واحد ... اتنين ... الجيش العربى فين ...؟

**kh_talaat** · 30-12-2008 03:46 PM

في بيان عنيف وصادم للرأي العام.. جبهة علماء الأزهر ترفض إطلاق وصف "شهيد" على الضابط المصري ضحية الحدود

http://www.almesryoon.com/ShowDetail...D=58123&Page=6

**wesam_salom** · 30-12-2008 03:53 PM

المشاركة الأصلية كتبت بواسطة kh_talaat

في بيان عنيف وصادم للرأي العام.. جبهة علماء الأزهر ترفض إطلاق وصف "شهيد" على الضابط المصري ضحية الحدود

http://www.almesryoon.com/ShowDetail...D=58123&Page=6

الخبر ده لو صحيح

ممكن يقلب الدنيا

ربنا يستر علينا

اللهم قنا شر الفتن

الواحد مش عارف يسمع كلام مين

**king_de_egypt** · 30-12-2008 04:02 PM

[SIZE="6"]

المشاركة الأصلية كتبت بواسطة MiMo

واحدأتنين الجيش العربي فين

الجيش العربى فين؟؟ الجيش العربى فين؟؟

الجيش العربى في مصر

ساكن فى مدينة نصر
يصحىمن النوم العصر
وبيفطرشاي و منين:k52:

واحدأتنين الجيش العربي فين
الجيش العربي في سوريا
حالق ع الموضة كابوريا

وعلي طريقة فيكتوريا
خلى التروماي بدورين

واحدأتنين الجيش العربي فين
الجيش العربي الليبي
زي الفن التكعيبي
كله بتنجان ياحبيبي

والظاهرواخد عين

واحدأتنين الجيش العربي فين
الجيش العربي خليجى
لافي حيل لا يروح ولا ييجي
هذا صمت إستراتيجى
إيش فيك يا غراب البين

واحدأتنين الجيش العربي فين
الجيش العربى فى تونس
أخضرمثل البقدونس
وعزيزه بتعشق يونس

تبقى الحروبات بعدين

واحدأتنين الجيش العربي فين
الجيش العربى سودانى
سامع خطوته بودانى
هوه أنا ههجم فردانى
يلا أرجع يا أبو حسين

واحدأتنين الجيش العربي فين
الجيش العربى أتهان
يوم ماأنضربوا الأفغان
وسكت فى البوسنه زمان
وقبل يأكل بالدين
واحدأتنين الجيش العربي فين

معلش انا عاوز بس اعلق على حاجه
الناس كلها عماله تقتحم سفارات مصر فى الدول العربيه
طب ليه ؟؟؟؟؟؟؟؟؟؟؟؟؟
عاوزنا نحارب مش هنحاااااااارب ليه !!! عشااان احنا مش عاوزين نرجع تانى نبقى زى 1967 النكسه و زى 73 افتكرو كدا بحر البقر ؟؟؟ عاوزنها تتكرر تانى فى مصر !!!!!
وله عشان شعب فلسطين ناكر الجميل يرتاح و نصر الله اللى عمال يلوش فى الدنيا كلها يرتاح و ايران ترتاح مصر تنضرب من اسرائيل
انا عن نفسى شاب عندى 21 سنه و مش فى دماغى احارب عشان فلسطين
انا احارب عن بلدى ضد اى ك ل ب من العرب لانهم ناكرين الجميل
و الرئيس حسنى مبارك فعلا بيعمل الصح و هو فاتح المعابر بس مفيش سلطه فى الجانب الفلسطينى عشان ننصق معاها عشان يفتحو هما كمان المعبر
المعبر دا مش من ناحيه مصر بس لا دا من ناحيه مصر و فلسطين يعنى لازم يبقى فى تنسيق بينهم و بين بعض
وفى الاخر عاوز اقول اللهم احرق بنى اسرائيل دا ...................
ونسيت اقول حاجه حماس من الاخوان المسلمين و هنا فى مصر الاخوان المسلمين زيطيين فيها جاامد اووى و حاسس انهم عاوزين يعملو انقلاب وعشان محدش يقول حاجه انا مسلم و مش عاجبنى اللى الاخوات المسلمين بيعملوه عاوزين اى حاجه تحصل عشان يوصلو للسلطه و دا بعدهم و عمرو ما هيحصل لان شعب مصر واعى و فاهم اللى بيحصل كويس
و افتكرو حرب 48 اللى وقفنا فيها للفلسطنيين و ماتو الف و الف والف المصريين
وافتكرو حرب اليمن اللى مات فيها من المصرييين الاف و الاف
وافتكرو حرب العراق اللى وقفنا فيها مع الكويت ومات فيها الاف والاف المصريين و دلوقتى الكويت و فلسطين و اليمن و عمان و الاردن كل دول مش طيقين مصر وعاوزنها تلبس فى اى حاجه من اى حرب
طب ما سوريا تروح تحارب ما اسرائيل واخده منها قطعه ارض ؟؟؟؟ الجولان !!!!! و تثق معاها ايران و حزب الله

**waled369** · 30-12-2008 04:07 PM

المشاركة الأصلية كتبت بواسطة EZABY

الجيش المصري حضرتك واقف على حدود مصر
عشان يحمي ولاد مصر
وأرض مصر
واحب افكرك ان رائد في جيش مصر
استشهد على تراب مصر
برصاصتين من كلاب فلسطينيه حمساويه

أنا معاك قلبا و قالبا

و يا ريت اللي بيقول الجيش المصري يحارب يفكر ألف مرة قبل ما يقولها و ابقوا شوفوا تعليقات القيادات العربية الحقيرة قبل ما ننجرف وراها و بخاصة الحقير ( حسن نصر الله ) لعنة الله عليه و على أمثاله .

