مشكله مجننانى وارجوا ان اجد عندكم الحل للانسر كريستاله 99

العربيه بتحدف يمين اووووووووى يعنى مش سنه سنه لا مجرد ما اسيب الدريكسيون تجرى ناحيه اليمين وبواجه صعوبه لما اجى اكسر ناحيه الشمال بلاقى الدركسيون تقيل جدا عكس ما اجى ناحيه اليمين لان العربيه اصلا مجرد ما اسيب الدركسيون تجرى ناحيه اليمين جدا لوحدها وبسمع صوت تزيق وانا بحرك الدريكسيون يمين وشمال والصوت ده من الطاره نفسيها وكمان الباور تقيل جداااااااااااااااااااا انا عارف ان باور الكريستاله تقيل بس ده اتقل من الطبيعى بكتير بتجربتى لعربيه زيها بالظبط علما انى كاشف على سير الباور فى التوكيل ومقاس الزيت وزيت الباور فى التوكيل ومظبط زوايه بارضوا والمشكله زى ما هى فارجوا ان الاقى حل عند حضرتكم واعرف سبب المشكله وشكرا ليكم

اقتباس:

---

المشاركة الأصلية كتبت بواسطة mazgangy

العربيه بتحدف يمين اووووووووى يعنى مش سنه سنه لا مجرد ما اسيب الدريكسيون تجرى ناحيه اليمين وبواجه صعوبه لما اجى اكسر ناحيه الشمال بلاقى الدركسيون تقيل جدا عكس ما اجى ناحيه اليمين لان العربيه اصلا مجرد ما اسيب الدركسيون تجرى ناحيه اليمين جدا لوحدها وبسمع صوت تزيق وانا بحرك الدريكسيون يمين وشمال والصوت ده من الطاره نفسيها وكمان الباور تقيل جداااااااااااااااااااا انا عارف ان باور الكريستاله تقيل بس ده اتقل من الطبيعى بكتير بتجربتى لعربيه زيها بالظبط علما انى كاشف على سير الباور فى التوكيل ومقاس الزيت وزيت الباور فى التوكيل ومظبط زوايه بارضوا والمشكله زى ما هى فارجوا ان الاقى حل عند حضرتكم واعرف سبب المشكله وشكرا ليكم

---

من الواضح ان المشكلة فى دائرة الباور....وطالما ان العربية بتحدف يمين على طول بالرغم من انك مظبط الزوايا وخلافة.....فشكلها كدة حضرتك محتاج صيانة فى بستم الجريدة (اللى بيحول ضغط زيت الباور الى حركة خطية والتى تنقل الى أعمدة الطرف ثم العجل الأمامى).....عموما الموضوع دة لو عملة صنايعى كويس مش حيحتاج غير طقم اصلاح للبستم بتاع الجريدة

اقتباس:

---

المشاركة الأصلية كتبت بواسطة samirayad

من الواضح ان المشكلة فى دائرة الباور....وطالما ان العربية بتحدف يمين على طول بالرغم من انك مظبط الزوايا وخلافة.....فشكلها كدة حضرتك محتاج صيانة فى بستم الجريدة (اللى بيحول ضغط زيت الباور الى حركة خطية والتى تنقل الى أعمدة الطرف ثم العجل الأمامى).....عموما الموضوع دة لو عملة صنايعى كويس مش حيحتاج غير طقم اصلاح للبستم بتاع الجريدة

---

الف شكر يا باشا على سرعه ردك بس السوال بقى انا مظبط زوايا وكاوتش جديد وبرجيستون وسير باور وزيت باور فى التوكيل والمشكله موجوده برضوا فالصنيعى اللى يعمل الموضوع ده يكون عفشجى والا ميكانيكى والا ايه بالظبط؟؟؟؟؟؟؟؟؟؟وطقم الاصلاح ده القيه فين وهو عباره عن ايه؟؟؟ وشكرا لتعب حضرتك معايا

اقتباس:

---

المشاركة الأصلية كتبت بواسطة mazgangy

الف شكر يا باشا على سرعه ردك بس السوال بقى انا مظبط زوايا وكاوتش جديد وبرجيستون وسير باور وزيت باور فى التوكيل والمشكله موجوده برضوا فالصنيعى اللى يعمل الموضوع ده يكون عفشجى والا ميكانيكى والا ايه بالظبط؟؟؟؟؟؟؟؟؟؟وطقم الاصلاح ده القيه فين وهو عباره عن ايه؟؟؟ وشكرا لتعب حضرتك معايا

---

يا أخى احنا تحت أمرك....الموضوع بسيط ان شاء الله ومحتاج عفشجى ابن حلال وهو حيحل البستم علشان يشوف السيل الجلد اللى علية وحتجيب زية من عند أى حد بتاع قطع غيار.....لأن واضح كدة ان السيل دة بيهرب الزيت الى وجة البستم المسئول عن الحركة فى اتجاة اليمين......وابقى طمنا وربنا يوفق

