تجربتي لتزويد أداء وسحب السيارة

**محمد المصرى** · 12-08-2007 03:48 PM

لو سمحت ممكن عنوان الميكانيكى ده
وهل هو متخصص لانسر بس ولا ممكن يعمل الحركة ده فى اى عربية

**elpasha009** · 12-08-2007 04:36 PM

في أي عربية فيها العلبة بتاعت البيئه ده.
وعلى فكرة مش لازم مكانيكي.انت لو رحت لأي واحد بتاع شكمانات يبقى أحسن لأن الموضوع كله في الشكمان بس وملوش أي علاقة بالمكنه خالص.

**Ahmed Hassan** · 12-08-2007 10:08 PM

انا قابلت واحد في التوكيل معاه عربيه زي عربيتي بس موديل 2005.. و قالي ان ازاله العلبه دي عندي يزود 12 حصان.بس انا رأيي كده ممكن لمبه "check engine تنور او اي حساس تاني في الشكمان يبوظ.

**Dr Ahmed** · 12-08-2007 11:45 PM

طيب لو فضاها من اللى فيها وجربتها وماعجبتنيش هل ممكن يرجعها زى ما كانت؟؟

وانتم حيرتونى فى نقطة: صوت موتور العربية هيعلى وللا هيوطى؟؟؟

**جندى مجند** · 13-08-2007 01:12 AM

الحركة دى مش بتنفع فى كل العربيات لأن فى حاجة اسمها حساس الأكسجين O2 Sensor بيقيس نسبة الأكسجين فى العادم عشان يعرف الاحتراق كان كامل أم لا و بالتالى يقدر يضبط نسبة خليط الهواء و الوقود اللى داخلين الرشاشات ... الحساس دة فى بعض العربيات بيبقى موجود بعد المحول الحفاز (علبة البيئة) و فى بعضها الآخر قبل المحول الحفاز ... فى الحالة الأولى (الحساس بعد المحول) لو لغيت المحول الحفاز السنسور حيقرأ قيم غلط و حيبوظ خليط الوقود و حتلاقى لمبة Check Engine نورت و السيارة تخرج برة الضمان ... فى الحالة التانية (و يبدو من الكلام ان هى دى الحالة فى اللانسر) مش حتبقى مشكلة غالباً و الله أعلم ...

**elpasha009** · 13-08-2007 04:15 AM

لا يا دكتور أحمد مش ممكن ترجع زي ما كانت.الحل انك تشتري العلبة من التوكيل وتركبها.
صوت الماتور عندي بقى هادي جدا.أو بمعني أصح مبقاش مكتوم.

**محمدايهاب** · 13-08-2007 04:31 AM

جماعة أنا معايا لانسر 2007 أوتوماتك بقالها بالظبط 50 يوم معايا وعامل بيها 11000 كيلو

11000 في خمسين يوم مش ملاحظ أن ده كتير شوية انت بتبات في العربية و لا أيه :mrgreen:

**elpasha009** · 13-08-2007 05:09 AM

:D:D:D:D
والله العظيم يا باشا بعد بكره هكون كملت شهرين بالظبط وهكون عملت 12000 انشاء الله:)
اصل أنا أصلا ساكن في طنطا وشغلي في القاهرة وكمان أنا تحركاتي كلها على الدائري.تخيل ياباشا ان المسافة من المعادي لأول الطريق الزراعي بالظبط 50 كيلو والمسافة من أول الزراعي لحد بيتنا في طنطا 78 كيلو بالظبط:)يعني أكتر من نص المسافة
نسيت أقولك كمان ان أنا برجع طنطا كل 10 أيام مرة واحد بس.بس تقريبا بمشي على الدائري يوميا من 100 لي 150 ده غير المشاوير الداخليه.

**عمرو عبيد** · 13-08-2007 02:46 PM

انا يا جماعة مش فاهم يعنى بعد فك العلبة دى او تنظيفها ممكن استخدم بنزين 90 او 92 بدلا من 95

**mohamed551** · 14-08-2007 05:36 PM

الميكانيكى ليس عبقريا يا صديقى بل هو حرامى علبة البيئة وما بها من فحم من نوع خاص جداااا ثمنها مئتان وخمسون جنية وبتوع الشكمانات عارفين كدة كويس جداا وانا شخصيا بعت علبة البيئة بنفس المبلغ من ستة شهور لان انا لى صديق عندة ورشة شكمانات وانا طبعا متاكد انك ما تعرفش قيمتها او قيمة الفحم الموجود بداخلها وطبعا نظفها واداك العلبة الفاضية عموما فعلا العلبة بتخنق العربية لكن الضمير انعدم سرق الفحم واكيييد اخد منك مبلغ اضافى غير ثمن العلبة والف مبروك ع العربية وربنا يكفيك شرها ويديك خيرها وكل سنة وانت طيب