يا ترى ايه هو الاسلوب السليم لرفع العربية أو تخزينها ؟؟؟
ما هو الاحتياطات الواجبة اتخاذها عند اعادة استخدام العربية بعد رفعها ؟؟؟
ايه هى الشروط الواجب اخذها في الاعتبار في المكان الذي سيتم رفع العربية به؟؟؟
وشكرا جزيلا
عرض للطباعة
يا ترى ايه هو الاسلوب السليم لرفع العربية أو تخزينها ؟؟؟
ما هو الاحتياطات الواجبة اتخاذها عند اعادة استخدام العربية بعد رفعها ؟؟؟
ايه هى الشروط الواجب اخذها في الاعتبار في المكان الذي سيتم رفع العربية به؟؟؟
وشكرا جزيلا
لازم مكان جيد التهويه و يستحسن يكون بيتفتح كتير علشان الفئران ما تجيش تعشش في العربيه و تاكل الضفيره.
و بتجيب اربع قطع خشبيه و بترفع عليهم العربيه من الاماكن اللي بترفع منها الكوريك التمساحه مثلا علشان ما تاثرش علي الشاسيهات.
و بعدين لو عاوز تخزنها فتره طويله اوي فوق السنتين يبقي تجيب شحم و تحط شحم علي العربيه كلها و من تحت علشان البارومه .
طبعا تشيل البطاريه و انساها خالص مش حتنفع تركب بعد كده مهما حصل.
الكاوتش بتسيبه زي ما هو راكب في العربيه عادي و ما تنزلش منه هوا ولا حاجه.
و انت بتركن العربيه حاول ما يكونش فيها بنزين علشان كده كده البنزين بيتبخر و حتضطر و انت رايح تنزلها انك تاخد بنزين معاك.
أحسن طريقه لتخزين العربيه إنك متخزنهاش
والحل إنك تبيعها وتجيب بقيمتها دهب أو دولارات وتشيلهم ( لتفادى إنخفاض قيمه العمله )
والإحتياطات الواجب إتباعها عند إعاده الإستخدام إنك ترجع الدهب أو الدولارات للعمله المصريه وتشترى عربيه تانيه وإن شاء الله مش حتقل بأى حال من الأحوال عن اللى إنت كنت ناوى ترفعها
وبكده حتكون سيادتك تفاديت كل مشاكل التخزين ورفع السياره بأنواعها التى لا تنتهى
شوف انت بتشيل ال4 فرد وبتلف الطنبير باكياس بلاستك كويس اوي بعد رشها بـ WD-40 مثلاً هي والعربية بالكامل من الاسفل وبتشتري غطاء عربية محترم وتقيل وتجيب كام كرتونة وتحطم على السقم والازاز ظالكبوت والشنطة وياسلام لو جبت حبل ولفيت الجوانب وتغطيهم بالغطا وتربطة كويس. طبعاً هتفضي قبل كل دة الردباتير وزيت الموتور والفرامل وكل الزيوت السوائل القابلة للاشتعال بالاضافة لفك البطارية وترك مليمترات قليلة في الشبابيك للتهوية "طبعاً العربية هتكون متغطية ومش هتبان" وتشوفلك مكان ضلة تركن فية.
ابحث عن المكان المناسب
لاتخزن السيارة في مكان مكشوف أو عام حتى لاتتعرض للعوامل الجوية ، او لعبث العابثين .
إحفظ الاطارات
قم بتعبأة الاطارات الى ضغط 35 وإرفع السيارة على روافع
رفع السيارة يحافظ على الضغط على جهة واحدة من الاطارات وبالتالي ينهي مسألة " تسطح " جهة الإطارات المواجهة للإرض .
تنك البنزين
يتم سحب البنزين من التنك إلى أي جركن أو خلافه بخرطوم طويل يصل إلى عمق التنك ثم أغلق النتك قم بتشغيل السيارة حتى يتم سحب باقي البنزين المتبقي في التنك والخراطيم حتى ينفذ و ينطفئ المحرك .
و ذلك لأن بقاء البنزين لمده طويله داخل التنك يترسب منه رواسب من الشوائب التي تكون عالقه به و بالتالي عند تشغيل السياره لاحقاً ، تختلط تلك الرواسب مع البنزين و تسير في دورة البنزين مما يتسبب في إنسداد أي جزء منها .
الماء
افرغ الرادييتر من الماء ، ويفضل فصل خرطوم الماء السفلي حتى تفرغ المحرك من الماء الموجود بداخله . بقاء الماء سوف يعجل في تكون الصدأ في السيارة .
زيت ناقل السرعة
اذا كانت سيارتك مزودة بناقل سرعة اوتوماتيكي فيفضل تعبئة الناقل ( القير ) بالزيت حتى أقصاه وذلك للمحافظة على " ترطيب " الكلتشات والمحتويات الداخلية .
يعارض هذا الرأي البعض ، فمنهم من يوصي بتفريغ ناقل السرعة من الزيت ، وذلك خوفا من تآكل المكونات الداخلية بفعل الزيت .
زيت المحرك
يفضل تعبئة المحرك حتى أقصى حد بالزيت وذلك للمحافظة على " لزوجة " القطع المتحركة في أعلى المحرك ( مثل العصافير Rockers ولضمان عدم خلو الصبابات Push Rods والتكايات Lifters من الزيت )
وهذه الخطوة مهمة جدا ، عند التشغيل بعد مدة طويلة .
البطارية
تفصل البطارية ، وجميع الاجهزة الكهربائية والاليكترونية المساعدة في السيارة و يتم تفريغها من الماء المقطر وتخزن في مكان جاف ومظلم
منقول لللإفادة
شكرا جزيلا لجميع الردود...
طيب ما هى المدة التي يستوجب تخزين السيارة أو رفعها عند عدم استخدامها خلال هذه المده؟؟؟
لو هتغيب عنها اكثر من 3 شهور يبقى ترفعها قبل ما الكاوتش يبوظ. بس عموماً لو طولت هو الكاوتش كدة كدة المفروض يتغير.
كلام الاخ إسلام شاهين جميل و مضبوط الله ينور علية
و أوكد على ضورة ملء الموتور الزيت تماما قبل التخزين و ليس كما سبق ذكرة من تفريغ الزيت من الموتور لأن الموتور حايقفش من الركنة لو مافيهوش زيت
و ماتنساش بعد التخزين تفضي الزيت منة للمستوى الطبيعي لأنك لو دورتة و هو مليان زيت بالكامل الأويل سيلات حاتضرب و الشنابر كمان حاتجيب زيت بسبب ارتفاع ضغط الزيت بشدة عن المستوى الطبيعي