متشكر يا باشا على ردك بس لو هى محتاجه كده فعلا كان زيت الباور نقص او اتغير لونه او كده لكن هو مظبوط والا نقص والا اسود والا ايه رأى حضرتك انت؟؟

اقتباس:

---

المشاركة الأصلية كتبت بواسطة mazgangy

متشكر يا باشا على ردك بس لو هى محتاجه كده فعلا كان زيت الباور نقص او اتغير لونه او كده لكن هو مظبوط والا نقص والا اسود والا ايه رأى حضرتك انت؟؟

---

عمر زيت الباور ماينقص لو هى زى منا بأقول.....وانما كل اللى بيحصل هروب الزيت من عند وجة البستم المسئول عن الدفع فى اتجاة الشمال الى الجنب المسئول عن الدفع يمينا....ودة بيطلق علية تسريبداخلىinner leakage ......بمعنى أصح عمر الزيت فى الدائرة ماينقص الا لو حدث تسريب خارجى.......ولاحظ يا أخى ان برضة ممكن يكون البلف الدوار المسئول عن توجية الزيت لأحد جوانب بستم الجريدة..... أى يكون هذا البلف بيعلق بحيث يوجة الزيت الى وجة البستم المسئول عن الحركة يمينا وبيعلق فى اتجاة الشمال ودة بالطبع بتقل الحركة شمال معاك(أحب أن أضيف بأن البلف الدوار هذا موجود فى المنطقة المسماة (علبة الدركسيون)......أنا فى انتظار ردك بعد العلاج ان شاء الله

ممكن تكون المشكلة في شداد العجلة اليمين يكون اتكسر مثلا فحاول تشوفه و حصلت معايا و ياريتني كنت سايق ملاكي لا ميكروباص بس علي مين سقته برضه.

اقتباس:

---

المشاركة الأصلية كتبت بواسطة samer_engines

ممكن تكون المشكلة في شداد العجلة اليمين يكون اتكسر مثلا فحاول تشوفه و حصلت معايا و ياريتني كنت سايق ملاكي لا ميكروباص بس علي مين سقته برضه.

---

يا سامر بية ....ألأخ بيقول انة مظبط زوايا وكل الاعمال التقليدية عملها.......أشكرك

اقتباس:

---

المشاركة الأصلية كتبت بواسطة samirayad

يا سامر بية ....ألأخ بيقول انة مظبط زوايا وكل الاعمال التقليدية عملها.......أشكرك

---

أسف مخدتش بالي من الموضوع ده ركزت في المشكلة بس.

الهوندا كانت عملت معايا مرة كدة من سنين

كنت و انت واقف تسيب الدركسيون تلاقي العجل لف لأقصى اليمين لوحدة
كأن حد بيلف الدركسيون عالاخر, و كذلك و انت ماشي

تبين ان السبب اني كنت عامل شغل ميكانيكا قبلها على طول , و اللي بيقفل ركب خرطوم من خراطيم الباور غلط مكان رخطوم جاي من الفتيس الاوتوماتيك

فخللى الزيت اللي جاي من الفتيس ومفروض داخل على سربنتينة الردياتير يتبرد يخش في مدخل زيت الباور اللي داخل للسكاترا و العكس
فخلت فية ضغط جامد داخل على السكاترا جاي كأنك فاتح الصمام نتيجه لف العجل يمين فالسكاترا على طول رايحة بالكامل لليمين بمجرد دوارة العربية

و بنجرد ما رجعت الخراطيم للصح العربية اتضبطت في ثانية

اقتباس:

---

المشاركة الأصلية كتبت بواسطة SAMER_ENGINES

أسف مخدتش بالي من الموضوع ده ركزت في المشكلة بس.

---

ولا يهمك يا أخى....جل من لا يسهو:satelite:

اقتباس:

---

المشاركة الأصلية كتبت بواسطة Adham

الهوندا كانت عملت معايا مرة كدة من سنين

كنت و انت واقف تسيب الدركسيون تلاقي العجل لف لأقصى اليمين لوحدة
كأن حد بيلف الدركسيون عالاخر, و كذلك و انت ماشي

تبين ان السبب اني كنت عامل شغل ميكانيكا قبلها على طول , و اللي بيقفل ركب خرطوم من خراطيم الباور غلط مكان رخطوم جاي من الفتيس الاوتوماتيك

فخللى الزيت اللي جاي من الفتيس ومفروض داخل على سربنتينة الردياتير يتبرد يخش في مدخل زيت الباور اللي داخل للسكاترا و العكس
فخلت فية ضغط جامد داخل على السكاترا جاي كأنك فاتح الصمام نتيجه لف العجل يمين فالسكاترا على طول رايحة بالكامل لليمين بمجرد دوارة العربية

و بنجرد ما رجعت الخراطيم للصح العربية اتضبطت في ثانية

---

تمام كدة يا استاذ/أدهم........ماهو الميكانيكية عندنا على قدهم والشغل كلة اجتهادى......علشان كدة أنا قولت للاخ/صاحب البوست ان المشكلة لن تخرج عن بستم الجريدة(اللى داخل السكاترا يعنى....) أو البلف الدوار اللى بيفتح اتجاة زيت معين مع حركة الدركسبون...شمال أو يمين

