حقيقة اللانسر؟!!

**mahmoud_mpc** · 29-12-2008 10:50 PM

حقيقة اللانسر؟!

في الحقيقة قرأت موضوعا يحمل نفس الاسم على منتدى خاص بالسيارات , لشخص يبدو أنه يكره اللانسر كراهية العمى ولم يذكر فيها اي خير , وكان ذلك في الوقت الذي كنت بصدد شراء سيارة لانسر 1600 مانيوال
انا عارف طبعا ان كل واحد حر في رأيه , بس دا شرك العربية ومخلاش فيها زرار له لازمة؟
أنا بس حاسس ان المنتدى ده من أفضل المنتديات اللي بتتكلم عن اللانسر بشكل يدل على وجود أهل الخبرة في هذه السيارة وأرجو من المهندس طارق ان يوضح لي أيهما أفضل اختيار لي
1600 مانيوال ولا اتوماتيك؟ واختار انه نوع توكيل , ولا الخليجي ولا الاردني
لأني محتاااااااااااااااااااااا ااااااااااااااااااااااااا ااار
الوكيل = ضمان

الاردني = ارخص سعر
الكويتي = اوبشن أعلى؟؟؟؟؟؟؟؟؟؟!!
وفي ناس تقول ان الموتور واحد في التلاتة كله 106 حصان
وفيه اللي يقول ان الكويتي 122 حصان بتلاتة رشاشات بنزين
وشكرا للجميع في هذا المنتدى

**مصراوي جدا** · 29-12-2008 11:25 PM

اهلا بيك يا استاذ محمود معانا في المنتدى

نبدأ الأول بموضوع الأخ اللي مشرك اللانسر وبيقول (حقيقتها).. طيب سؤال بسيط هو ليه آلاف المصريين اللي اشتروها على مر السنين الطويلة اللي فاتت لم تظهر لهم حقيقة اللانسر حتى الآن .. سؤال بسيط جدا.

بخصوص الفرق بين المانوال والاوتوماتيك في اللانسر 1600 فطبعا الموضوع يرجع لحضرتك بتفضل ايه في السواقة انا اقترح ان الانسب لشوارع القاهرة اللي اصبحت جراج كبير هو الاوتوماتيك علشان المشي والوقوف المتكرر جدا جدا وخاصة ان المحرك 1600 فهو قوي سواء مع المانوال او الاوتوماتيك بخلاف المحرك 1300.

اما عن فرق المحركات فاللانسر 1600 فقط هي اللي فيها فرق محرك بين المصري والاردني من جهة (مواصفات شرق اوسط) وبين الخليجي من جهة اخرى. مواصفات المصري والاردني محرك 106 حصان صافي (حوالي 115 حصان اجمالي ) بتحتاج بنزين 90 او أعلى
اما الخليجي محرك 122 حصان اجمالي تحتاج بنزين 95 حسب تعليمات شركة ميتسوبيشي (وماشية كويس ببنزين 92 حسب تجربة الكثير من اصحابها من اعضاء المنتدى هنا لكن مع بنزين 95 تعمل بكامل طاقتها)

برضه حضرتك جبت الفروقات باختصار
المصري ضمان ميتسوبيشي 3 سنوات او 100ألف كيلو
الأردني ارخص واقلهم كماليات
الخليجي وخاصة الكويتي اكثرهم كماليات
فيه خليجي بضمان زي الاماراتي بضمان الرواس 3سنوات او 60 ألف كيلو وفيه ضمان سنة وفيه سنتين على ما اعتقد (ضمان المستورد)

وبالطبع كل ما حضرتك قريت اكثر في المنتدى هتلاقي معلومات كتير جدا مفيدة وكمان خاصية البحث في المنتدى ممكن توصلك لأدق التفاصيل لأي معلومة

وبالتوفيق باذن الله

**د./اليشع ثابت** · 30-12-2008 12:37 AM

شكراااااااااا لذوقك يا م./ طارق باشا وعلى متابعتك الى اقل ما توصف به انها محترمة و حملت نفسك الكثير لاجل فائدة الكل
جازاك الله كل الخير ووفقك دائما و اعطاك الله الصحة و العافية
وتقبل ارق تحياتى لشخصك الكريم و كل سنة و سيادتك و الجميع بالف صحة و سعادة

**mahmoud_mpc** · 30-12-2008 08:34 PM

ودا اللينك اللي انا نقلت منه الموضوع
http://www.masrmotors.com/vb/showthread.php?t=2687

**مصراوي جدا** · 31-12-2008 01:48 PM

المشاركة الأصلية كتبت بواسطة mahmoud_mpc

بس عندي سؤال في كلام حضرتك يعني ايه قوة الموتور 106 وباجمالي 115 حصان؟؟؟؟؟؟
وشكرا كمان مرة

شركة ميتسوبيشي عملت كتالوجات الخليجي مذكور فيها ان العربية اللانسر 1600 القدرة الحصانية مكتوب قدامها SAE GROSS والرقم 122 حصان والكتالوج المصري القدرة الحصانية EEC NET والرقم 106

SAE GROSS هي قوة المحرك الاجمالية بدون احمال عليه (كأنه يعمل لوحده)

EEC NET هي قوة المحرك الصافية الفعلية مع احماله على العربية

فمثلا محرك الباجيرو المصري هو نفسه الخليجي وفي كتالوج المصري المحرك 250 حصان EEC NET وفي كتالوج الخليجي 270 حصان SAE GROSS