**A.Saad** · 30-12-2008 04:25 PM

واحد اتنين
الجيش الايرانى فين
قاعد يجعجع

واحد اتنين اغنياء فلسطين فين
فى الدول العربية مهاجرين
من سنين
ومعاهم ملايين
ما شفناش منهم
نص شاحنة اغذية وبطاطين

**zeyad1810** · 30-12-2008 04:30 PM

يعنى دلوقت كل الدول العربية عمالة تعمل مظاهرات قدام سفارات مصر ويقتحموها ويكسروها زى ما حصل انهاردة فى اليمن ومن يومين فى لبنان والاردن ومش قادرين يعملوا حاجة قدام اللى بيقتلوا الفلسطنين زى سفارة اسرائيل او امريكا هما بيعملوا رجالة علينا احنا بس
انا جواية غضب من اللى بيحصل لاخواننا فى فلسطين وبدعلهم ربنا ينصرهم ونفسى بلدنا تعمل حاجة زى قطع الغاز وطرد السفير اليهودى وتسمح بدخول الاطفال والنساء لحمايتهم من الوحشية اليهودية دى و اهو حاجة تعبر عن غضبنا وخلاص اما بالنسبة لحكومة حماس فهى واجب عليها نها تحارب وتدافع عن ارضها بكل ماتملك ان شالله بالسكاكين والحجارة
ماحنا ياما شعبنا حارب وللا انتوا نسيتوا شعب بورسعيد اللى دافع عن بلدة ضد العدوان الثلاثى على مصر وما رديش يهرب ويسيب المدينة للعدوان
والله احنا كمصرين عندنا خير اجناد الارض ودة من حديث عن الرسول وطبعا دى شهادة ماحدش يقدر يتكلم عليها حتى لو شبابنا دلوقت مهيسين وضايعين فى شرب الشيشة والقعدة ع القهاوى والنت بس اعتقد وقت الحرب مش هنفضل كدة دة ربنا كرمنا وذكرنا فى القرآن والرسول قال علينا خير اجناد الارض

بالنسبة للدول العربية اللى عمالة تتكلم وخلاص طب مايعملوا جيش عربى مشترك ويدافعوا بية عن فلسطين ما يطلبوش من مصر انها تحارب لوحدها وهما عايشين فى نعيم

**AboMaro** · 30-12-2008 04:35 PM

المشاركة الأصلية كتبت بواسطة kh_talaat

في بيان عنيف وصادم للرأي العام.. جبهة علماء الأزهر ترفض إطلاق وصف "شهيد" على الضابط المصري ضحية الحدود

http://www.almesryoon.com/ShowDetail...D=58123&Page=6

دي تبقى كارثه او يبقوا اصلا مش علماء و مش هقول يبقوا ايه لحد ما نتأكد من الخبربلاش نظلم حد

**TeXo** · 30-12-2008 05:50 PM

انا حاسس ان حكاية البيان اللي بيقول علي الجندي المصري اللي استشهد ده مش شهيد كلها هدفها توليع القضيه مش اكتر , الله اعلم مين الجهه الاصليه اللي مطلعاه و بتحاول تنتحل شخصية الأزهر

الجندي ده إن شاء الله شهيد , ربنا يصبر أهله يا رب

**elassar2010** · 30-12-2008 06:02 PM

المشاركة الأصلية كتبت بواسطة TeXo

انا حاسس ان حكاية البيان اللي بيقول علي الجندي المصري اللي استشهد ده مش شهيد كلها هدفها توليع القضيه مش اكتر , الله اعلم مين الجهه الاصليه اللي مطلعاه و بتحاول تنتحل شخصية الأزهر

الجندي ده إن شاء الله شهيد , ربنا يصبر أهله يا رب

اكيد شهيد لانة كان بيدافع عن بلدة
وبعدين لازم هيطلع ناس المفروض انها تكون تعرف ربنا ويقولوا مصر كفرة وخونة وهيحللوة ان الفلسطنين يدجلوا مصر بالقوة
لانهم اكيد هيقبضوا من ايران

الموضوع: واحد ... اتنين ... الجيش العربى فين ...؟

LinkBack

أدوات الموضوع

عرض

-

-

-

-

-

المواضيع المتشابهه

فرصه اتنين بتمن واحد ساعه وموبايل

واحد اتنين ممدوح وطارق فين ؟

بوجيه واحد شمعة ولا اتنين

فيديو : مش حادثه واحد ولا اتنين ولا تلاته لا عد انت d:

الكلمات الدلالية لهذا الموضوع

المفضلات

المفضلات

ضوابط المشاركة