الموضوع: ردا على نصر الله

المشاركة الأصلية كتبت بواسطة Hossam_Hassan

رأيى المتواضع

لو عاوزين نعرف ايه الموقف الصح من الموقف الغلط، نسأل نفسنا، لو كان قائدنا الأول و الأعظم، سيدنا و سيد الخلق محمد صلى الله عليه و سلم هو صاحب القرار، كان قراره هيبقى ايه؟

الرد معروف و موجود فى القرأن و السنة


كلمة أخيرة

اللى مش عاوز يحارب علشان عواقب الحرب، ياريت يعرفنا ازاى هيمنع عن نفسه المرض او الموت؟

يا اخ حسام , مين قال ان محدش عاوز يحارب , و مين قال ان مصر و المصريين لا يتألمو من الوضع القائم , مين لا يتمنى الجهاد فى سبيل الله و مين لا يتمنى انة يشارك فى تحرير القدس من هؤلاء المجرمين , و مين لا يتمنى انة يحج الى بيت المقدس و هو فى ايدى المسلمين .

لكن المعركة الان ليست جهاد للاسف , المعركة الان فى غزة و غيرها على المناصب و على اموال المعونات , لذلك لن ينصرالله حماس او من هم على نهجها ابدا ,
لما يتوحد المسلمين فى العالم كلة فى صف واحد فى وجهة المعتدى و المحتل , و قتها بس ممكن نشارك .

احنا فى زمن الفتن يا اخ حسام و لا يمكن مقارنة هذا الزمن بزمن رسول الله , و الرسول نفسة حزرنا من هذة الازمنة و دلنا ازى نتصرف اذا حضرنا هذة الازمنة , يبقى من الحكمة التعامل من الامور بعقلانية .

المشاركة الأصلية كتبت بواسطة Hossam_Hassan

رأيى المتواضع

لو عاوزين نعرف ايه الموقف الصح من الموقف الغلط، نسأل نفسنا، لو كان قائدنا الأول و الأعظم، سيدنا و سيد الخلق محمد صلى الله عليه و سلم هو صاحب القرار، كان قراره هيبقى ايه؟

الرد معروف و موجود فى القرأن و السنة


كلمة أخيرة

اللى مش عاوز يحارب علشان عواقب الحرب، ياريت يعرفنا ازاى هيمنع عن نفسه المرض او الموت؟

لو كان قائدنا الأول و الأعظم، سيدنا و سيد الخلق محمد صلى الله عليه و سلم لما وجدت حماس و لا حزب الله ولا إيران ولا الأخوان المسلمين و لا...............
و لكان المسلمين جماعة واحدة و لا يورطها المتهورون فى حروب غير مستعدين لها و يموت الأبرياء بينما هم لا يصابوا بأى أذى.

المشاركة الأصلية كتبت بواسطة Tyler_Durden

احنا مع الحرب اذا كانت لتحرير ارض مصر..
اما ان يطلب منا الاخرون الحرب و هم يتفرجون ..فاحنا مش شعب رخيص..
مصر اكتر دولة حاربت في المنطقة و ربنا نصرنا و حررنا ارضنا..
مصر اكتر دولة قدمت شهداء ..ماذا قدمت قطر و اخواتها من منتقدي مصر و الي بيصفونا بالخيانة

الله يسلمك و يبارك فى صحتك و عمرك هو ده الكلام الموزون الصحيح .
و بعدين هما الفلسطينين البوصلة اللى فى راسهم مظبوطة على اتجاه مصر و رفح بس ؟؟ ما يروحوا الناحية التانية من غزة ناحية اسرائيل !!! احنا موقفنا كده مظبوط :دخول حجاج ماشى دخول مرضى و مصابين ماشى دخول معونات و امدادات طبية ماشى انما دخول هربانين مش عايزين يدافعوا عن ارضهم و لو بالطوب بصراحة لا و الله يرحم ايام ما القذافى طلع كل الفلسطينين بره ليبيا و نيمهم فى خيام على الحدود ، كان حد من العرب اتكلم و لا فتح بقه ؟؟ ما فيش طبعا
و كفاية اللى حصل بعد انقلاب 23 يوليو من عبد الناصر من ارسال الجيش المصرى لكل حته و ادينا بندفع الثمن لغاية دلوقتى

حسن نصر الله في حربه ضد اسرائيل كان بطل وعمل اللي دول كبيرة مقدرتش تعمله ووراهم العين الحمرة بجد
لكن انه يتهم مصر بالخيانة دي حاجة تاني مش لازم نسكت عليها ولازم ندافع عن بلدنا

اما دخول مصر الحرب ضد اسرائيل فياريت ده يحصل لكن ما تبقاش لوحدها لازم كل العرب يكونوا معاها
او على الاقل الدول العربية القريبة من اسرائيل والخليج العربي وايران
لكن عشان يطالبوا مصر بالحرب لصالح فلسطين ودولة زي قطر عندها قاعدة امريكي في ارضها ما ينفعش
ولا دولة خليجية تصدر بترولها لامريكا مينفعش
ولا دولة تقعد تتفرج على حرب مصر مع اسرائيل على الفضائيات ومتشاركش بأي حاجة مينفعش
يعني من الاخر يا اما تتحدوا وتقوموا بحرب واحدة ضد اسرائيل يا تسكتوا خالص وبلاش تعلقوا على الاخطاء والمصائب على الشماعة المصرية