مين الى جاب سرعة اعلى من 170 كيلو متر؟؟؟؟؟؟؟؟

**mahmoud_magdy** · 06-01-2009 02:28 AM

اول مره اسوق فيها عربيه لما بقيت متمكن
جبت بيها 100 ومكنتش حاسس خالص
والحمد لله اني معيش عربيه اصلا في الوقت الحالي
(استاذ ممدوح) قطعت قلبي :(

**MaZaGAngeE** · 06-01-2009 02:48 AM

على فكرة السرعة العالية مش هيه السبب الأول للحوادث على الطريق ,
المهم إنت سرعة رد فعلك على أي حاجة بتحصل على الطريق قد ايه ؟
مهم جدا و انت بتجري انك تكون ماسك الدركسيون كويس و مركز جدا في الطريق و شايف قدام عربيتك ب 3 عربيات على الأقل و كمان شايف وراك و مخلي بالك من جوانب الطريق عشان أي واحد مجنون ممكن تضرب في دماغه يعدي و مستني لما انت تيجي مخصوص عشان يعدي من قدامك

السرعة دي مش مناسبة لكل الناس فيه ناس بتسوق عشان تروح من مكان لمكان و بتتعب جدا و تلاقيهم مشدودين جدا بعد المشوار بتاعهم حتى لو كان 10 أو 15 كيلو بس
و فيه ناس تانية كتيرة متعتهم في السواقة و معندوش مشكلة أنه يسوق مسافات طويلة و مدد كبيرة
و همه دول الناس اللي تلاقيهم بيجروا جامد , و مش كل واحد بيجري يبقى هيعمل حادثة

**AMRWASFY** · 06-01-2009 03:18 AM

انا جبت 230 برينو ميجان 2007 علي طريق العين السخنه بس علي فكره من بعد ال 180 لحد ال 220 تحس انها سرعه واحده ومن 140ل 170 بردو تحس انها سرعه واحده

**ayman_elkholy** · 06-01-2009 03:54 AM

انا اقصى سرعة بجبها 130 وبعديها بحس انى بنتحر مش عارف لية
لكن اقصى سرعة جابها اخ ليا هنا فى المنتدى كان بيجرب عربيتى وكنت قاعد جنبة بتشاهد 180

**Nour_Peugeot** · 06-01-2009 05:00 AM

انا جيب 195 في طريق السويس

و اولا السبب اني كنت عيز افتح موتور العربيه
ثانيا كنت بجرب ثبات و اقصي سرعه

و انا مش من هوات الجري يعني حسب المزاج

و احب اضيف كلمه اخري

الجري يبقي جري بعقل بس برده مش هيوقف قضاء الله

**TOOLA** · 06-01-2009 03:54 PM

انا اخرى كان 210 بكيا سبكترا على طريق السخنة, بس الثبات كان وحش لأن عندى مشاكل فى العفشة, و عموما الجرى ده مرض ماينفعش تمنعوا مرة واحدة بس بيقل شوية شوية مع مرور الزمن, و طبعا ربنا ال بيستر علينا, و يكفينا ربنا شر الطريق.

**schcios26** · 06-01-2009 08:17 PM

انا جبت 200 ب فورد مونديو موديل 98
2000cc على دائرى المنيب بس من اسبوع عملت حادث جامد و انا كنت على 160 فى الاتوستراد
يا جماعة نصيحة بلاش سرعة انا بعد لمل استلم العربية ان شاء الله مش هجرى تانى
مش بتفرق الكام دقيقة اللى هتوصل فيهم بدرى

**tarek hashem** · 07-01-2009 12:14 AM

انا جبت 2230 ( الفان ومائتين وثلاثون ) كلم/ساعه
ايوه 2230 مبهرجش
بس ب (أف)16 فالكون .
فى سنه 2001
على الارض مبعديش السرعات المقرره بس فى المانيا عديت 270 ببورش كاريرا