استفسار بسيط علشان هستلم جينا يوم الاحد انشاء الله

اولا انا مش عارف اشكر مين ولا مين بصراحه انا اشكر المنتدى كله من اكبر عضو لاصغر عضو
ثانيا انا رحت النهارده جربت كل حاجه فى العربيه من زراير و نور وكاسيت وكلاكس المهم فصصتها و كله تمام بس فى حاجه ضيقتنى بصيت على العداد و العربيه دايره و هى واقفه الrpm عند 10 او فوقها بحاجه بسيطه ولما زودت بنزين الrpm بيشتغل عادى ولما اشيل رجلى من على البنزين بيرجع ل 10 تانى ولما بطلت العربيه فضل عند 10
فسالت المهندس عن الموضوع ده قالى هيفضل كده لحد الالف الاولى لانها مرحله التليين وبعد كده هيبقى طبيعى
السؤال بقى لاصحاب الجين 2 واللى لسه مستلم 2009 هل ده طبيعى ولا ده فى عيب فى العداد او الموتور
و دى صوره للعداد و العربيه مش دايره
http://filaty.com/i/812/26740/Image0001.jpg

مش عارف والله
بس على اى حال الف مبروك ومتنساش التقرير يا مان

الrpm بيبقى واقف عند ال10 علشان العربية رياضية ولما تنقل نقلة اعلي بيكون تجميعها اسرع.

و الله حضرتك انا لما اتفرجت علي البيرسونا ال 2009 و جربت ادورها كان فيها الموضوع دا ........
و لكن مسألتش بخصوص ايه الحل في الموضوع دا

كده عادى و اول ما العربية هاتسخن هاتنزل على 10 rpm
وده هايفضل الاداء الطبيعى بتاعها حتى بعد التليين مايخلص واى عربية فى الدنيا فيها rpm بيبقى عالى فى الاول و بعد كده العربية تسخن يقوم يفصل الrpm
والعربيات القديمة بدل الحساس ده كان فى حاجة اسمها شفاط بيقوم بنفس العمل بس يدوى موش اوتوماتيك زيى الحساس فى العربيات الجديدة

لا تقلق ده طبيعى جدا و لا ليه دعوة بالعربيات الرياضية و لا الكلام ده

اقتباس:

---

المشاركة الأصلية كتبت بواسطة ahmedsiyam

كده عادى و اول ما العربية هاتسخن هاتنزل على 10 rpm
وده هايفضل الاداء الطبيعى بتاعها حتى بعد التليين مايخلص واى عربية فى الدنيا فيها rpm بيبقى عالى فى الاول و بعد كده العربية تسخن يقوم يفصل الrpm
والعربيات القديمة بدل الحساس ده كان فى حاجة اسمها شفاط بيقوم بنفس العمل بس يدوى موش اوتوماتيك زيى الحساس فى العربيات الجديدة

لا تقلق ده طبيعى جدا و لا ليه دعوة بالعربيات الرياضية و لا الكلام ده

---

اشكرك استاذ أحمد على تصحيح معلوماتي.

شكرا للجميع بس يعنى ده عادى مش عيب فى العربيه (اقصد العربيه اللى انا حجزها مش كل الجين2 ) يعنى رايكم اغير العربيه بعربيه جين2 اخرى و لا ده عادى فى كل الجين2
إن شاء الله التقيم بعد اول الف

لا متقلقش ده مش عيب في العربية, لو جربت اي عربية تانية في المعرض هتلاقي نفس الموضوع, بس اهم حاجة تراجع على كل زرار وكل فانوس في العربية, وان شاء الله تستلم على خير وربنا يديك خيرها ان شاء الله.

اقتباس:

---

المشاركة الأصلية كتبت بواسطة ahmedsiyam

كده عادى و اول ما العربية هاتسخن هاتنزل على 10 rpm
وده هايفضل الاداء الطبيعى بتاعها حتى بعد التليين مايخلص واى عربية فى الدنيا فيها rpm بيبقى عالى فى الاول و بعد كده العربية تسخن يقوم يفصل الrpm
والعربيات القديمة بدل الحساس ده كان فى حاجة اسمها شفاط بيقوم بنفس العمل بس يدوى موش اوتوماتيك زيى الحساس فى العربيات الجديدة

لا تقلق ده طبيعى جدا و لا ليه دعوة بالعربيات الرياضية و لا الكلام ده

---

يا أستاذ احمد، الراجل قال حتة مهمة قوي، حضرتك ما ختيش بالك منها، بيقول: إنه لما بطل العربية، فضل RPM على عشرة برضو!!!

