توصيل الـ Ipod على Usb كاسيت السيارة

**ahmedfd** · 31-12-2008 12:09 PM

حاولت أوصل الـ IPOD بالوصلة بتاعته الـ USB اللي بيتوصل بيها في الكمبيوتر على فتحة الـ USB في كاسيت العربية..
و صلته فعلاً و ممكن أختار في الكاسيت AUX أو USB..
في حالة إختيار الـ AUX الـ IPOD بيشحن بس و في حالة إختيار الـ USB بيجيب الـ menu بتاعته عادي يعنى مفروض بقة تشتغل الأغاني و فعلاً بتشتغل بس مفيش صوت!!!
هل حد عنده حل؟
و شكراً.

**HNaga** · 31-12-2008 01:15 PM

Aux بيشحن؟؟؟؟

ايه اللى يحيب المنيو عادى - ممكن توضح أكثر؟

**ahmedfd** · 31-12-2008 02:13 PM

المشاركة الأصلية كتبت بواسطة HNaga

Aux بيشحن؟؟؟؟

ايه اللى يحيب المنيو عادى - ممكن توضح أكثر؟

شكراًعلى ردك...
الـ IPOD اللي عندي Nano و وصلته بتركب فيه عادي و من الناحية التاني USB للشحن من الكمبيوتر و كمان نقل الأغاني و الفيديوهات.

كاسيت العربية عندي مفيهوش مدخلAUX لكن فية مدخل USB.
فأنا وصلت الـ IPOD بوصلته العادية و بدل محطها في الكمبيوتر حطيته في الكاسيت بتاع العربية.
أول محطيتها الكاسيت كتب في الشاشة بتاعته USB و الـ IPOD كتب على شاشته Connected و بدأ الشحن عادي زي مبحطه في الكمبيوتر بالظبط.. و مفيش مجال إنه يشتغل أصلاً طول ما هو بيشحن... غيرت من الكاسيت لـ AUX Input الـ IPOD قفل شاشة الشحن و جابلي شاشة التشغيل العادية بس مفيش صوت بيطلع من العربية.. غالباً هو مش حاسس بيه أصلا في الـ AUX أكنه مش موجود...
فهل لازم يكون الكاسيت فيه وصله AUX و أجيب converter للـ IPOD علشان يشتغل؟؟!!
أرجو إني أكون ملخبطش حضرتك.

**HNaga** · 31-12-2008 02:34 PM

ماعتقدش انه ممكن يشتغل من اليو إس بى - على الأقل الكلاسيك بتاعى
هل الكاسيت بتاعك يدعم أى بود؟لو اه يبقى حاول تجيب الكابل الخاص بيه لو ماكنش شوف برضه الكاسيت بتاعك فيه وصلة سى دى تشانجر
لو اه يبقى ممكن تركب Aux

**محمد فريد** · 31-12-2008 05:29 PM

انا عندى ال mp4 لما بيكون بيشحن من الكمبيوتر بدوس على mode فيفتح القائمة عادى واشغل اغانى عادى جرب كده وقولى

**KoDaK_Gti** · 01-01-2009 01:09 AM

الايبود مبيخرجش صوت من وصلة ال USB
خرج الصوت بتاعه من جاك السماعه ولازم توصله فى ال Aux بتاع الكاسيت
وصلة ال usb دى لنقل البيانات فقط للآى بود

**ahmedfd** · 01-01-2009 07:23 AM

المشاركة الأصلية كتبت بواسطة HNaga

ماعتقدش انه ممكن يشتغل من اليو إس بى - على الأقل الكلاسيك بتاعى
هل الكاسيت بتاعك يدعم أى بود؟لو اه يبقى حاول تجيب الكابل الخاص بيه لو ماكنش شوف برضه الكاسيت بتاعك فيه وصلة سى دى تشانجر
لو اه يبقى ممكن تركب Aux

شكراً على الرد.. الحقيقة هو أصلاً CD Player و مفيهوش غير مدخل USB بس...
هو في الموديل الـ GLS من العربية بيكون فيها أصلاً في الكونصول مدخل AUX بس أنا معنديش.
على العموم أنا هدور في Radio Shack على الوصلة دي و غالباً كلام أ/حسام Kodak_gti هيكون صح و هي وصلة من جاك سماعة الـ IPOD لـ USB الكاسيت.

**ahmedfd** · 01-01-2009 07:24 AM

المشاركة الأصلية كتبت بواسطة mody_2002_mody

انا عندى ال mp4 لما بيكون بيشحن من الكمبيوتر بدوس على mode فيفتح القائمة عادى واشغل اغانى عادى جرب كده وقولى

هجرب و أقولك...

**محمد فريد** · 01-01-2009 04:32 PM

انا فهمت كده
هو التحم كده هيكون من الكاسيت مش من الايبود لان فى الحالة دةه الكاسيت بيقرا الايبود كانه فلاشه عادية يبقى حضرتك تجرب بقى تدخل على اوبشن الكاسيت وتقلب لحد ماتوصل للاغانى فى ذاكرة الايبود فى الوضع الاول