الحمد لله روحت النهارده لعفشجى معرفه واحد صاحبى وظبت كل حاجه وبعديها ظبط زاوايا والعربيه بقيت تمام والدريكسيون والباور تمام والحمد لله

اقتباس:

---

المشاركة الأصلية كتبت بواسطة mazgangy

الحمد لله روحت النهارده لعفشجى معرفه واحد صاحبى وظبت كل حاجه وبعديها ظبط زاوايا والعربيه بقيت تمام والدريكسيون والباور تمام والحمد لله

---

طب قولنا العفشجى عمل اية

اقتباس:

---

المشاركة الأصلية كتبت بواسطة samirayad

طب قولنا العفشجى عمل اية

---

بص يا باشا انا معرفش فى الحجات دى قوى بس هو راجل معرفه قريبى وانا روحت لقريبى وسبهالوا وقالوا ظبطها وفضلت انا وقريبى على القهوه بص انا جبتلوا حاجات طلبها جلب مقص واحده شمال وواحده يمين و2 مسمار ميزان بس وقالى حترجع تلقيها عروسه قولتلوا عاوز حاجه تانى اجيبهالك قبل ما نمشى قالى لا كده تمام كله على الله وسيب الباقى عليا قولت تمام مشيت ورجعت اجرب كله تمام كام يا عم قالى 90 جنيه مصنعيه روحت مديلو 100 وتوكلت على الله ده كل اللى حصل بالظبط يا باشا

اقتباس:

---

المشاركة الأصلية كتبت بواسطة samirayad

طب قولنا العفشجى عمل اية

---

بص يا باشا انا معرفش فى الحجات دى قوى بس هو راجل معرفه قريبى وانا روحت لقريبى وسبهالوا وقالوا ظبطها وفضلت انا وقريبى على القهوه بص انا جبتلوا حاجات طلبها جلب مقص واحده شمال وواحده يمين و2 مسمار ميزان بس وقالى حترجع تلقيها عروسه قولتلوا عاوز حاجه تانى اجيبهالك قبل ما نمشى قالى لا كده تمام كله على الله وسيب الباقى عليا قولت تمام مشيت ورجعت اجرب كله تمام كام يا عم قالى 90 جنيه مصنعيه و20 جنيه ظبط زاوايا روحت مديلو 120 وتوكلت على الله ده كل اللى حصل بالظبط يا باشا

اقتباس:

---

المشاركة الأصلية كتبت بواسطة mazgangy

بص يا باشا انا معرفش فى الحجات دى قوى بس هو راجل معرفه قريبى وانا روحت لقريبى وسبهالوا وقالوا ظبطها وفضلت انا وقريبى على القهوه بص انا جبتلوا حاجات طلبها جلب مقص واحده شمال وواحده يمين و2 مسمار ميزان بس وقالى حترجع تلقيها عروسه قولتلوا عاوز حاجه تانى اجيبهالك قبل ما نمشى قالى لا كده تمام كله على الله وسيب الباقى عليا قولت تمام مشيت ورجعت اجرب كله تمام كام يا عم قالى 90 جنيه مصنعيه روحت مديلو 100 وتوكلت على الله ده كل اللى حصل بالظبط يا باشا

---

الحمد للة وألف مبروك....ان الموضوع طلع بعيد عن الباور وكان فى العفشة (ولو أن البية اللى ضبط الزوايا كان المفروض يقولك عن جلب المقصات ومسامير الميزان):S_thum1[1]:

اقتباس:

---

المشاركة الأصلية كتبت بواسطة samirayad

الحمد للة وألف مبروك....ان الموضوع طلع بعيد عن الباور وكان فى العفشة (ولو أن البية اللى ضبط الزوايا كان المفروض يقولك عن جلب المقصات ومسامير الميزان):S_thum1[1]:

---

الحمد لله على كل حال بس انا نفسى فى بتاع زوايا محترم لو تعرف حد حضرتك ياريت العنوان بالظبط علشان اتعامل معاه بعد كده لان كلاهم مش بيفهموا حاجه وحرميه وشكرا لحضرتك

اقتباس:

---

المشاركة الأصلية كتبت بواسطة mazgangy

الحمد لله على كل حال بس انا نفسى فى بتاع زوايا محترم لو تعرف حد حضرتك ياريت العنوان بالظبط علشان اتعامل معاه بعد كده لان كلاهم مش بيفهموا حاجه وحرميه وشكرا لحضرتك

---

معلش أنا بأعتذر للأننى من الغربية وحاليا أعمل بالأسماعيلية ...ومقدرش أفيدك عن حد فى محل اقامتك.....ياريت تحدد محل اقامتك وأكيد فية حد من الأخوة حيفيدك.......أشكرك

والا يهمك يا باشا وانا ساكن فى وسط البلد عند الجامعه الامريكيه ووزاره الدخليه وعاوز حد قريب من هنا او فى المعادى مثلا لانى بروح هناك كتير