يا جماعة أنا معايا لانسر 2007 أوتوماتك بقالها بالظبط 50 يوم معايا وعامل بيها 11000 كيلو:)
المهم أنا مش من النوع اللي بيحب يجري ويلعب بالعربية بس في نفس الوقت أنا لسه شاب وأحيانا واحد بيبقى غصب عنه لازام يشد وكده.المهم كلنا عارفين طبعا أن الانسر بالذات بطيئة عن أي عربية في فئتها بسبب موضوع ال CVT اللي في الفتيس الاوتوماتك.هي العربية بطيئه نوعا ما في التسارع في البداية.من صفر لحد 80 تقريبا وبعد كده بسم الله مشاء الله بتبقى تحفة.
المهم كنت في الحرفيين بنعمل شغل لعربية خالي(باجيرو) والواد الميكانيكي هناك قالي أخبار سحب العربية معاك ايه؟؟قولتله الحمد لله وكده.قالي بتكركر في الطلعات وكده ولما تحت بنزين 90 ؟؟قولته كلامك نوعا ما صح.قالي طيب تحب أخليهالك تشد وتطلع طلعات عمرك مشوفتها وتنسى موضوع الكركرة ده وكمان تحت بنزين 90 براحتك؟؟؟؟!!!!
طبعا أنا استغربت بس افتكرت اني سمع قبل كده موضوع هنا عن تعديل بيتعمل للعربيات الخليجي عشان موضوع البنزين ده.المهم قولتله ازاي؟؟قالي تعديل بسيط جدا في الشكمان.قولت ازاي برده.قالي في علبة في الشكمان مش فاكر بصراحة اسمها ايه بتبقى موجودة في العربيات ده بالذات الخليجي بتبقى مسؤوله عن العادم وفلترته عشان البيئه والحوارات ده.قالي احنا هنفكها وننضفها علشان بيبقى فيها كربون وقطن ومواد زي كده.المهم كان معايا خالي وبابا ساعتها(خالي ده شغال في الامارات مسؤل عن مشروع توفير الطاقة للامارات كلها ومن ضمن شغلهم الحفاظ على البيئه)المهم قالي ساعتها كلامو مظبوط علشان الامارات من البلاد اللى بتحافظ على البيئه جدا وبيشترطه في العربيات انها تكون بتطلع نسبة عادم معينة فبيعمله حاجة زي العلبة اللى المكانيكي قال عليها كده علشان تقلل نسبة العادم بشكل فظيع.وقالي ان العلبة ده بتخنق الماتور جدا وبتقلل من كفائة العربية جدا جدا وبتسخن الماتور وبتزود استهلاك البنزين لأنك بتدوس جامد علشان تاخد الكفائى اللي انت عاوزها.المهم قولتله اتكل على الله واشتغل وفعلا بعد ما خلص سحب العربية بقى خرافي جدااااااااااااااااااااااا ا.
بجد أنا مش مصدق الفرق ده علشان كده أنا عاوز أي حد يكون معاه نفس العربية ويجرب عربيتي وأنا أجرب عربيته تاني ولو ممكن نشد مع بعض علشان نشوف الفرق.
أنا مستعد يجماعة للتجربة وأي حد محتاج يجرب يقولي وأنا تحت أمركم.
على فكرة صوت الماتور هدي جداااااااااااااااااااا بعد الحركة ده.وكمان كانت العربية بتبقى على RPM 3000 على سرعة 122 تقريبا دلوقتي بقت بتوصل لي 130 ويكون RPM على 3000.