
جزء مع فتح وجزء مع حماس
على فكره مفيش مصرى ولا عربى ولا مسلم الا ومتضايق علشان غزه
بس الحرب مش قرار سهل
وفعلا اللى مصر بتعمله دلوقتى هو الصح
وتحيه للرئيس محمد حسنى مبارك على سياسته اللى بيحافظ علينا وعلى بلدنا
من الاسرائيلين ومن المرتزقه من الفلسطينيين
عاوزين يدخلوا بلدنا
ما هم دخلوا قبل كده لبنان وكانت ايه النتيجه
دخلوا الاردن وكان فيها ايلول الاسود من عمايلهم
اهلا بيهم كضيوف مش محتلين لبلدنا
كمرضى محتاجين العلاج
كمحتاجين للامدادات نقطع من قوتنا ونديهم
لكن سكان فى بلدنا
لاء والف لاء
مصر للمصريين
واللى بيقول غير كده ياخدهم فى بلده ويبقى يستحملهم
الله الله الله على المصريين لما يظهروا حبهم لبلدهم
وغيرتهم الشديده عليهاوانهم ما يقدروش يسمعوا اى كلمه عنها
انا مش قادره اصدق الكلام الجميل ال مكتوب ده كله ومش قادره اوصف لكم فرحتى وسعاتى بالكلام الجامد قوى ده ربنا يبارك فى مصر ويحمى شبابها
سؤالك يا طنطاوى غير مظبوط و غير محدد و الاجابات بالتالى عايمه
و مش عارفه الاتجاه..
لازم تحدد : أى " مصر " تقصد ؟
و الاّ انت لسه مش واخد بالك ان من زمان بقى فيه كذا مصر؟
مصر الحاكم .. و حكومته (الراس )
مصر الشرطه ( البلطجى )
مصر الناس ( خراف المزرعه )
كده يبقى سهل نعرف هو الكلام على ايه
و انت نفسك هتجاوب سؤالك مش تحتاج تسأل حدّ .