المشاركة الأصلية كتبت بواسطة Abdelrahman
يا جماعه أرجوكم بلاش تعصب...مين قال بس ان حسن نصر الله وصف مصر او الشعب المصري او حتى الحكومه المصريه بالخاينه والعميله...اتقوا الله عباد الله
انا سمعت حديثه كاملا
الراجل ولا بيطلب من مصر تحارب ولا أي حاجه
الراجل مستغرب زي ما كتير جدا مستغربين من اغلاق معبر رفح؟؟؟؟!!!!انت كحكومه مصريه خايف على بلدك وحدودك وامنك واستقرارك ....ماشي ده كلام زي الفل
افتح الحدود في اتجاه واحد ...اتجاه من مصر لفلسطين
وياسيدي إلي يفكر يدخل من فلسطين لمصر ابقى اقطع رجليه
بس على الاقل اسمح بدخول المال والغذاء والدواء وكل اشكال المساعدات
مش بس دلوقتي بعد ما الدنيا ولعت
لا ...كان من الاول
يا جماعه للاسف الشديد مصر متمثلة في الحكومه ..هيا الي بتجيب الكلام لينا
لا احد يستطيع ان ينكر على مصر او المصريين الشرف والكرامه والتضحيه
....للاسف احنا إلي بنجيب لنفسنا الشبهات...مع العلم اننا اذكى وأطيب وأشرف شعب ولله الحمد
يعني ايه لما يظهر أحمد ابو الغيط حاضن إيد ليفني؟؟؟
يعني ايه لا يصدر رد قوي ومباشر بعد خطبة نصر الله ويكون ردا واضحا وصريح؟؟؟؟؟
يعني ايه لما المعبر مقفول بقاله شهور ولا يسمح بفتحه ؟؟؟وهو معبر مصري تحت السياده المصريه؟؟؟؟؟
طيب ...هانقول حماس عميله لايران ...ودي مصالح لدول معينه ...وحماس السبب في انتشار الايدز في قارة افريقيا...
طيب ذنب ايه مليون ونصف المليون مواطن في غزه؟؟؟؟
كلهم حماس؟؟؟؟؟كلهم يشيلوا الذنب؟؟؟؟
بالله عليكم مين بيقدر يغير حكومته او قادته؟؟؟؟
حط نفسك مكان سكان غزه...فجأه لقيت حزب او ميليشيا او سميها زي ما تسميها ...صيطرت على بلدك
وبناء عليه العالم كله بقه ضدك
انت كمواطن غزاوي...بالله عليك تعمل ايه...ذنبك ايه
تقدر تعمل حاجه؟؟؟؟؟؟
اتقوا الله عباد الله
تحروا القول ....وبلاش التعصب الاعمى