لا يا عم بدور و امشي على طول
عرض للطباعة
لا يا عم بدور و امشي على طول
بصراحة
ماكنتش باهتم الأول بموضوع التسخين
لغاية لما قريت الموضوع ده على المنتدى http://www.nilemotors.net/Nile/showthread.php?t=6549
وبعدها قررت انى لازم أسخن العربية الأول لو حتى 5 دقايق ع الأقل وفعلا حسيت بفرق كبير جدا في اداء العربية وفي السحب
انا بسخن العربيه لمده دقيقتين بالضبط اول كل يوم
العربيه لما بتسبها تسخن بتديلك طول اليوم اداء عالي جدا ولما مبتسخنهاش بتحس انها مخنوقه وانت ماشي بيها
انا الحمد لله كل يوم باسخنها حفاظا على الموتور
وعلشان انا باستعمل زيت معدنى فبديله حقة فى التخسين علشان ينتشرر فى المحرك
بس احيان بنكون نازلين متأخرين مثلا (وده شى وارد)فبسخنها 1/2 دقيقو واجرى
المؤشر عندي فيه 3 الوان الازرق والاصفر والاحمر
مكتوب في الكاتلوج ان لو المؤشر على الازرق بيكون الموتور غير مؤهل ان اتحرك بيه
فا دايما بسخن العربية لغاية ما المؤشر يطلع للون الاصفر
وحتى لو ركنت العربية لمدة 5 او 6 ساعات برده بسخنها قبل ما اطلع
مكتوب في كتالوج الابيزا أنك مش محتاج تقف تسخن و ممكن تمشي علي طول لأن دة بيساعد موتور العربية للوصول لدرجة الحرارة المثالية في وقت أسرع, عكس التسخين في وضع الوقوف. و بكدة تكون وفرت وقت و بنزين.
بس مع الوضع في الاعتبار أنهم بينصحوا باستخدام الزيوت التخليقية.
دة كلام الكتالوج . انا بقي بدور العربية و اسيبها حوالي دقيقة واحدة علي ما ألمع التابلوة و المرايات مثلا و أربط الحزام و بعدين أتوكل علي الله. كمان مش بقرص علي العربية لحد ما توصل لدرجة الحرارة المطلوبة. :k4:
فى الصيف مبشخنش.
فى الشتاء بدور واظبط الحزام والمرايات والكاسيت واطلللع
بس مش بقرص الا لما تسخن خالص.
انا في الشتى بسخن لحد ما الموتور يهدى ويرجع لطبيعته وبعدين امشي بس مش بقرص لحد ما توصل لل90 اما في الصيف بشغل والبس الحزام وامشي بس احيانا كتير بشغل المكيف بعد ما اشغل العربية بنص دقيقه او دقيقه في الصيف
هل ده غلط؟؟؟