الموضوع: سعر الرينو لوجان المغربية

المشاركة الأصلية كتبت بواسطة medoadel

بخصوص سعر الرينو لوجان

السعر الحالى للعربية الرينو لوجان هو تقريبا 70000 الف جنية

العربية الجديدة المستوردة ، جماركها تحسب كالأتى


بالنسبة للعربية أقل من 1600 cc

40% ضريبة وارد من قيمة العربية cif : و هى تحسب كالأتى" يعنى سعر العربية من واقع فاتورة الشراء من بلد المنشأ + سعر شحنها + مبلغ التامين اللى بتدفعة فى الشحن "


يضاف عليها 15% ضريبة مبيعات : و هى تحسب على " سعر السيارة من الفاتورة + قيمة ضريبة الوارد التى تم حسابها سابقاً"


يضاف عليها 3% رسم تنمية : و هى تحسب من قيمة " سعر السيارة من الفاتورة + قيمة ضريبة الوارد التى تم حسابها سابقاً"


يعنى قيمة العربية حوالى 70000 شاملة كل اللى فوق
وبعد اعفائها من الجمارك وبدوون الدخول فى حسابات طويلة

هيكون سعر العربية حوالى 50000 جنيه

دا لو الوكيل معملش زيادة فى هامش الربح عما كان بياخد فى اللوجان قبل الاتفاقية

........... وشكرا

السعر يشمل الجمارك 40% + الضريبة 15% +رسم التنمية 3% + هاش ربح التوكيل = 70000
لان الوكيل مش ممكن يكون بيبيع العربيه ب70 الف من غير مكسب
يعنى لما تيجى من المغرب لازم تتباع ب50 الف وكده يبقى شامل مكسب الوكيل برده واعتقد ده سعر معقول جدااااا

تانى حاجه عاوز اعرفها من حضرتك الجمرك 40% من 70 الف يعنى 28 الف
انتا حسبت ان قيمة الجمرك 20 الف
و8 الاف حسبتها مصاريف شحن وتأمين
يبقى المفروض لما تتشحن من المغرب مصاريف الشحن تقل برده مظبوط كده ؟


ثالث حاجة :

يضاف عليها 15% ضريبة مبيعات : و هى تحسب على " سعر السيارة من الفاتورة + قيمة ضريبة الوارد التى تم حسابها سابقاً"

يضاف عليها 3% رسم تنمية : و هى تحسب من قيمة " سعر السيارة من الفاتورة + قيمة ضريبة الوارد التى تم حسابها سابقاً"

بما ان الضريبة ورسم التنمية بيحسب على اساس قيمة ضريبة الوارد
وبما ان ضريبة الوارد سيتم الغاءها ان شاء الله
فمنطقى ان الضريبة ورسم التنمية حتنفض بشكل تلقائى يبقى لازم السعر يقل عن 70 الف