العربية لانسر 98 معايا من شهر العربية ممتازه بس واطية قوى وطبعا مصر كلع=ها مطبات عالية هل هناك حل قالولى بيزودو كاوتشة فوق السسته الخلفية ترفع شوية إيه رأيكم أفيدونى يا أهل الخبرة
عرض للطباعة
العربية لانسر 98 معايا من شهر العربية ممتازه بس واطية قوى وطبعا مصر كلع=ها مطبات عالية هل هناك حل قالولى بيزودو كاوتشة فوق السسته الخلفية ترفع شوية إيه رأيكم أفيدونى يا أهل الخبرة
عملية الكاوتشة دي اسمها علايات، هل العربية منخفضة عن نظيراتها ولا زيها بس انت مش عاجبك ارتفاعها؟؟ لو منخفضة عن مثيلاتها يبقي اكشف علي السست ممكن تكون عاوزة تتغير واكشف علي المساعدين برضه.
علي فكرة العلايات هتقلل من ثبات العربية خاصاً مع السرعات العالية.
لا انصحك فهذا اسلوب ترميم وليس تصليح
لا أنصح بالعلايات
زي ما نادر قالك كده بالضبط لو اوطي من مثيلاتها شوف اليايات و لو زيهم ما تلعبش في العربيه علشان الثبات بتاعها
نفس مشكلة عميتي الحل أنه بيبطأ عند المطبات و ياخذها بالعرض
بص هو حل العلايات هيحسن الاداء مع المطبات لكن هيسئ خواص الثبات فى السرعة العالية
لو انت من انصار السواقة الحنينة وآخرك 100 استعمل العلايات ومتخافش لان لحد سرعة ال100 حكاية الثبات دى مالهاش اثر بالنسبة للانسر موديل عربيتك
بس اهم حاجة بالنسبة لاستعمال علايات هو انك لو هاتحط علايات ورا يبقى تحط زيهم قدام لازم خط العتب السفلى بتاع العربية يكون موازى للأسفلت متبقاش العربية مكفية على وشها، الحاجة التانية المهمة هو ان اخرك فى العلايات 3 سم، إوعى تزود عن كدة
لو انت من محبى الجرى يبقى ابعد عن العلايات نهائيا وانسى انك سمعت عنها اصلا وتحمل الحك فى المطبات
يوجد حل يرفع لك العربية ويحافظ على الثبات لكنه حل مكلف شويتين تلاتة
طقم سوست جديد يكون اعلى من السوست القديمة بتاعتك يديلك 3 سم ارتفاع اضافى، مع استعمال مساعدين رياضية (كونى مثلا) بس فى هذة الحالة العربية هتبقى ناشفة فى المطبات زى الحجر
دى الحلول المتاحة امامك
لا هي بس عشان ممكن مش تكون واخد على علوهااقتباس:
العربية لانسر 98 معايا من شهر العربية ممتازه بس واطية قوى وطبعا مصر كلع=ها مطبات عالية هل هناك حل قالولى بيزودو كاوتشة فوق السسته الخلفية ترفع شوية إيه رأيكم أفيدونى يا أهل الخبرة
ممكن اسأل حضرتك سؤال
انك كنت سايق ايه قبلها
والله انا سعيد بيكم جدا ومقدر تعبكم فى الرد عليا وربنا يجزيكم خير وكلها إقتراحات محترمة وآراء سديده ..كفاية معنوياتى إرتفعت ومش لازم العربية تترفع ..ربنا يباركلى فيكم
احنا تحت امرك مهوة دة دور المنتدي ان احنا نقف جنب بعض .