سؤال لأصحاب السيراتو : هل السيراتو بتفك من بعضها وتصدر أصوات بعد فترة وجيزة ؟؟

**Abouzaid2008** · 30-12-2008 09:39 AM

أنا نويت علي السيراتو بس كان عندي هاجس محيرني و ياريت أصحاب السيراتو يردو علية لأني بكرهه جدا العربية اللي تطلع منها أصوات خلوعة وجرجعه من العافشة .....فهل السيراتو سيارة متماسكة ولا بعد فترة وجيزة تبدء في أصدار أصوات و كأن كل حته فيها في ناحية ؟؟؟؟؟

وشكرا مقدما علي مساعدتكم

**princemady** · 30-12-2008 04:34 PM

العربية معايا بقاله شهرين ونص عملت بيها حوالى 4000 كم ولحد دلوقتى سلوك العفشة متميز ومفيش أى أصوات بتحصل أثناء مرورى فى شوارع الإسكندرية المليئة بالمطبات والحفر والبلاعات البارزة أو المنخفضة .. العربية تحس انها حتة واحدة أثناء نزولها المطب من غير ما تكون ناشفة.. تقييمها لحد دلوقتى جيد جداً

**Abouzaid2008** · 30-12-2008 10:39 PM

شكرا جزيلا علي ردك وأهتمامك .. أنا هشتريها من اسكندرية برضة بتنصحني بمكان معين أشتريها منه .. انا ناوي علي الأتوماتيك إن شاء الله

**princemady** · 31-12-2008 01:11 PM

أنا عن نفسى اشتريتها من التوكيل نفسه من المعرض بتاع جليم اللى على الترام وفيه معرض ليهم كبير أوى فى داون تاون .. الميزة اللى عندهم إنهم مابيجبروكش على التأمين والتقسيط عندهم بعيد عن الاجراءات البنكية بس الفايدة عندهم 12% سنوياً وأقصى مدة للقسط 18 شهر ولازم مرتبك يكون مغطى القسط
إنما لو معاك كاش أنصحك بالطارق اللى فى كارفور حتلاقى عنده أرخص سعر فى اسكندرية بس فاصل معاهم .. العيب فى الطارق فى التقسيط إنك لازم تأمن ب2.5% من ثمن العربية سنوياً طول مدة القسط دا غير إنك بتقسط عن طريق البنك وانا كنت معترض على الحكاية دى .. بس أنصحك تتريث اليومين دول فى الشرا لحد ما السوق يستقر ومعلومة التخفيضات الجمركية تتأكد إذا كانت إشاعة ولا بجد وبالتوفيق إن شاء الله