كلام حضرتك السابق مفهوم و صحيح 100 % لما تبقى العربية ما سخنتش، بتبقى عالية لغاية لما تسخن، بس لما ابطل العربية المفروض كل المؤشرات و العدادات بتبقى صفر او مطفية.

ده معناه ان فيه مشكلة في العداد او في كهربة العربية.

اقتباس:

---

المشاركة الأصلية كتبت بواسطة saidbakr

يا أستاذ احمد، الراجل قال حتة مهمة قوي، حضرتك ما ختيش بالك منها، بيقول: إنه لما بطل العربية، فضل RPM على عشرة برضو!!!

كلام حضرتك السابق مفهوم و صحيح 100 % لما تبقى العربية ما سخنتش، بتبقى عالية لغاية لما تسخن، بس لما ابطل العربية المفروض كل المؤشرات و العدادات بتبقى صفر او مطفية.

ده معناه ان فيه مشكلة في العداد او في كهربة العربية.

---

+1111111111111111
فعلا الصوره دى والعربيه مبطله بس فى حاجه تانيه غريبه ..... أن مؤشر البنزين برضه مدى قرايه والمفروض أنه يرجع للصفر بعد ماطفى العربيه

اقتباس:

---

المشاركة الأصلية كتبت بواسطة m_marmoush

+1111111111111111
فعلا الصوره دى والعربيه مبطله بس فى حاجه تانيه غريبه ..... أن مؤشر البنزين برضه مدى قرايه والمفروض أنه يرجع للصفر بعد ماطفى العربيه

---

تمام انا معاك في موضوع البنزين
بس في ملحوظة في عربيات بيكون المؤثر بتاع البنزين مش مع الكهربا
فممكن تكون بروتون غيرت السياسة بتاعت الموضوع دا يعني بأ مش زي الموديلات الي لغايت 2008 ممكن و الله اعلم .... بس برده لازم يسأل في المواضيع دي

و من العربيات الي فيها الموضوع دا الدايهاتسو التريوس ( الشكل القديم ) ( مؤثر البنزين مش معا الكهربا )

يا جماعه انا عايز اوضح حاجه ان الصوره دى للعربيه قبل ما تدخل فحص و كانت مش دايره وكلام ده من 3 ايام بس النهارده لما رحت لقيتها خلصت جزء من الفحص و لسا باقى جزء
وعلى فكره مؤشر البنزين النهارده لما بتطلتها نزل للصفر بس الrpm زى ما هو عند 10 هل ده طبيعى و لا اجرب عربيه تانيه

جرب عربية تانية
لان ده مش طبيعي لازم اول ما تبطل العربية كل المؤشرات تنزل للصفر لانك فصلت الكهربا عنها

كل سنه و جميع الاعضاء بخير بمناسبه العام الجديد
و انا إن شاء الله ناوى اجرب عربيه تانيه
بس لو لقيت كل العربيات كده استلم ولا اعمل ايه
يعنى ده طبيعى
مش عيب فى الموتور

لأ كده مش طبيعى انا معايا جين 2 2009 و لما ببطل العربيه ال Rpm بينزل للصفر

اقتباس:

---

المشاركة الأصلية كتبت بواسطة madooo

لأ كده مش طبيعى انا معايا جين 2 2009 و لما ببطل العربيه ال Rpm بينزل للصفر

---

+1000000000000000
مش طبيعى يعملوها قبل الاستلام او عربية تانية المكان الى واقف فى المؤشر عندة لما تكون العربية لسة باردة لكن لما تطفى الموشر بينزل والف مبروك جين2 الجميلة :w6266d
ربنا يوفق

أوعى تستلم نهائياً. إضافة لكدة، ما دام فيه حد في المعرض ده بيحاول إستغفالك بالشكل المستفذ ده، المفروض ما تجبشي من عندهم خالص، لأنه لما يقولك ده عادي يبقى يا إما بيحاول ينصب عليك او إنه بيهرج، و في كلتا الحالتين مصيبة. و يبقى في الحالة دي يبقى يا عالم ايه مستخبي تاني؟!!!

اقتباس:

---

المشاركة الأصلية كتبت بواسطة saidbakr

أوعى تستلم نهائياً. إضافة لكدة، ما دام فيه حد في المعرض ده بيحاول إستغفالك بالشكل المستفذ ده، المفروض ما تجبشي من عندهم خالص، لأنه لما يقولك ده عادي يبقى يا إما بيحاول ينصب عليك او إنه بيهرج، و في كلتا الحالتين مصيبة. و يبقى في الحالة دي يبقى يا عالم ايه مستخبي تاني؟!!!

---

ده حتلاقيه بكر حسين فى فرع لاعجوزه لأنى و انا بشترى العربيه كان عمال يفتى و فاكرنى مش فاهم و أنا ساكت و سايبه يفتى

للعلم بس يا اخ nanas ال Rpm ده هو عدد لفات الموتور فى الدقيقه يعنى لمل العربيه تكون مبطله المفروض ال rpm يقرأ صفر لو قرأ 10 يبقى الrpm بايظ و لو قلك الجين 2 الجديد كله كده قله يبقى العربيات كلها بايظه و متستلمش من المعرض ده زى مابيقول الاخ saidbakr

"يا جماعه انا عايز اوضح حاجه ان الصوره دى للعربيه قبل ما تدخل فحص و كانت مش دايره وكلام ده من 3 ايام بس النهارده لما رحت لقيتها خلصت جزء من الفحص و لسا باقى جزء
وعلى فكره مؤشر البنزين النهارده لما بتطلتها نزل للصفر بس الrpm زى ما هو عند 10 هل ده طبيعى و لا اجرب عربيه تانيه "
انا عايز اعرف هى العربية بيتعملها فحص قبل الاستلام ولا اةةة

الموضوع ده فكرني بحكاية عربية 128 بتاعت واحد معرفة، و هو بيتاجر في العربيات و شايف نفسه فهلوي و بيكولها و هي والعة.

المهم، كنا رايحين في عربيته الـ 128 القاهرة و كنا كلنا 4 في العربية، و احنا على الطريق الصحراوي، كان بيقعد يوصف و يمجد في العربية اللي معاه، و يقولنا شوفوا العربية دي فيها قوة ازاي، ماشية 120 و قابلة تاخد تاني، و في الحقيقة كانت بتوصل 130 و بتشب على 140 في المنازل بتاعت الصحراوي طبعا.

المهم لما وقفنا و ببص على العداد، لقيته قاري بين 20 و 30 و ده و العربية واقفة!

يا عزيزي، أوعى تستلم العربية و عدادها او كهربتها موش مظبوطة، و ده موش على سبيل إن ده موضوع خطير أو حاجة تبوظ العربية (فأنا ما اعرفشي مدى خطورته ايه بالضبط) و لكن على سبيل انه ما ينفعشي اشتري عربية زيرو و اطلع بيها من المعرض و انا شايف فيها عيب قدامي، و جايز يدخلني في متاهة و هيعوز حاجات تتفك و تتركب في العربية و هي لسة برايشها.

"يا جماعه انا عايز اوضح حاجه ان الصوره دى للعربيه قبل ما تدخل فحص و كانت مش دايره وكلام ده من 3 ايام بس النهارده لما رحت لقيتها خلصت جزء من الفحص و لسا باقى جزء
وعلى فكره مؤشر البنزين النهارده لما بتطلتها نزل للصفر بس الrpm زى ما هو عند 10 هل ده طبيعى و لا اجرب عربيه تانيه "

انا عايز اعرف هى العربية بيتعملها فحص قبل الاستلام ولا اةةة

اقتباس:

---

انا عايز اعرف هى العربية بيتعملها فحص قبل الاستلام ولا اةةة

---

بيتعملها فحص فى التوكيل اول لما بتوصل من بره علشان يتاكدوا ان كل حاجه شغاله

و على فكره يا جماعه العربيه من التوكيل فى الاسكندريه على اول الطريق الزراعى
مش من معرض

طيب السؤال لو لقيت كل العربيات كده اعمل ايه؟

يا جماعه لما الكلام ده فى التوكيل طيب فى المعارض فى ايه

اقتباس:

---

المشاركة الأصلية كتبت بواسطة nanas

بيتعملها فحص فى التوكيل اول لما بتوصل من بره علشان يتاكدوا ان كل حاجه شغاله

و على فكره يا جماعه العربيه من التوكيل فى الاسكندريه على اول الطريق الزراعى
مش من معرض

طيب السؤال لو لقيت كل العربيات كده اعمل ايه؟

---

ببساطة شديدة، خود فلوسك و ما تشتريهاش.

يا ريت يا باشا تبلغناعملت ايه

وهي واقفه دي غريبه المفروض في اي عربيه انه ينزل على 0 لو مبطلها فعلا بلاش العربيه دي وشوف غيرها

اقتباس:

---

المشاركة الأصلية كتبت بواسطة madooo

لأ كده مش طبيعى انا معايا جين 2 2009 و لما ببطل العربيه ال Rpm بينزل للصفر

---

صح كده ..ماتستلمهاش وشوف عربيه تانيه احسن وسيبك من كلام اللى فى التوكيل ده